هل ممكن لو رجع بيك الزمن من تاني تجيب النترا 2012 ولا رايكوا ايه ؟؟؟
عرض للطباعة
هل ممكن لو رجع بيك الزمن من تاني تجيب النترا 2012 ولا رايكوا ايه ؟؟؟
مع إنى مش من مالكيها بس سوقتها كتير ........ من غير تزويق فى الكلام ......... لأ
السيفيك والفانتازيا برقبتهــــــــــــا
هى معايا من شهر 2
بس اكيد هجيب رينو فلوانس
جبتها اول ما نزلت و بعد جربت التوكيل عشان كان عندى مشكله بعتها و رجعت تانى لحيرة الاختيار بس يا يابانى او اوروبى بعد كده
انا مش من ملاكها بس اعتقد ان فى نسبه لا بأس بها من الملاك كان جزء كبير من قرار الشراء راجع لشكلها الخارجى اللى كان جديد و ملفت و ممكن يشغل عن التفكير المنطقى فى السعر مقارنه بالامكانيات اما الآن اصبح شكلها مألوف و منتشره فى الشوارع وده ممكن يخللى ناس كتير تغير رأيها بعد ما عرفت مزاياها و عيوبها الفعليه بعد الاستخدام
أيوا كنت هشتريها تاني بس أعلى فئة فيها اللي بتنزل في كوريا مش المصري لأن فيها كماليات تحفة والعربية جميلة .
ايوه هأشتريها بس الفئة الأعلي و ياسلام لو الفولي لودد
وده اللي بأخطط له في ال 3 سنين القادمين او سوناتا باذن الله تعالي
العربية دى سوقتها كتير فئة الفولى لودد و بامانة عربية تحفة :S_thum1[1]:و معلش بقى هى افضل طبعا من الفنتازيا اول فئة (اللى اغلى منها) و بامانة تديها على قفاها مع احترامى للى بيقول اوربى و مش عارف ايه... انا بتكلم على الالنترا الفولى لودد مقارنتا بالفانتازيا اول فئة.
العربية تصميم سابق عصرة و صالون شيك جدا و خامات ممتازة و ناعمة بطريقة غير عادية و سحبها ممتاز و الثبات فيها رائع... جبت بيها 180 و كنت ماسك الدركسيون بصباع :verygood: و ممتعة جدا فى سواقتها بجد عربية من الاخر و هيونداى مبقتش بتهزر و اكبر الشركات العالمية بتعملها الف حساب دلوقتى... لو معايا ثمنها اكيد حشتريها
شوف ياجماعة الموضوع دة المفروض تقولوا فية حاجة واحدة , لو انت اشتريت النترا تشتريها تانى ولا لأ , لكن هدخلوها فى مقارنات مع عربيات اصلا اعلى منها فى حاجات كتير هنا بقى انتوا اللى بتغيروا مسار الموضوع , ( لو مش عايزنا ندخل يعنى ونبوظ هدف الموضوع )
فياريت ماتعملوش مقارنات مع عربيات تانية والا هنعمل هجووووووووووووووووووووووو ووووووووووووووووووووووم
هو ايه االالنترا ال فولى لود دى يا جماعه
طياره ؟
http://i1271.photobucket.com/albums/...-2011_01-2.jpg
http://i1271.photobucket.com/albums/...ne/--20121.jpg
http://i1271.photobucket.com/albums/...Interior-1.jpg
http://i1271.photobucket.com/albums/...w-Pictures.jpg
Skoda octavia a5 1.6mpi - YouTube
‫تسارع ألنترا 2012 أوتو‬‎ - YouTube
دية صور للعربيتين وتسارع للعربيتين
بالنسبة بقى للخامات معلش ياباشا ماحدش يقدر يقول كلمة واحدة على خامات الفانتازيا , والالنترا ال FULLY LOADED انا مركبتهاش عشان احدد بس ركبت الفئات الاقل وكلها كانت بلاستيك بأستثناء جزء بسيط فى منتصف التابلوة هو اللى متبطن
- الاتساع الداخلى : الفانتازيا اوسع خصوصا من الخلف من السقف
- نعومة صوت المحرك عكس بعض يعنى الفانتازيا صوتها اعلى لحد 2500 RPM بعكس الالنترا صوتها اعلى من بعد 3000 RPM والعكس صحيح
- الاعتمادية ماعتقدش ان الالنترا اعطالها قليلة ابدا لانها فيها عيوب كتير ومشاكل كتير
بعكس الفانتازيا
- ماشى معاك بس الفانتازيا تكييفها مقبول جدا
- استهلاك البنزين اعتقد قريب من بعض جدا لان الالنترا لحد دلوقتى ماعديتش ال200 كم جوة البلد استهلاك وكذلك الحال للفانتازيا
- والله من اللى انا شايفة ان لحد دلوقتى الالنترا اسعارها غالية مش رخيصة وبتكلم عن اللى فى التوكيل , واعتقد الاسعار مش هتبقى بعيدة لصالح الفانتازيا وممكن نسأل ملاكها
- سعر اعادة البيع ماشى فى صالح الكورى عموما لان اى حد بيفهم وتصليحة عند البقال لو جيبت عيل صغير (صبى ميكانيكى ) هيشتغل فيها عادى
- انتشار مراكز الصيانة بس كلهم تعبانين وبيشتغلوا الناس
- والنبى مش عيب لما يبقى واحد راكب عربية ب141 الف جنية والتانى راكب نفس العربية بس ب156 الف جنية ويفرقوا مابينهم فى حتة تابلوة ماكسى جلد مضغوط
ومش عيب واحد يكون راكب عربية ب 180 الف من غير جنوط ولا فتحة سقف ؟
وعزل الالنترا احسن من الاوكتافيا
وشكل الالنترا احسن بكتير وشبابي اكتر
اوبشن الاوكتافيا اكتر
الموتور مفيش مقارنة الالنترا بالنسبة للاوكتافيا طلقة
وزي ما الالنترا ليها اعطال الاوكتافيا ليها اعطال ، وعامة الاتنين مشاكلهم قليلة
ولو هتتكلم على مراكز الصيانة وبتقول تعبانين ، بتحسسني ان توكيل سكودا مشغل علماء مثلا
انا صاحبى جابها وفيها جنوط ومن غير فتحة سقف وتمنها 175 الف جنية وفول اوبشن وماشاء الله فيها اوبشن كتييييييييييييييييييييييي ييييييييييييييييير جدا ماتعدش
- مين قال ان عزل الالنترا احسن انا ركبت الاتنين ومعلش ياريت تركب الاسكودا تانى وتركز شوية فى العزل
- انا من نظرى ان شكل الفانتازيا لية معنى وقار وقوة وهيبة على الطريق , لكن شكل الالنترا اة شكل حلو وكويس محدش قال حاجة بس الواحد زهق منة بسرعة مابقتش ملفتة للنظر , بس محدش قال ان شكلها وحش ( والشكل دة وجهات نظر انا مابعملوش مقارنة اصلا )
- معاك محرك الالنترا اقوى بس بعد ال100 اعتقد الفرق دية هيتقلص جاااااامد
- معلش الالنترا مشاكلها كتييييييير محدش يقول مشاكلها قليلة واللى مش مصدق ينزل الحرفيين ويشوف عربيات قد اية بتتصلح ومش خبطات
- والله انا صاحبى الحمد لله جايب العربية بقالة كتير مافيش حاجة غير الصيانات بس ولا اشتكى من حاجة ولا حسينا بحاجة فى الطريق
اكيد يعنى عربية تمنها 215 الف جنية لل high line , مش هتيجى الالنترا اللى اغلى عربية فيها ب156 الف جنية وتقولوا احسن معلش الاسكودا سمعتها ممتازة فى السوق المصرى والصراحة عربية ممتازة
الموضوع ده معمول لملاك الألنترا علشان يقولوا رأيهم فيها و مش معمول للمقارنة بعربيات تانية
اللي عايز يقارن بين عربيتين عنده قسم المقارنات أو اي قسم تاني لكن هنا أي موضوع فيه مقارنات بين عربيتين بخلاف عربيات هيونداي سيتم حذف الموضوع أو المشاركة
هو موضوع دعوى للتسارع مع النترا 2012 اللى انا عملتة فى المنتدى العام راح فين؟؟؟ بدور علية مش لاقية!!! هو اتحذف ولا انا اللى مش شايف؟؟
طيب مااحنا قولنا كدة من الاول , ملاك هيونداى بدأوا يقولوا عيبوب السيارات الاخرى ويقولها بالاسم ومعنى ان احنا نلاقى الكلام دة ومانردش يبقى كدة احنا موافقين
وانا قولت قبل كدة فى مشاركة ياريت ملاك هيونداى النترا هما اللى يردوا ويتكلموا على الالنترا بس لكن اى عربية هتدخل فى الوسط ويتقال عليها بغير حق , اكيد هتلاقى دفاع من ملاكها , صلحوا الاول ردودكوا وبعد كدة ابقى حددوا المشاركات , لكن مش الهيونداوية يبدأوا ويجى حد يرد تقولوا دة معمول لملاك الالنترا بس وانة يشتريها تانى ولا لأ
على فكرة وللامانة انا كمان مع سامح في نقطة الشكل
الفانتزيا خصوصا الهاي لاين !! لحد دلوقتي كل مابشوفها لازم تخطف عيني وافضل باصص عليها وعلى روعة وفخامة العربية
اما الالنترا في الاول بس !! بعد ماتعودت عليها مابقتش تخطفني زي الاول
وبرضوا للامانة انا مش معاك يا سامح في نقطة ان الفرق في المحركات فوق ال 100 قليل !! لا يا كبير الالنترا هتعدي الفانتزيا فوق ال 100 وتحت ال 100 وفي الحالتين بفرق جامد
عزل الفانتزيا شايفه عادي !! ماينفعش يتقال عليه ممتاز خصوصا ان صوت الماتور بتاعها عالي ومسموع من داخل الكبينة
انا ماجيتش جنب الالنترا فى حاجة انا كلامى كلة على الفانتازيا وهو دة الصح
انا شايف ان العزل مش اقل من الفانتازيا زى ماناس بتقول
قولتلك محركها اقوى طيب عايز اقولك اية تانى
مشكلة قطع الغيار واعتمادية السيارة انزل نزلة للحرفيين وانت تشوف بنفسك , ودة مايمنعش بردة انى بلاقى اسكودا عطلانة , وعايز اقولك حاجة شوفت عربية سكودا فانتازيا عطلانة ولسة العربية زيرو فى طريق صلاح سالم وكانت فى فرح , وشوفت عربية اودى 2011 عطلانة على الطريق فى مصر الجديدة وفى وسط الشارع , عادى يعنى , وخد عندك الكورى بالعبيط , كل عربية بتعطل وممكن يكون فيها عيب تصنيع عادى , بس الاعتمادية الاقل انك تبقى محتاج تغير حاجات كتير بعد كيلوهات قليلة فتخيل بقى بعد كدة هتعمل اية
انا بتكلم بموضوعية جدا
ماشى ياباشا مش هنتكلم على المحركات وهنقول بفرق مافيش مشاكل
مادة اللى انا قولتة الصوت هيبقى واضح عند 2500 rpm بعد كدة هيقل جاااااامد
على فكرة السكودا عربية محترمة بس من الآخر مش هدفع 170 ألف علشان أركب أول فئة فيها بينما عندي الألنترا وفيها كل حاجة أنا عاوزها :
- عوامل أمان air bag - abs .
- موتور شرس وتسارع هو الأعلى في الفئة بتاعتها .
- شكل صايع .
- أعتمادية عالية .
- تابلوه متميز ومساحة داخلية كبيرة سواء كراسي أو شنطة .
- سعر أعادة بيع ممتاز .
السعر = 140 ألف جنيه .
ركز في الموضوع شوية يا سمسم باشا
شوف اول رد ، هل ده معاه النترا اصلا ؟ مين اللي بدا المقارنة ؟
http://www.nilemotors.net/Nile/3874440489-post2.html
رمضان كريم
محدش يقدر يقول حاجة عالفانتازيا ، بس لما ادفع 210 الف في سكودا فانتازيا و 100 حصان وانا قدامي بيجو 508 وعربيات اعلى مبقاش الوم حد ، سعرها تسعير عدل وتعالى قارن
سمسم الصيام عامل عمايله معاه .... كل سنة وانت طيب ياعم سمسم .
كلاكـــــــــــــــــــــ ـــــــــــــــــــــــــ ـــــــــــــــــــــــــ ــــــــــيت تـــــــــــــــــــانى مــــــــــــرة :I_angr1[1]:
ايـــــــــــــــــــــــ ــــــون طبــــــــــــــــعا !! كنت هشترى الفئة اللى فيها abs وبيضاء اللون ..
وانت طيب ياباشا ورمضان كريم
بس انا رديت عليك وكان لسة الفجر مأذنش يعنى ماكنتش صايم :F_eyeb1[1]:
وزى ماقولت قبل كدة الالنترا مش وحشة بس الاسكودا اجمد فى وجهة نظرى , والله تانى يوم الصبح لقيت واحدة فانتازيا ماشاء الله عليها فى اللون الاسود وجنوطها الاصلية وتقريبا لسة العربية جديدة , بجد بجد لا وجة للمقارنة , الاسكودا الواحد بيحس انها عربية محملة صاج كدة ومالية مركزها , بعكس الالنترا شكل واى اخماس فى اسداس طلع شكل حلو لكن لا يمكن مضاهاة قوة التصميم الكلاسيكى للفانتازيا ,
وبجد انا لازم الالنترا الفولى لودد ولما هركبها هعمل فيديو بالعربية ان امكن عشان اشوف الصالون اللى عمالين تقولوا علية خامات جامدة ونظيفة , بس حذارى مالقيش اللى انتوا بتتكلموا فية دة مش هيبقى ورايا حاجة غير الالنترا الفولى لودد :top_posters:
شكل الاوكتافيا ممتاز بس مش لكل الاذواق ، يعني هو مش شبابي اوي ، عشان كده تلاقي معظم اللي راكبها ناس كبار
انما شكل الالنترا انت الوحيد اللي بتقول عليه كده ، تصميم فضائي ومبتكر وشبابي لاقصى درجة ، مشفتش اي تصميم احسن منه بصراحة ، بس السيراتو الجديدة تصميمها هيكون جامد جدا برضه لانها نفس خطوط الريو
يوووووه المواضيع دي هتفضل مشغله المنتدي سنين قدام :)
ناس مصممة إن الكوري لا يوضع في جملة مفيدة مع أي سيارة آخري (( غالبا بدون أي موضوعية ))
و ناس بتحاول تثبت العكس
عن تجربة خلاص بقه الكلام عن الخامات و الأداء و الثبات كله وهم مبالغ فيه جدا و كأن المقارنة بين توكتوك و شبح
المواضيع مش كده خالص ..
بس فرق التميز في السوق المصري واضح ،،
أتمني مدفعشي ثمنه في إعادة بيع أو صيانة
يا سمسم رايك يحترم بس ده ميمنعش اننا نختلف معاك... و انا من خلال تجربتى للعربيتن شايف ان الفولى لودد احسن من الفنتازيا اول فئة و بكتير كمان... و مدام مركبتش الفولى لودد يبقى متقلش خامات الفنتازيا اول فئة افضل... طالما مشفتش و متعرفش يبقى متكلمش لحد ما تشوف والا حتفقد مصدقيتك ...
سؤال يا سمسم ممكن تجاوبنى علية... اذاى انا اقول خامات الفولى لودد افضل من الفنتازيا اول فئة و انت تعترض مع انك مركبتهاش!!! و فى كذا موضوع فات اقول خامات الفولى لودد ممتازة تقول خامتها كلها بلاستيك!!! طب اذاى بتعترض و بتكلم على اى اساس؟؟؟؟ مش ده يبقى اسمة نفسنة ولا انت تسمية ايه :hug3: روح اركب الفولى لودد و بعدين تعالى اعترض :tongue:
و مسمعش حد بيقول مش ثابتة تانى, انا ماجر الفولى لودد لحد اخر الشهر و العربية تسارعها رائع و فى قمة الثبات و بمشى بيها على 200 و انا ماسك الدركسيون بايد واحدة و مش حاسس باى قلق..و باخد بيها غرز و تغير حارات على 180 بمنتهى البساطة... ومستعد اظبط بيها الفنتازيا على اى طريق و على جميع السرعات فمسمعش حد يقول الفنتازيا تطلع منها على السرعات العالية تانى.
امال يا بشمهندس سمير الناس الفتايا اللى كل شوية تطلع تقول الفنتازيا وحش على الطريق السريع و بتفتح على السرعة العالية و لو الطريق فية مش عارف اية تقطع الالنترا... الكلام الفاضى ده جابوة منين!!! بيكدبوا الكدبة و يصدقوها :tongue: و ناس تانية مركبتش الالنترا الفولى لودد و عمالة تكلم عليها فى كل موضوع
هما اثنين معروفين و انا عمال انكشهم من الصبح هاهاهاها بس بينى و بينك هما الاثنين ذى العسل و بيجوا يصحصحوا القسم و يخلوا لية طعم... بس بيترواء بردة :049: هاهاها