والله مشكلتك دى كانت محيرانى فحت .. ومحدش عرف يظبطنى من الصنايعية فيها ، كله يقولى هاتلك سنتر بدون ريموت واشغلك ابوها لكن ده مش هيشتغل

ونفضت انا للكلام وجيت بقى بعد ماركبت الإنذار عالسنتر ابو ريموت لقيته بيخرف واوقات يفتح لوحده وشغل هبل كده

والله قعدت اكتر من اسبوع محتار بيها ومش عارف اعمل ايه ، لغاية مانويت بنفسى اعدى مرحلة الهبل دى واخوض المعركة :)

وبالفعل قعدت فى العربية اكتر من 8 ساعات منهم 5 ساعات متواصلين .. أجرب من هنا لهنا لهناك لغاية ماوصلت بفضل الله للتوصيلة الصحيحة وبقيت الحمد لله شغالة زى الفل ، بس كان ده على حساب ان ريموت السنتر بطل يشتغل وبقى ريموت الإنذار بس هو اللى شغال وأنا اعتقد دى حاجة طبيعية مش مشكلة