اسعار قطع غيار بيجو 508

**Astra200** · 17-08-2012 12:15 AM

المشاركة الأصلية كتبت بواسطة hany63

حضرتك متأكد؟
اصل دي اول مره اشوف عربيه تربو يتحط فيها الاوتو العادي دايما بيحطوا الفتيس اللي زي المانيوال
معلش اسف اني بسأل تاني
اصل اخوك اول واحد في مصر ركب ال dsg في الباسات و جاب لي انهيار عصبي
و فعلا لو اوتو عادي ممكن اشتريها

العربية في منها ال single clutch بس اللي نازل مصر اوتو عادي ( بلاش اقوللك ستبيترونيك علشان ما تزعلش)

لوكانت single clutch اللي حيسوقها حيحس علي طول --

بينزل بره علشان co emission -- كل مابيزيد بتزيد الضريبة --- عندنا مافيش المشكلة دي -- وطبعا بتحس بشدة ال كلاتش عن الأتو العادي مع بداية الطلعة -- بس حتحس بيه وهو بينقل عكس الأتو العادي ( بقينا نقول علي الستيب ترونيك أوتو عادي )

العربية سحبتها قوية ومن غير ما تحس -- وثابتة

الفتيس ده بيشيل لغاية 450 نيوتن -- وعزم الموتور 240
فما فيش مشكلة انه يحطوا أتو عادي مع التيربو مادام حيشيل

و علي فكره بره برضه بيشكوا من الفتيس ألاتو مانيوال -- علشان كده مازالوا شغالين بالأتوا "العادي"

**fido377** · 23-08-2012 08:45 AM

بصراحه انا كنت متردد.. بس الواضح اني هتكل على الله واخذ قرار الشراء... معايا 307 وعارف كويس ان قطع الغيار الاصلي بالنسبه لعربيات تانية كتير في البيجو ارخص. وارخص من بعض الموديلات الياباني الشعبي زي اللانسر...
أنا كنت خايف من الجيربوكس بعد الي شفته في ال 307 بس انا كل فتره بروح الوكاله اتأكد اذا كان فيه اي مشاكل ظهرت في ال 508 بس كل الناس بتشكر فيها وبيقولوا انه مفهاش مشاكل خالص... وشكرا لصاحب الموضوع

**chef** · 09-06-2014 09:49 PM

ومالها الادا بس حلوة وشغاله وبنت حلال ولاتكونولوجيل ولاديالو ياراجل قول كلام غير كده ؟ وكل فى الاخر حاااااااااااااااااااا بلا كلام فارغ

**S O P H O S** · 26-06-2014 02:18 AM

فيها حاجات قليلة عالية
لكن الباقي زي غيرها من فئات العربيات

**pandermal** · 14-03-2015 03:57 PM

الناس اللي جابت ٥٠٨ ظهرت مشاكل؟؟ لاني عايز اجيب ٥٠٨ وخايف

**MASERATI** · 14-03-2015 06:58 PM

السلام عليكم و رحمة الله و بركاته

أنت بتتكلموا بجد و لا بتهزروا ؟؟؟؟

الأسعار دى رخيصة ؟؟؟, و اللهى ده فيها حاجات أغلى من المرسيدس الs430 و الجاجوار.

مش مهم, ما علينا !!!!

من ساعة ماقريت أن القزاز ب2500 جنيه و أنا بطنى وجعتنى. لحسن ييجى سواق تاكسى شاهين غشيم يعرف أن القزاز بألفين و نص, يقوم كاسره و ماشى. و لا زلطة من كاوتش عربية نقل أدامك عالطريق !!!!!

ربنا يباركلك فيها و يحفظهالك من كل سوء.

**pandermal** · 15-03-2015 03:16 PM

المشاركة الأصلية كتبت بواسطة maserati

السلام عليكم و رحمة الله و بركاته

أنت بتتكلموا بجد و لا بتهزروا ؟؟؟؟

الأسعار دى رخيصة ؟؟؟, و اللهى ده فيها حاجات أغلى من المرسيدس الs430 و الجاجوار.

مش مهم, ما علينا !!!!

من ساعة ماقريت أن القزاز ب2500 جنيه و أنا بطنى وجعتنى. لحسن ييجى سواق تاكسى شاهين غشيم يعرف أن القزاز بألفين و نص, يقوم كاسره و ماشى. و لا زلطة من كاوتش عربية نقل أدامك عالطريق !!!!!

ربنا يباركلك فيها و يحفظهالك من كل سوء.

انت عايز تقنعني انك لو روحت توكيل مرسيدس واشتريت منه الازاز هيبقي ارخص من كده ؟؟ روح توكيل تويوتا واسال علي اسعار نفس القطع دى وانت فعلا هتدرك انها اقل من اكتر عربيه شعبيه في مصر

**MASERATI** · 15-03-2015 09:51 PM

المشاركة الأصلية كتبت بواسطة pandermal

انت عايز تقنعني انك لو روحت توكيل مرسيدس واشتريت منه الازاز هيبقي ارخص من كده ؟؟ روح توكيل تويوتا واسال علي اسعار نفس القطع دى وانت فعلا هتدرك انها اقل من اكتر عربيه شعبيه في مصر

السلام عليكم و رحمة الله و بركاته

أنا ماسألتش على ازاز الكرولا. بس هل ازاز الكرولا أغلى كمان من 2500 ؟؟؟

**hany63** · 16-03-2015 09:34 AM

المشاركة الأصلية كتبت بواسطة pandermal

الناس اللي جابت ٥٠٨ ظهرت مشاكل؟؟ لاني عايز اجيب ٥٠٨ وخايف

احسن عربيه في مصر و تسوى اكتر من تمنها بكتيير
و مفيهاش مشاكل نهائي و شغاله بال 92و فيه ناس عدت ال 80 الف و كل اللي اتعمل الصيانات العاديه و حاجات بسيطه زي الطنابير و قاعدة موتور
اتكل على الله و ادعيلي و مفيش عربيه هتملا عينك بعدها غير المرسيدس ال e 350
و بالمناسبه لسه عامل صيانة ال 10 الاف و مغير 5 ك زيت منهم نص ك معايا و فلتر و فلتر هوا و مية مساحه و تربيط عفشه و دافع 670 جنيه

**pandermal** · 17-03-2015 12:50 AM

المشاركة الأصلية كتبت بواسطة maserati

السلام عليكم و رحمة الله و بركاته

أنا ماسألتش على ازاز الكرولا. بس هل ازاز الكرولا أغلى كمان من 2500 ؟؟؟

:_alshmokh11::_alshmokh11::_alshmokh11::_alshmokh1 1:

عن تجربه عندى في السعوديه .. صاحبي راح سال علي مرايه كورولا ٢٠٠٦ ف الوكيل لقاها ب ٩٠٠ ريال واضطر يجيب واحده مش اصلي بيقول انها مع السرعه بتتهز ... في حين ان مرايه ال ٥٠٨ في الوكيل بيبيعها ٦٥٠ ريال .. قطع كورولا مولعه في الوكيل بس الصيني اللي مش اصلي متوفؤ والناس بتجيبه
برضه مثال تاني .. اكصدام الامامي لل ٥٠٨ ف الوكيل ب ٧٦٠ ريال .. وانا صاحبي ادام عيني راح يشتريه لاكسنت مو ٢٠٠٣ من موزع معتمد الاصلي لقاه ب ٤٠٠ ريال فسابه واشترى تقايد ب ١٠٠