الموضوع: تقرير حصري عن صيانة الـ 50 الف للفيرنا

المشاركة الأصلية كتبت بواسطة ashraf_ibrahim

اثبت مكانك!
فيسكو 3000 دا ميمشيش 15000 كم عمره يا كروسير!
انا قلت ابص عليه بنفسي :d
اللي يمشي المسافة دي فيسكو 5000 ويا سلام بقا لو فيسكو 7000 يبقا عسل زنجبيل العنب :d
ال 3000 دا تنزله على 8000 كم بالكتير يا ولدي !

يا عم اللي يسمعك كدا يقول انك بتغير لفيسكو في كل صيانة يا عم الحاج انا بحط فيسكو من سنتين في العربية يعني ماشي لحد دلوقتي تقريبا بتاع 22 الف كيلو والزيت ال 3000 فعلا بيمشي لحد 15 الف كيلو

وال 5000 بيمشي لحد 25 الف كيلو ومفيش حاجه اسمها فيسكو 7000 يا عم اشرف هتودي نفسك ورا الشمس انا خايف عليك

والله الزيت بينزل من العربية يصعب عليك لانه بيكون تقريبا محتفظ بنسبة 70 % من خواصه

المشاركة الأصلية كتبت بواسطة ahmad--ezzat

اشتريت زيت ماتور فيسكو 3000 بيمشي 15 الف كيلو بس انا بغيره علي 10 الف ب 120 جنيه


مبروك بس
ايه دة يا فندم !!!!!!!!!!! :))))

الله يبارك في حضرتك بس ممكن تحضرتك توضحلي انتا عايز ايه بالظبط

المشاركة الأصلية كتبت بواسطة ahmad--ezzat

بعيدا عن الكيلوهات

هو اسعار فيسكو عامله كده ليه ؟؟؟

دة ولا زيت الاكل يا جدع

يعنى الزيت اللى بيقعد 10 الاف مثلا ب 120
فى حين ان موبيل وفالوفين وكاسترول سعرهم 260 تقريبا

دى حاجه تقلق فعلا

والله يا بشمهندس احمد انا كنت مقلق زي حضرتك كدا في البدايه من سعر الزيت لحد ما واحد حبيبي اقنعنني بيه معاه نيسان صني 2007 وكان بيمشي تقريبا بتاع 10 الاف كيلو في الشهر وشكرلي فيه جدا وعلشان كدا انا جربته ودي التغيره التالته ليه والحمد لله ولا بينقص ولا بيزيد في المقاس بتاعه وصوت الماتور بيبقي هادي جدا معاه

المشاركة الأصلية كتبت بواسطة el_nahal2004

مبروك على الصيانة ياباشا
بس كنا عايزين نعرف انت غيرت زيت الفتيس الصيانة الى فاتت فين وكان نوعه ايه ؟؟ وحسيت باختلاف؟

الله يبارك في حضرتك وغيرت زيت الفتيس عند واحد بتاع زيوت في جسر السويس بعد فندق السلام وكان نوعه موبيل والكيلو كان ب 25 جنيه والفتيس بقا في نقلاته انعم من الاول بكتير

المشاركة الأصلية كتبت بواسطة bunsh_fox

مبروووووووك ياباشا على الصيانة وعقبال صيانة البريزة الكبيرة ويباركلك فيها يارب ..
ويابخت الناس اللى مقضيها مصااايف وبلبطة (مش بقر دة نبر بس ) ..
بس اى فيسكوووو دة ؟!!!

ههههههههههههههههههههههههه هه

الله يبارك فيك يا عم بانش وبعدين مسيرك تطلع تصيف قريب هههههههههههه

وفيسكو ده الجركن اللي في الصورة جوا كابوت العربية ده زيت اماراتي انجليزي

المشاركة الأصلية كتبت بواسطة s o p h o s

مبروك الصيانة يا باشا ..

الله يبارك فيك يا غالي ورمضان كريم

المشاركة الأصلية كتبت بواسطة ashraf_ibrahim

شكلي هوديك انت ورا الشمس يا كروسير
ههههههههههههههههههههه
ادخل على موقع فيسكو هتلاقي فيسكو 7000 يا ولد
المهم قلي فيسكو 5000 سعره كام يابني؟!
لو سعره كويس هغير ليه بس توريني زيتك بعد 10000 كم شكله ايه عشان اطمئن :d

هههههههههههههههههههههه يا عم الحاج انا قصدي ان مفيش في مصر فيسكو 7000 مين اللي هجيبه ده اذا كان ال 5000 بيمشي 25 الف كيلو اومال ال 7000 ده مش هيتيغير ولا ايه

وبعدين ال 5000 ده سعره 260 جندي اي خدعه وهو تخليقي بالكامل لكن ال 3000 نصف تخليقي وبعدين اسئل اللي شغال عند المهندس هاني وهو يقولك كان شكله عامل ازاي وهو بيغيره

المشاركة الأصلية كتبت بواسطة Ashraf_Ibrahim

تمام تمام
فيسكو ال 5000 الموجود بقا دا انهي فيسكو 5000 فيهم عشان فيه منهم 3 انواع تقريبا ولزوجته كام!؟

الفيسكو في مصر 3 انواع

فيسكو 2000 وده منصكحش بيه لانه تعبان جدي

فيسكو 3000 وده اللي انا شغال عليه وده نصف تخليقي

فيسكو 5000 وده تخليقي بالكامل

واللزوجه بتاعته بتكون 20w/40

المشاركة الأصلية كتبت بواسطة mazeen

الله يبارك فيك يا استاذ مازن والزيت جبته من بنزينة غاز مصر في المطرية وعمري واي بنزينة غاز مصر هتلاقيه فيها لانها هي الوكيل الوحيد للزيت
فين فى المطريه بالظبط لأن اللى فى شارع الكابلات مافيهاش

والله انا جبته من بنزينة الغاز اللي في الكابلات اللي قبل الحي بتاع المطرية لو ملقتهوش عندهم هتلاقيه في البنزينة اللي عند مطار الماظه اكيد ان شاء الله

المشاركة الأصلية كتبت بواسطة enghany

تصدق دي اول مره اعرف ان حضرتك corsair يا راجل مش تقول عقبال صيانه المليون يا كبيرررررر

بشمهندس هاني بذات نفسه هنا في موضوعي اكيد انا امي دعيالي النهارده منور الدنيا يا غالي وهو انا كورسير اللي قالب الدنيا هنا ههههههههههههههه