حدث في سيرفس سنتر المعادى ( تجربتى في الكشف على فيرنا مستعملة ) والدروس المستفادة

الحمد الله ان ربنا وفقك وعرفت الي فيها
وثمن الكشف اهون كتير من عربية بالشكل ده
وربنا يعوضك خير ان شاء الله ..

جميل اوي انك مخدتهاش انت محترم وربنا رايدلك الخير ولا تحزن هتلاقي عربيه حلوه تاخدها


انا اقولك قصتي بقى مع المستعمل يامعلم

شيلت النترا مستعمله من صديق ليا فبريكه برا وجوه وممتازه بس للاسف فتيسها تعبان وهو مهمل فيها بس كلمه فبريكه برا وجوه بعد سنتين باعت بيهم بكل سهوله مع انها متهانه من برا بس برضو فبريكه لاحادثه ولا صدر ولا دواسه ولا الهوا

بعتها وقعدت ادور على عربيه في الاول كنت محتاج عربيه اصغر ف دورت في رنج السيفيا والانوس 1 والحاجات دي
بلاوي انا صرفت فلوس كتير ومجبتش عربيه

مره صني صاحبها قالي بس دي التمام كله وبتاع تعالى اتفرج روحت اكشف في بنزينه كالتكس عباس المتور كويس والفتيس كويس العفشه كلها زفت والمتور جايب زيت من كل حته ومحتاجه قواعد واخيرا وخده خبطه في الشنطه والرفرف الخلفي طبعا قلبت العربيه فورا ودي كانت صني 2002

------------------------------------------

واحد نصاب عامل اعلان عن انضف سيفيا في مصر ماشيه 40 الف ومالهاش حل وبتاع طب ماشي انت فين شبرا مصر اروحله من الهرم

الاقي كارثه الي هيلبس العربيه هيعيش سنين سودا المفروض انه مش هيتنازل عن 48 الف وانا موافق

ابص على الصالون كله تعبان المتور صوته غرييييييييييييييييب القوايم فيهم واحد مش مزبوط

بدات اجمع افكاري كده بصيت على القزاز لقيت في كزا وزاي متغير وبدات اعرف مكان الخبطات فين

قولتله 42 الف قالي انا اخري اسيب فيها 500 جنيه روحت ضاحك وقولتله سلام وهو هرش اني عرفت انها مشمومه

-----------------------

في النهايه فلوسي زادت سنه وربنا كرمني ب عربيه اول ايد صني 2006 بتاعه راجل كبير يادوب بس ولاده هما الي بياخدوا العربيه يعكوا بيها

رشه جنب واحد وباقي العربيه فبريكه كاوتش بردجستون جديد لانج زيت متور نضيف زيت فتيس نضيف توكلت على الله وربنا كرمني فيها الحمد لله

ده العربيه كأنها لسه خارجة من المعرض؟؟
ايه ده

فعلا الشكل بيغر
انا لما جيبت عربيتي غرني شكلها اوي دهان سماوي نضيف وفتحه سقف بانوراما وجنوط سبور
والخبير الاستراتيجي اللي معايا قالي دي تمام عشان ياخد ال 300 جنيه بتوعه
بعد كدا اكتشفت فيها بلاوي وصرفت عليها فلوس بالهبل
بس الحمدلله ظبطها وكله تمام