لماذا موديل 2012 خاماتا رديئة وتقفيلها سئ وخصوصا فى التابلوه
عرض للطباعة
لماذا موديل 2012 خاماتا رديئة وتقفيلها سئ وخصوصا فى التابلوه
حضرتك فاكرها المانى؟
كل حاجه على قد سعرها
اركب الاسترا 2012 وشوف عامله ازاى او الجولف 6
????????????????
اكيد علشان ابتدت تنتشر وتنجح في التاكسي
هي دي طبيعه المصريين
اي منتج ينجح ويسمع بدل ما يحاول يرفع مستوي المنتج بتاعه
ينزل بيه الارض علشان عليه طلب
قيس الكلام ده علي كل حاجه في مصر مش العربيات بس
هى دى شركة الامل بتحسن دائما فى تقفيل السيارة من الداخل وبتجيب اجود الخامات علشان تكون عند حسن ظن الناس اللى بتشترى عربياتهم وبتاكلهم الشهد هههههههههههههههههه حسبى اللة ونعم الوكيل
يعنى يا جماعة العربية دى كويسة ولا أي كلام اصل انا واحد زميلى لسه جايبها وانا شفتها بس لا حظت ان خاماتها رديئة حد يطمنى
يا سيدي الفاضل .. على قد ما حتدفع على قد ما حتاخد .. في رأيي أن خاماتها في مستوى خامات الفيرنا واللانوس .
وبصفة عامة موضوع الحكم على أي شيء يختلف من شخص لأخر سواء في جودة الخامات أو أعتمادية السيارة نفسها .. متجبش مثلاً واحد طول عمره راكب بي أم ومرسيدس وتقوله أيه رأيك في الفيرنا واللانوس والبي واي دي .. بس القول الفصل للموضوع ده ينحصر في "الكيف اللي بتحصل عليه مقابل الكم اللي بتدفعه" .
وهل مازالت مشكلة الفتيس موجودة ولا أتحلت
اية يا جماعة على اية الكلام ؟
ولا انتم بتشتغلونا
ولا احنا صايمين
اوف ماتفكرنيش طيب الاسترا j ٢٠١٢ دى هتجننى نفسى اشتريها :praying:اقتباس:
المشاركة الأصلية كتبت بواسطة ahmad--ezzat
العربيه البى واى دى مع واحد صاحبى بقالها خمس سنين وما شاء الله شغاله ومن جوه الفرش الاصلى بتاعها وانا ركبت مع واحد صاحبى عربيه سيراتو 2011 a/t زيرو هاف اوبشن ولاقيت الخامات من جوه عادى تكاد تكون رديئه والتقفيل نص ونص وعربية عمى بريليانس جالينا 2007 برضو نفس القصه .
الموضوع ده مش شرط (بالرغم من انحيازي للبي واي دي) لأنه في المقام الأول بيكون راجع للحفاظ على العربية من صاحبها أو إهماله ليها .اقتباس:
المشاركة الأصلية كتبت بواسطة engonear
وبصفة عامة يتجه منتجي السيارات الاقتصادية والمتوسطة إلى التوفير في جودة الخامات لصالح المكسب واعتبارات اقتصادية أخرى .
موضوع ونة الفتيس مش هيتحل عمره لأنه عيب تصنيع والعربية بتزداد سوء معايا والتوكيل ده مفيش منه أمل الصنايعية بتاعته كلهم أى كلام ولا فاهمين حاجة أنا روحت مرتين أضبط زوايا مش عارفين يظبطزها
مع إحترامى لمالكيهــــا .......... خردة ......... بلاستك طباق الهلال والنجمة الذهبية أحسن منها
مقياس السعر مهم ...... بس مش للدرجة دى
حرام الفلوووس فيها ........ فيه بدايل أحسن منها مليووووووووون مره
اقتباس:
المشاركة الأصلية كتبت بواسطة esmail_ali
اخى الكريم اظبط زوايا عندنا فى صقر قريش ب 30 جنيه واسال عن الاسطى ابراهيم مشهور ومحترف وغير بلية الدبرياج والاصلية ميتسوبيشى ب 85 جنيه هتروح الونة
الموضوع موش مستاهل الفيلم ده كله
تقبل تحياتى
انتوا لسة مصممين تفتوا بدون خبرة فى موضوع ان الونة من بلية الدبرياج ......يا خلق حرام عليكوا الونة دى عيب فى الزفت الفتيس من بلية الدريك الموجودة داخل الفتيس وكفاية فتو على الراجل
فعلا خامات الموديل 2012 زي الزفت انا كانت معايا الفلوس روحت شفت العربيه فعلا غيرت رائي ومستحيل اشتريها مع انها مع حمايا من 3 سنين وزي الفل الحمد الله وكنت معجب بيها جدا بس للأسف فعلا لما انتشرت وعملت سمعه خربت وبجد اللى مش مصدق ينزل اقرب معرض ويشوفها وكمان اكبر دليل انها مش متباعه كويس في 2012 انهم غيروا شكل الجنط يعني من بعيد هتعرفها وانا لحد دلوقتي مشفتش غير عربيه واحده للأمانه بالجنط الجديد
موضوع الونة ده بالنسبة لى صوت عادى جدا ومقبول ولا اشعر انه مشكلة لكن انا كنت راكب تاكسى على الدائرى فى يوم بى واى دى ولاحظت انه الونه غير موجودة على الاطلاق فسالت صاحب التاكسى عنها وبالمناسبة السيارة كانت عاملة 85 الف وزى الفل كانها زيرو فقال لى انه لما وصلت السيارة 50 الف صوت الونة زاد شوية واصبح مزعج فراح لميكانيكى فغير له بلية الدبرياج ببلية يابانى بتاعة الميتسوبيشى ب 85 جنية فاختفت نهائيا
والله اعلم
من الظلم مقارنة السيارة بسيارات اخرى اعلى فى الفئة و السمعة و لكن للعلم السيارة معي لاكثر من عام ماشي بها اكثر من 25000 و هي و الحمدلله ماشاء الله منتهى القوة و الاداء السلس و التحمل فى ظروف سيئة و اجواء حارة و اهم شيء الصيانة اول بأول و فى المواعيد المحددة و اذا كنا مضطريين للمقارنة و هذا شيء طبيعي نقارن على اساس الفئة السعرية و اكيد النتيجة هتكون محسومة لهذه السيارة لي صديق معاه السيارة منذ اكثر من اربع سنوات و اراد اليومين دول ان يشدها فبنتهى السهولة و بتكاليف ليست باهظة حول السيارة لتويوتا كورولا فقام بتغير الطنابير والعفشة لتويوتا كورولا و ماشاء الله العربية تحفة و هذه اكبر ميزة فى هذه السيارة .
و للعلم لاحظت انتشار محلات قطع الغيار الخاصة بالسيارة و بأسعار مزهلة يعني مثلا سعر زوج المرايات الكهربائية 140 ج سعر الاكصدام بدون الفيبر 150ج و اسعار تحفة لباقي قطع الغيار و فى اماكن كثيرة و هذا يدعم وجود السيارة فى السوق و بالفعل هي الان منتشرة و كل صنايعية الياباني شغالين فيها .
كلامك غير صحيح للاسعار يعنى اية جوز المرايات 140 جنية لما انا اشتريتها الاسبوع الماضى من التوفيقية الواحدة 135 ويعنى اية الاكصدام بدون الفايبر
اخي الكريم كل سنة وانت طيب انا كلامي صحيح و زوج المرايات من محل قطع غيار بشارع الوحدة بامبابة و السعر 140 ج و بالنسبة للاكصدام بدون فيبر لان التوكيل هو فقط اللى بيركبه ب 50 جنية معظم البي واي دي الاكصدام بها من الداخل موجود به فيبر علشان لو ريحت على حاجة الاكصدام ياخد شكله الاصلي تاني و مش عيب ان الواحد ميكونش عارف بس العيب انه يكون مش عارف و يتكلم بثقة و كأنه عارف .اقتباس:
المشاركة الأصلية كتبت بواسطة flightbyd
ممكن اخي الكريماقتباس:
المشاركة الأصلية كتبت بواسطة rti
تقولنا مكان او تليفون المحل او المحلات الي حضرتك عارفهم لقطع الغيار
وشكرا مقدما
محل اسمه الكومي بجوار المستشفى المركزي بأمبابة خلف مستشفى الحميات بامبابة عند منزل كوبري روض الفرج ناحية امبابة متفرع من شارع الوحدة هتلاقي عنده كل حاجتها و استراد شركة الامل يعني زي اللى فى التوكيل بالظبط .اقتباس:
المشاركة الأصلية كتبت بواسطة hossam165