ربنا يخليك يا فندم
منور الموضوع والله
من عنيا هجيبها لحضرتك
واشوفلك كمان نوع الزيت :b4_048:
عرض للطباعة
موضوععععععع اقل ما يقال عنه هايلللللللل
بجد جزاك الله خير
حضرتك هتستخدم
5.4oz من زيت لزوجتة ss10
بالمصري :D:D:D:D:D
160 مللي لكل مساعد
ويكون زيت لزوجتة 10W
بس خلي بالك يا فندم من حاجتين اولا يكون زيت من ماركة عالية الاداء
ويكون المساعد مفيهوش هوا يعني وحضرتك تضغط عليه لحد ميطلع كل الهوا
وهجيب لحضرتك شرح مفصل لتغير الزيت
بس علي بيك cbr400 هو هو نفس الطريقة ونفس الكمية
[youtube]http://www.youtube.com/watch?v=J6GTwZoXmY0[/youtube]
جزاكم الله خيرا أخي الحبيب على المجهود الرائع, و ربنا يجعله في ميزان حسناتك
معلش انا مش فاهم يعني ايه المساعد يكون مفيهوش هوا
المفروض في طبة في أسف المساعد منها بتنزل الزيت القديم
و في طبة أخرى في أعلى المساعد منها بتضع الزيت الجديد
و عايز اتأكد منك من حكاية 160 ملي لأني حاسس ان كده قليل جدا
+11111
تمام انا اسف جدا وبشدة :D في رقم راح مني وانا بكتب وبحول وبناء عليه الكمية قلت ومكنتش هكتش الخطا الفني دا لولا حضرتك نبهتني
وانا اسف مرة اخري خطا غير مقصود
هيا هتاخد 510 مللي زيت
ودا التاكيد بردة عشان حضرتك تراجع ورايا عشان متلخبطش تاني :D:D:D
http://www.nileup.com//uploads/images/sc1cf574f4d.jpg
1cc=1ml
1us oz = 29.5735ml
انا كنت فاكر حضرتك انك هتفط المساعد كلة من جوا عشان يتنضف فعشان كدة قلت لحضرتك انو ميكونش فيه هوا اللي هوا عندنا بالمصري نحضرة :D نفضل نرفع فيه ونزلو :D:D:D
وانا بتاسف لحضرتك علي الخطا الفني الكبير دا
صيام بقي كل سنة وحضرتك طيب :D:D:D:D
:grinder:
موضوع رائع فعلا ويستحق التثبيت تسلم ايدك بجد
هوو الموضوع دة لسه متثبتش إزاى !!!
مجهود جبار ورائع انا صحيح معنديش بايك بس نفسى اجيب علشان كده انا لاجىء فى القسم ده
زى الفل انا استفت كتيررررررررررررررر الف شكر ينجممممممممم
انتة راجل مالكشى حل ربنا يكرمك
أولا جزاك الله خيرا على نفع الناس بعلمك وإن شاء الله في ميزان حسناتك ...
طيب إحنا منتظرين بقية الأجزاء ... حضرتك توقفت عند موضوع الكاوتش ومكملتش :)
منتظرينك في الفصل ومربعين إيدينا كمان
بسم الله الرحمن الرحيم
نرجع نكمل تاني
بس احب الاول اشكر اخي العزيز عبدالرحمن Joacky
والاخوة الاعضاء في قسم الاجتماعي
علي مساعدتهم
:S_thum1[1]:
تانك البنزين
تانك البنزين لو مش نضيف ومليان صدي هياثر علي حجات كتير قوي
سحب البيك
البيك هيفصل كل شوية عشان التنك بيتسد
ممكن لاقدر الله يتلف طرمبة البنزين
هنخش في مشاكل في الكاربراتير او الانجيكشن
طيب ازاي نتفادي كل دا
اننا ننضف تانك البنزين
طيب ازاي؟
هنفك التنك من المسمارين اللي ماسكينة (اللي تحت الكرسي واللي عند الجادون )
هنرفع التانك براحة جدا
هنقفل الحنفية عشان منغرقش الدنيا
هنفك الخراطيم ونصفي البنزين
بعد كدة هنغسل التنك كويس جدا بالمياه عشان ننزل كتل الصدا او التراب
_____________________
في ناس تقول اغسل بالخل - كويس وكل حاجة بس بياخد وقت
___________________
في طريقة تانية ومجربة مني شخصيا الا وهيا
electrolysis rust removal
حقا انها لسحر :B4_388:
____________________
المقادير
1- نص كيلو كاربوناتو (باي كاربونات الصوديوم ) من عند العطار ب5 جنية
2- مياه كتير
3- بطارية البيك او العربية او اي مصدر 12v
نيجي للجد
هتملي التانك بالمياه وتحط ربع كيلو من الكاربوناتو (بودرة بيضاء )
وهنحط الطرف السالب من البطارية في اي جنة برة التانك (تلمس التانك)
الطرف الموجب هنربطة في اي مفك او مفتاح وننزلة جو التانك ويبقي متشعلق
(تحذير اوعي تخلية يلمس اي حديد يكون لامس المياه بس)
هنلاحظ ان حوالين المفتاح او المفك بقاليل مياه
يبقي انت كدة ماشي صح
احب انوه انك تعمل العملية دي بليل احسن والصبح اتفرج علي النتيجة
هتلاقي المياه لونها اتحول من الصافي اللي لون الصدا
صفي المياه وهات شوية رمل بتاع حوض السمك او مسامير او اي حاجة خشنة
وارميهم جوا التنك ورج كويس
واغسل التنك واتفرج علي لمعة اللون الرصاصي مرة اخري جوا التنك
بعد كدة هنجيب زجاجة خل عادية من اي مكان
ونغسل بيها التنك من جوة
وبعد كدة شوية بنزين ونغسل بيهم الخل
ونركب التنك مرة اخري
_____________
الطريقة مجربة وفعالة وعلي ضمانتي
انزلكم شوية صور علي العملية دي وانا بنضف التنك
:S_thum1[1]:
نفضي التنك من النزين
ودا طبعا الينزين اللي نزل :grin54:
الله يرحمة كان 92 لونة اخضر :D
http://nileup.com/up/uploads/nilemotors_13523250461.jpg
ودا اللي نزل بعد رابع مرة اغسل التنك بالمياه
http://nileup.com/up/uploads/nilemotors_13523244583.jpg
معلش علي المنظر دا
بس دا المفروض اثناء العملية :D
دا اول ما حاطيت المفاتح كانت المياه لونها كدة
بعد 10 دقائق من العملية
إيه الجمال ده ... شكرا جزيلا على تعبك ومجهودك ووقتك ... ولسه منتظرين الباقي عشان بجد الواحد ما شافش كده في أي مكان تاني أبدا ...
أرفع لك قبعتي إحتراما وتبجيلا :)
يا بيدوو بيك أنتا معلمة
:36_1_40[1]:
يا عبده بيك :colsmil:
بعد عذاب يا عبده البيك رجع للحياه تاني
عشان تعرف تعبنا مرحش هدر :D
مش قفل قفل ....... الرهوان التاني يا حسين هاه التاني يا حسين
اضرب الصورة دي عشان تعرف مكنتش عاوز نقفل لية علي طول
شوف الفرق ما بين اللي عملناه امبارح والتاني اللي فكيتة الناهردة معننا كروتنا بتاع امبارح
وعملتة تاني بقيت بشوف وشي في الاربعة :D
:afterboom:
:colsmil:
ممكن سؤال بخصوص الزيت في ماده لزجه جدا تقريبا اسمها ستبليزر بنحط كميه مع الزيت هل الماده دي مفيده للبيك ولا لأ؟
الله ينور يا بيدو بيك
هو ده الشغل التمام
Hey
انت
ايوة انت
كهربتك مزليطة ؟
بطاريتك بتاخد كهربا زيادة؟
نورك بيعلي لما تزود بنزين
فيوزاتك ولمباتك بتضرب كل شوية
:D :D
:error404:
كتير مننا بيعاني من مشاكل الكهربا وتسويح الصنايعية
مصاريف مصاريف ومشاوير علي الفاضي
تعالو نعرف ازاي نكشف علي كهربة البيك والشحن في البيت وازاي نقدر نتعامل معاها
~~~~~~~~~~~~~~~~~~~~~~~
كهربة البيك تتكون من
دينامو
اوكتفاير
بطارية
الضفيرة
الفيوزات
~~~~~~~~~~~~~~~~~~~~~~~
البطارية بتسخن ؟
النور بيعلي لما تزود بنزين ؟
البيك مش مظبوط ؟
كل دا علامة من ان الشحن زيادة ممكن يبوظلك لاقدر الله الضفيرة او الالكتروني
طيب ازاي نعرف ؟
هتجيب
multimeter
الافو بالمصري
هتجيب الافو علي
DC 200
توصل السلك الاحمر بالسلك الاحمر في البطارية
والاسود بالاسود في البطارية
كل دا والبطارية راكبة في البيك
وتدور البيك ولازم يكون متسخن قبليها
المفروض الافو يقرا معاك 13.5 فما فوق
لو تمام زود بنزين لحد ما الار بي ام يوصل ل 3000 لفة في الدقيقة
لو القراية كانت 15 فولت او اقل
يبقي كدة معندكش مشكلة خالص
شحن البيك تمام قوي
لو اكتر من 15 فولت
يبقي الشحن زيادة
~~~~~~~~~~~~~~~~~~~~~~~
الانوار هتعلي وتقل مع البنزين
الفيوزات تضرب بسرعة
الالكتروني ممكن يهيس ولاقدر الله يتحرق
طيب ازاي نحل المشكلة دي ؟
شحن زيادة = اوكتفاير
مفيش اي سبب تاني غير كدة
الحل انو يتغير
ويفضل يتغير بواحد يباني عشان يستحمل الحرارة ومش كل شوية تغيرة
~~~~~~~~~~~~~~~~~~~~~~~
طيب اقل من 13.5 فولت
يبقي شحن قليل
بسبب البطارية مش تمام او الدينامو
طيب ازاي نكش علي الدينامو؟
دينامو البيكس عادة بيبقي
3 phase alternator
طالع منو 3 سلوك بالبلدي يعني
هنجيب الافو ونظبة علي
2000 ohm
ونشوف سلوك اليدنامو رايحة فين
اسهل طريقة من عند الاوكتفاير
ونقيس كل سلكين مع بعض
بمعني نمسك سلك نقيسة مع الاتنين التانين وهكذا
المفروض القراية تبقي ما بين
0.1-0.5
لو تمام نقيس كل سلك مع الارضي نمسك كل سلك من التلاتة نوصل فية سلك من الافو والسلك التاني من الافو مع اي مسمار او سلك ارضي في البيك
المفروض يدينا
1
طيب نفترض ان الدينامو ادانا القراية دي منستعجلش
نقوم مدورين البيك وسايبينو علي السلانسية
ونجيب الافو علي
AC200
نقيس كل سلكين مع بعض
المفروض علي السلانسية يدينا ما بين 17 لحد 19 فولت
وكل ما تزود بنزين الفولت يزيد
جرب زود بنزين لو الفولت زاد يبقي تمام
متخفش ممكن يوصل معاك لحد 120 فولت عادي جدا
لو ادانا اي قريات تانية غير دول يبقي الدينامو مش تمام
والحل انو يتغير
لو ادانا قراية من دول يبقي الدينامو زي الفل شغال كويس جدا
~~~~~~~~~~~~~~~~~~~~~~~
طيب لو الدينامو شغال كويس وبردة الشحن اقل من 13.5 علي البطارية
يبقي العيب من البطارية نفسيها
البطارية اي نعم هي جافة لكن المفروض بيتحط فيها سائل اسمو ايونيزر عشان يفعل الالكترونات والكلام الكبير قوي بتاع الكهربا دا جواها
بما انة مش موجود في مصر
فبنحط مياه مقطرة
طبعا المصري معروف بجباروتة فسعات بنحط مياه نار كمان :D
انا مرة زهقت من كتر ما البطارية جابت اخرها معايا وحطيت بيبسي عادي يعني :D
بهزر يا جدعان اوعي حد يعمل كدة
بكدة يكون مشاكل الشحن كلها تمت
~~~~~~~~~~~~~~~~~~~~~~~
طيب جربت مرة تركن البيك والبطارية مشحونة وجيت تاني يوم تدور لقيتها نامت؟
يبقي فيه تسريب طيب نعرف ازاي ان في تسريب؟
معاليك هتجيب الافو تاني وتعملو علي
2000 m
وتفك الكابل السالب من البطارية وتخلي الموجب زي مهو متوصل
وتحط الطرف السالب من الافو علي السالب في البطارية
والطرف الموجب من الافو علي الكابل السالب اللي لسة شايلينة من البطارية
ولازم الكونتاكت يكون مقفول
هيظهر علي الافو التيار اللي ماشي من البطارية رايح للبيك
لو كان 1 او اقل يبقي كدة في نطاق التسريب المسموح بيه
اما اذا زاد عن 1 ملي امبير يبقي في حاجة ملمسة بتسرب
دور بقي يا معلم علي كل سلك في الضفيرة شوفة ملمس في الارضي في قفلة وعيش يا سيدي :D
:Ka_che1[1]::Ka_che1[1]::Ka_che1[1]:
:7_6_5v[1]:
شكرا جزيلا علي هذه المعلومات القيمة.
لكن دعني أضيف بعض النقاط الهامة:
1- أوعي تضع الحديدة أللي داخل التانك من مادة الستانلس ستيل لأن هذه المادة تسبب أنبعاث غاز سام جدا قد يؤدي للموت. فقط أستخدم حديد خام زي كده العامود بتاع قفل شيش البلكونة
2- عملية التنظيف دي لازم تكون في مكان واسع و جيد التهوية و بعيد عن أي مصدر لهب أو نار لأن مرور التيار الكهربائي يؤدي لتحلل كهربائي للماء و أنبعاث غاز الهيدروجين و ده غاز قابل للأشتعال و قد يسبب لاقدر ألله حريقة
3- يتم تكرار العملية دي حوالي من 3 ألي 4 مرات و كل مرة حوالي 12 ساعة متواصلة و يفضل أستخدام تونجر الشحن الخاص بالبطاريات و علي 12 فولت و أقل أمبير ممكن و كل مرة تغير المياه و الحديدة
4- لمنع رجوع الصدأ مرة أخري يفضل أنك بعد ما تتأكد من أزالة الصدأ تماما ( تمامااااااااااااا) أنك تقوم عاكس الأقطاب و تغير المياه و بدل الحديدة تضع قطعة نحاس خام و تتركه شغال 12 ساعة كمان
بالخطوة دي يبقي أنت عملت عملية طلاء كهربائي داخلي للتانك من مادة النحاس و علي فكرة هذه الطبقة جامدة جدا و لا تتحلل من البنزين و تمنع تكون أي صدأ تاني
زائد أن لون التانك الداخلي بيصبح أصفر لون الدهب .
و شكرا علي موضوعاتك المميزة دائما و بالتوفيق يا رب