السلام عليكم ورحمه الله وبركاته
كل عام وانتم طيبين بمناسبه شهر رمضان الكريم
كنت عايز اعرف الفرق بين حساس الايدل وحساس tps وهل الفرق واضح بينهم لو حبيت انظفهم يعنى اعرفهم من بعض عند البوابه
انا عربيتى 1600 سى سى ALM CODE
عرض للطباعة
السلام عليكم ورحمه الله وبركاته
كل عام وانتم طيبين بمناسبه شهر رمضان الكريم
كنت عايز اعرف الفرق بين حساس الايدل وحساس tps وهل الفرق واضح بينهم لو حبيت انظفهم يعنى اعرفهم من بعض عند البوابه
انا عربيتى 1600 سى سى ALM CODE
متابع
التي بي اس ما بيتنضفش لو جه عليه اسبراي بيبوظ
ومكانه بيبقي علي اكس البوابه الناحيه التانيه من بكره الاكسراتير
الايديال بس هو اللي بيتنضف باسبراي كربراتير وبعد كده يترش فيه نقطه wd40 او زيت باور
تنظيفهم بيبوظهم
الايديال بديل للشفاط في السيارات القديمه علشان يسخن الموتور الصبح وكمان بيرفع قيمه الار بي ام لوحده في حاله وجود احمال علي الموتور زي التكييف او مروحه التبريد علشان ماتاثرش علي قوه الموتور
الايديال بيتنظف بالاسبراي وتخلي بالك كويس علشان معاه (اورينج) كاوتش مايقعش اثناء التنظيف
-التي بي اس بيترجم مقدار دوسه السائق لدفعه بنزين عن طريق الاتصال بكونترول العربيه علشان كده بتلاقيه جنب البوابه
له جزء ميكانيكي (ذراع) وجزء كهربي بينقل الاشاره للكونترول والتي بي اس مابيتنظفش انما ممكن تزيت مكان الدراع بتاعه فقط
-اعرض تلف الايديال لخبطه في الار بي ام يعني يعلي ويوطي او يعلي وماينزلش عن القيمه الطبيعيه اللي غالبا بتبقي 900 ار بي
اعراض تلف التي بي اس هو لخبطه في الموتور اثناء الدوسه وملاحظه وجود رقعه من الشكمان نتيجه خروج دفعات عادم غير مكتمله الاحتراق
تقدر تختبر التي بي اس بسهوله خرجه بره ووصله بافوميتر وظبطه علي دي سي -حرك الدراع بتاع التي بي اس ببطيء المفروض تلاحظ زياده قيم القراءه علي شاشه الافو الديجيتال بشكل منتظم او تدريجي انما لو بايظ هتلاقي القيم بتزيد وتنقص بشكل مضطرب يبقي كده الحساس تعيش انت .
كلام زي الفل و لكن ده في المحركات بتكنولوجيا جينزال موتورز و معظم شرق أسيا
لكن تكنولوجيا فولكس فاجن لمحركاتها من 94 حتي الأن هو استخدام بوابة حقن الكتروني البوابة دي داخليا بتحتوي علي سيرفو موتور صغير هو اللي بيقوم بوظيفة حساس الأيدل و ده وظيفته فقط فتح البوابة بقيمة السلانسيه عند بداية دوران المحرك او لما بتشيل رجلك من علي البنزين و بيتم تنشيط استخدام الموتور بواسطة ايدل سويتش عبارة عن لماستين نحاس داخل البوابة بيوصلو ببعض لما تكون البوابة في وضع السلانسيه
الجزء الثاني من البوابة و ده طبعا كله داخليا تحت غطاء اسود لا تراه من الخارج هو حساس ال tps و ده عبارة عن مقاومة متغيره بيتوصل عليها 12 فولت جهد علي اطرافها و بيتاخد طرف الراجع للكنترول من من طرفها الثالث عشان تحدد مقدار فتح البوابة للكنترول
باختصار البوابة عندنا بتتنظف من فوهة دخول الهواء للمحرك فقط و حضرتك مبتجيش جنب الأجزاء الداخلية ليها ولا الحساسات
بوابة عربيات فولكس لما بتبوظ بتلاقي مشاكل في الأر بي ام وقتها بتنظفها و ان لم تجد نتيجة بتغيرها بأخري جديدة
فيه لمحركات فولكس نوعين من البوابات واحده كلها كهرباء يعني مافيش فيها مكان توصيل للأكسراتير و لكن كله كهرباء و دي في المحركات من 2000 حتي الأن و أخري بفيشة كهرباء و واير و دي في محركات من 94 حتي 2000
و بالتوفيق ان شاء الله
فادي عيد و ايهاب منصور .. ربنا يكرمكم اخر كرم.
فادي انت احترفت في قسم سيات ولا ايه؟ :-)