الموضوع: جين توو 2013 ؟؟!!

المشاركة الأصلية كتبت بواسطة d . A .\ ayman

بص ياسيدي إنت معاك ألتو زي حالاتي .. وأكيد طبعا طهقت من مودرن موتورز وسيبتهم قبل حتى الضمان ما يخلص زي

أحب أطمنك إنك مش هاتلاقي توكيل في مصر ممكن يكون وحش زي مودرن وأكيد عز العرب أفضل منه بكتير حاليا

على فكرة مودرن موتورز كانوا في يوم من الأيام أحسن بكتير من غبور وتوكيلات تانية طوروا نفسهم وهم لا زالوا أفضل من منصور

عز العرب بقى حاجة تانية أولا هو أفضل من مودرن موتورز (بس طبعا أنا لسة ما اتعاملتش معاه قوي)

في حاجة كمان تعتبر ميزة عن مودرن إنه فيه كذا مركز معتمد زي أتو ماجد في الحرفيين وبعض الناس هنا شكروا فيه وفيه كمان عصام صفا في النزهة قريب من كوبري الحرفيين برضه الناس بتشكر فيه والمركزين معتمدين من عز العرب

على فكرة عز العرب معاه توكيل ستروين وفولفو ودودج وكرايسلر _ يعني جيب شيروكي اللى مالية البلد _ وبروتون وجيب وتقريبا حاجات تاني برضه جامدة لأني كنت عاددهم تسع ماركات تقريبا مش متأكد قوي

هو أصلا توكيل جامد جدا للى يبص من برة بس عيبه اللى ماسك فيه ومش عايز يسيبه هو سياسة توفير قطع الغيار بسلاسة دايما تلاقي القطع غير الاستهلاكية بيجيبها بالطلب فقط ... ودي حاجة أصلا معظم إن لم يكن كل توكيلات مصر بتعملها ما عدا اللى بيتجمع هنا

في المرة اللى اتعاملت معاه فيها ما حستش إنه سيء .. والله أعلم بعد كدة هايبقى عامل إزاي

في نقطة كمان الصيانة كل عشر الآف وليس كل خمسة زي مودرن ... ما فيش النهب اللى مودرن كانو بينهبوه في كل صيانة في عربية تمنها 50 الف ... وأسعار الصيانات تقريبا كله محصل بعضه

سؤال على الماشي بقى ... إنت جبت طقم الدبرياج ولا لسة

بقي ده كلام يا باشا يعني التو و مش منورنا في قسم السوزوكي :(
و بصراحة مودرن موتورز من اول صيانة خلعت بسبب التعامل و الاسعار المبالغ فيها
و عز العرب معروف انه كويس معرفش هل اتغير و لا لأ و عامة الصيانات الخفيفة مش محتاجة التوكيل يعني يكفي مركز معتمد اما الحاجات التقيلة التوكيل

بخصوص طقم الدبرياج اه الحمد الله جبت