الموضوع: يجماعة بقالى كام يوم فى غم وهم وما احد سأل عليا؟؟؟؟؟

السلام عليكم ورحمة الله وبركاته

طبعا من عنوان الموضوع انى فى كرب شديد من فيفورتى هى كدا ليها ايام بتبقى غلسة وايام كتيرة بتكون حلوه نخش فى الموضوع....*

من حوالى شهر او اكتر بعانى من مشكلة البطاريه وعملت موضوع هنا عليها وروحت زودت البطارية ولاطن المشكله هى هيا متحلتش البطارية بتضعف يوم عن يوم لحد لما بقت مشكله لو وقفت فى حتى اشترى طلب تحلف ماهى دايرة الا زق حاجة صعبة....

لحد فى يوم هدانى ربى انى اضع ايدى على سير الدينموا لقيته مرخى وبلفة بايدى عادى اه اه اه اه اه اه هو انتا السبب المهم شديد عليه شويه ويارتنى ما شديت....*

وقع منى السير فى الظريق الصحراوى امام ورشة بعيد شوية عن الطريق ندين الدكتور لو سمحت ممكن تتكرم وتبص على العربيه قال هاتهالى ازى اشيله على اكتافى لحد الورشة والله لعملها بنفسى طبعا وانا بهدوم الشغل نزلت شنطة العدة وفقيت شداد الدينمو وركبت السير وشديت تانى ودورت وروحت الحمد الله....

الناس نصحونى غير السير روحت اشترى سير الراجل صاحب المحل لمح السير واقع قال السير عندك واقع قلت مهو انا جاى علشان كدة المهم معندوش وصفلى واحد اشتريت منه السير ب 25 جنية 950 :4 pk طبعا انا عرفت معلومات عن السيور ركبت السير فى الشارع وشديت تمام ودورت وروحت البيت مسافة 25 كيلوا....

تانى يوم الصبح جيت ادور السير نطر عارفين يعنى ايه نطر يعنى من اول حركه وقع نزلت بهدومى وركبت السير والجماعة فى البي بلطومو كل هدومى بقت ولا هدوم ميكانيكى فى ورشه كلاها مزيته ومشحمة....

المهم مشيت بالعربية حوالى 5 كيلو السير نطر نطر تانى ونزلت عاشر وركبتة ووصلت الاسماعيليه روحنا لكهربائى سيارات بص على السير قال مين اللى ركب السير دا قلتلو انا قال السير راكب غلط لاحظو انى مشية على حولى 20 كيلو بالغلط اللى قال عليه ودوبك مشيت ما فيش 2 كيلو والسير نطر ووقع كما وضاع....

روحت لميكانيكى قال اه اه الدينمو قواعده مكسورة لازم نطلع الماكينة برة وتروح المخرطة سيبها وتعالى بكر سبتها ومشيت ورجعت تانى يوم لقيته مدور العربية وقال تمام يباشا ههه باشا طيب المهم كله تمام قال اه والله تمام التمام لسة مركبين الماكنة والسيبيه اهى قال يعنى بتاجرها مهى مرميه جنب الورشة على طول طيب حسابك قال 150 جنيه ماشى مشيت بالعربية حوالى 20كيلو فى حته مقطوعة وفى عز الحر السير نطر للمرة مش عارف اتصلت على البيه قال هاتها شويه شويه يعنى ارجع بالعربية عشريب كيلو متر بدون سير دينمو وطبعا طلومبة الميه متوقفه....

قلت ما ينفعش انا حركب السير واروح ويوم الاحد حجيبهالك ظنيت انى لو ركبت السير ممكن امشى بها المشوار ولو على مرحلتين....

وصلت البيت يوم الجمعه احاول انى ادور العربيه والسير يركز ابدا مش ممكن اتصلت بالميكانيكى قال انا ها اجى اخدها من البيت قلتلو ازاى تمشى 25 كيلو بدون سير طبعا ان خفت على عربيتى وقولت 150 جنيه وغاور احسن ميولعلى فى العربيه وماحدش حيشيل الطين الا انا....

وديتها لميكانيكى عندنا ركب السير وقال لو نطر تانى هات طمبورة دينمو وروح لكهربائى سيارات يركبهالك ولو الدينمو فاضل مرحل زى كدا هاتها اخرط قواعده واخليه يرجع زى الأول وطبعا دا اخد 40 جنية واهو ربنا يستر وتمشى العربية شوية....

شوفتم بقى انتم وحشين ازاى سيبينى فى الغم ولاسؤال....*