الجلسه المثاليه الصحيه للجسم فى القياده؟

**wael6** · 22-07-2012 01:13 AM

السلام عليكم ورحمة الله
كل عام وانتم بخير

عندى اكثرمن استفسار مشتركين فى شئ واحد
تقريبا وهو الجلسه المثاليه الصحيه للجسم فى القياده

1- هل لازم نظرك يكون شايف الكبوت كله واخره خصوصا ؟ ولا مش لازم ونهتم براحة الرجوع للخلف بالكرسي مع ان لو فيه حاجه ع الضيق اقوم اشب بضهرى لادام وانتهى الامر ؟

2- ساعات بيجيلي قصعه فى كفة رجلى اليمين او ركبيتي اليمين من دوسة البنزين لانى بخاف اتقل رجلى ع البنزين حفاظا ع المكنه وكمان عشان متورطش فى السرعه ومتحصلشي مشكله ؟
هى العربية مانيوال
وانت بتزود بنزين بتكون رجلك مفروده ولا مش مشرط ويدوبك بتزود بكف رجلك ؟

3- الجانب الايمن للسيارة والطريق ساعات بلاقي نفسي مجنب شوية زياده وانا ماشي ناحية الشمال لو الطريق مثلا حارتين ونفس الاتجاه وطبعا لا الطريق متخطط ولا حاجه بخاف اخبط حد خصوصا من الناس اللى جنبا لسيارة من على يمينها
فاما بهدى خالص واوزن المسافات واعدى جمبهم بهدوء
بس الحركه دى مبتنفعش مع الطريق ا لسريعه الضيقه ؟

علما بانى مش مبتدئ يعنى بقالى حوالى 3 سنوات بسوق باستمرار وسافرت فيهم

متابع نصايحكم من فضلكم
وشكرا جزيلا

**amrelsaqqa** · 22-07-2012 01:23 AM

1 - كل ما كنت مش شايف الكبوت وتحفظ ابعاد العربية على كدة كل ما كان افضل
وكل ما رجعت الكرسى ورا كل ما كان افضل انك تلم بالجوانب كويس وتشوف رينج اكبر قدامك وعلى الجوانب ( تخيل مثلا الفرق لما تبص للشاشة الكمبيوتر وانت مقرب اوى ، او وانت باصص لها كلها على بعضها ، طبعا الحالة التانية احسن بكتير ، وكذلك برضه في العربية ، هتكون منتبه اكتر للطريق وملم بكل مافيه سواء قدامك اوحواليك ) وطبعا في الاماكن الضيقة تبص لقدام شوية وترجع تانى وخلاص

2 - طبعا ما ينفعش رجلك تبقى مفرودة والدواسة في اول مشوارها ، انما يفضل رجلك توصل لوضع الفرد في اخر مشوار دواسة الدبرياج .. وتظبط القعدة على كدة ويكون الكرسى بزاوية لا تقل عن 110 درجة

3- سواء الطريق متخطط ولا لا لازم تمشى في حارة محددة حسب سرعتك ، لو الطريق حارتين فقط اتجاه واحد ، يفضل تمشى على الشمال طالما انت ماشى بانتظام ، عشان اليمين بتاع الطوارئ وهتلاقي كله مفاجآت ...

**wael6** · 22-07-2012 01:45 AM

المشاركة الأصلية كتبت بواسطة amrelsaqqa

1 - كل ما كنت مش شايف الكبوت وتحفظ ابعاد العربية على كدة كل ما كان افضل
وكل ما رجعت الكرسى ورا كل ما كان افضل انك تلم بالجوانب كويس وتشوف رينج اكبر قدامك وعلى الجوانب ( تخيل مثلا الفرق لما تبص للشاشة الكمبيوتر وانت مقرب اوى ، او وانت باصص لها كلها على بعضها ، طبعا الحالة التانية احسن بكتير ، وكذلك برضه في العربية ، هتكون منتبه اكتر للطريق وملم بكل مافيه سواء قدامك اوحواليك ) وطبعا في الاماكن الضيقة تبص لقدام شوية وترجع تانى وخلاص

2 - طبعا ما ينفعش رجلك تبقى مفرودة والدواسة في اول مشوارها ، انما يفضل رجلك توصل لوضع الفرد في اخر مشوار دواسة الدبرياج .. وتظبط القعدة على كدة ويكون الكرسى بزاوية لا تقل عن 110 درجة

3- سواء الطريق متخطط ولا لا لازم تمشى في حارة محددة حسب سرعتك ، لو الطريق حارتين فقط اتجاه واحد ، يفضل تمشى على الشمال طالما انت ماشى بانتظام ، عشان اليمين بتاع الطوارئ وهتلاقي كله مفاجآت ...

شكرا جزيلا
وحفظكم الله من كل سوء

متابع باهتمام

**som3a2** · 23-07-2012 09:30 PM

ابويا كان دايماً يقولي يابني طلع الكرسي قدام هو انت شايف حاجه اقوله يا حاج اولاً انا طويل و جلي بتخبط في الدركسيون انا بسوق من 11 سنه تقريباً و الحمد لله بقا في خبره واي عربيه اركبها بتأقلم ع ابعادها ع طول ..ف انت المفروض 3 سنين تكون حفظت الابعاد كويس وتقعد مرتاح ومش متشنج

**wael6** · 24-07-2012 12:24 AM

المشاركة الأصلية كتبت بواسطة som3a2

ابويا كان دايماً يقولي يابني طلع الكرسي قدام هو انت شايف حاجه اقوله يا حاج اولاً انا طويل و جلي بتخبط في الدركسيون انا بسوق من 11 سنه تقريباً و الحمد لله بقا في خبره واي عربيه اركبها بتأقلم ع ابعادها ع طول ..ف انت المفروض 3 سنين تكون حفظت الابعاد كويس وتقعد مرتاح ومش متشنج

متشكر ليك ولاهتمامك
وربنا يستر طريقك

هو انا مش بتشنج ولا حاجه
بس الجانب الايمن للسيارة وانا سايق بيكون شبه اعمى
خصوصا وانا ماشي بسرعه وحد من المشاه ماشي بصراحه بكون خايف وانا معديه
او مثلا الرصيف اللى ع اليمين وانا بركن او بميل ناحيته وانا على سرعه ؟

فدايما بحاول اضمن الجانب الايسر اللى ناحيتي واظبط الايمن عليه

....*وليه وانت جوه العربيه بتحس ان المكان مش هقضيك تركن او حتى تعدى فى حين لما بتنزل من العربيه بتلاقي الحته واسعه ومفيش مشكله

اسف للاطاله
وكل عام وانتم بخير