الموضوع: حد يشوف حل للحرارة انا محتار اوبل 95

المشاركة الأصلية كتبت بواسطة tananybasha

اقولك انا يا استاذ احمد
دى مشكله طبيعية
و فى التوكيل بيقولك لغاية 97 مع التكييف عادى
موضوع تركيب ترموستات 2 رجل عشان المروحه تشتغل سرعه واحده سواء عالية او واطية
بينهى حياة المروحه المصممه انها اغلب الوقت تشتغل على السرعه الواطية مش العالية
و للعلم فيه سرعه تانية عند ال 105 ربنا يكفيك شر الوصول ليها و دى سرعة الطوارئ القصوى اللى كهربة العربية كلها بتتحول للمرواح عشان العربية متولعشى
طيب ايه احتمالات درجة الحرارة اللى ترفع حرارة العربية
نتفق اولاً على حاجة ان حرارة الفيكترا ال 1600 غير ال 2000 و الأتوماتيك بيسخن اكتر من المانيوال و دى اعتقد معلومه معروفه لحضرتك بالتأكيد
طيب ايه ثانياً
ترموستات الكوعة لازم تعرف معاييره كام و العربية تسخن لو متشال او درجة حرارة فتحه عالية زى اللى كان عندى و غيرته و الحرارة ظبطت
طيب الترموستات سليم و درجة فتحه و قفله مظبوطه
خير و بركه و الحمد لله
نشوف الريادتير حالته ايه
نوعه ايه
اصلى طيب بقاله قد ايه
اتسلك و لا لأ
مش اصلى
صينى
طيب انهى درجة
هندى
وسع مواسيره ايه
الريادتير تمام
زى الفل
نشوف فيه تسريب ضغط فى الدايره
لأن زى ما حضرتك اكيد عارف ان ضغط الدايرة المقفوله عندنا فى الأوبل أى خلل فيه يرفع درجة الحرارة
طيب وضع الغطا ايه
ايوه الغطا محدشى يستغرب
لو الغطا وحش او مضروب او ضغطه عالى
العربية تسخن بهبل كمان
طيب ربنا كرمنا و كل اللى فات زى الفل
المروحتين بقى بيشتغلو مع بعض و لا لأ
و السرعتين بيقوموا و لا لأ
الأرضى كويس بتاع العربية مش مخللى المراوح ضعيفه و لا لأ
نيجى بقى للسبب اللى بنخليه للأخر
وضع جوان السلندر ايه
العربية مش بتنقص ميه ؟ عارف
و مقلتشى ان الجوان عشان يبقى بايظ المية تنقص
ممكن يكون مهرب بس و بيهرب ضغط فى غرف التبريد يخللى العربية تسخن
صح و لا لأ

كل دى اسباب سخونه
و صعب قوى نختصرها بمروحه و لا ترموستات
عرفت يا استاذ احمد
يعنى ايه مات الكلام
لأن لا ترموستات 128 ينفع
و لا ترموستات واطى
لأن اللى عمل العربية و بيفهم احسن منى و منك و من اتخن صنايعى فيكى يا مصر
بيقول صح العربية
ترموستات 3 رجل
فتح كهربة المراوح 91 و يفصل 88
و السرعه التانية تفتح 94 و تفصل 91

كده مات الكلام

والله يا باشا احنا كده نقول مات الكلام بس جمله واحده منقدرش نقول مات الكلام والمشكله ان الراجل مش هيستفاد حاجه من كلمة مات الكلام ديه وهؤل لحضرتك علي حاجه الاستاذ اللي عنده المشكله بيقول ان المروحه بتبدا تشتغل عند 95 وده اكيد طبعا الترموثتات بياخر في ان يعطي الاشاره للمروحه عشان تشتغل انما هوا لو كانت المرواح بتشتغل طبيعي والعربيه برده بتسخن يبقي هنا المشكله او بمعني ادق المراوح بتشتغل في ميعدها وترموثتات ال128 ديه انا مركبه بس انا حاطط مروحه علي الريداتير مش بتاعت اوبل اصلا انا معدل واحده بتاعت دايو وبيجبها من بورسعيد استعمال ب 50 او60 انتا وشطارتك طبعا وشكرا استاذي طناطي باشا