اوتو مش ايزي
الكاسيت مختلف
التكيف عادي مش تاتش
الطارة طبعا
الجنط
الابنوس مختلف
دي غالبا كانت ايزي هاي لاين مش توب وعملت حادثة اشترى نص كامل بالفتيس والطارة والكاسيت طبعا عشان يشتغل المالتي عليها
السلام عليكم الموضوع باختصار لو انت كده كده هتجيب فيكترا وتحولها يبقى الموضوع ده اوفرلك هى متحوله جاهزه وهو شال ارف التسقيط وخلافه بس هى المشكله انها مش سهل تتباع بعد كده وهو كده كده مش هيعرف يبيعها فممكن تاخدها منو بأى رقم انا عارف هانى العايدى اللى هو عمل عندو الموضوع وممكن لو انت مهتم اجيبلك تريخها كلو بس تعمل حسابك هتعيش على الاستيراد فى قطع الغيار وهتدفع ضريبه سنويه حوالى ١٥٠٠ تقريباً واستهلاك بنزين ال٢٢٠٠ هيكون اعلى من ١٦٠٠ اكيد مش فرق وهمى بس اعلى ففكر لو امين اكلملك هانى اعرف تاريخ العربيه الحقيقي مش كلام صاحب العربيه وانا نصحتك بالفورد الفوكس ليه مش عجباك؟؟
يعنى دلوقت يا جماعة علشان الكل يستفاد الى عاجبة فيكترا سى و هاتبقى بسعر مغرى بس الماتور بيخلص و لازم هايسقط ماتور تانى و بالمرة هايغير الفتيس الايزى ترونك هل ماغيس ماتور 1600 متوفر و هل ينفع يركب واحد 2000 سى سى بالفتيس بتاعة بتاع فيكترا بى علشان نحل موضوع السى دة ياريت الى يشارك يكون فاهم
للأسف متور البى ميركبش على السى قواعد مختلفه وكنترولات البي مش هتشغل كماليات السى وانسى انك تعدل الضفيره ومفيش ٢٠٠٠ سي سي بنزين لفيكترا سى الموجود ٢٠٠٠ تيربو ديزل وده هايل وهو الاكثر انتشاراً بره والانسب حتى لمصر بس المشكله انو مش موجود حتى تقطيع بس انت ممكن تركب ال٢٢٠٠ هو بتاعها وموجود مش لاقى اللى يشيلو عند بتوع التقطيع وده لازم زى ما شفت الاخ اللى مغير وبيبيع هتاخد عربيه كامله حتى الدركسيون والكاسيت يعنى بتستخدم صاج عربيتك بس ولازم البى تشترى من عندو هو اللى يركب ويكون عملها قبل كده عشان يوفر عليك التجارب والاختراعات زى هانى العايدى كده عشان تضمن كل حاجه ....
وكده انت تضمن عربيه بكماليات وقوة بى ام دبليو الفئه الخامسه بس تشتري عربيه فيكترامتورها خربان او مفوت هتتعب شويه بس فى النهايه هتركب عربيه ملهاش مثيل بسعر تحت ال١٠٠ الف جنيه
المشكله ان التسقيط وش اصلا ودوشه وعايزه دماغ فاضيه
والله يا احمد باشا.. كل ما اقول افكر فيها.. بخاف.. مش عشان الحوار نفسه.. بس دى فلوس برضه وكتير.. واخاف تترمى ف الارض ف الاخر
يعنى اخرى لو هسقط المكنه يبقا 10 الاف للمكنه بكل حاجتها.. فتيس وعفشه وكنترول وتظبيط فرامل وخلافه