الموضوع: جين ٢ في اسبوع

نصيبك كدة وقولى الحمد لله ولو كنتى جبتى لامبورجينى كان بردة حيحصل فيها كدة
لان دى كلها عيوب لايمكن تجتمع مرة واحدة فى اى عربية زيرو ايا كانت
بالاضافة لموقف الكاوتش اللى فرقع دة طبعا
صلى ركعتين واحمدى ربنا انك سليمة
العين عليكى اليومين دول اقرى المعوذتين وشغلى قران
نصيحة متاخرة
مينفعش تسافرى بعربية زيرو لسة ملينتش ولسة انتى كمان متصاحبتيش عليها
ودة اللى بان فى كلامك عن الفرامل لان الفرامل فى اى عربية مختلفة عن التانية وكان لازم يبقى فى وقت اكبر بينك وبينها فى الهادى علشان تفهميها وهى كمان تفهمك
ونصيحة متاخرة تانية
مينفعش تسافرى اصلا بعربية فى التليين او فى اول 1000
ونصيحة تالتة خدى معاكى والدك او زوجك ومتسيبيش حقك فى التوكيل
ونصيحة اخيرة متحاوليش تعملى الحدفة فى التوكيل لانهم مبيفهموش فى الزوايا اساسا
روحى عند اى بتاع زوايا مشهور ومحترم زى ما عملت كدة والموضوع مخدش 10 دقايق بس اهم حاجة يكون بيفهم
مبروك وربنا يباركلك فيها ويبعد عنك شرها

المشاركة الأصلية كتبت بواسطة shnory

طيب ما تحل علي العام يا باشا علشان كل الناس تستفيد

انت خت بالك هههههههههههههه

المشاركة الأصلية كتبت بواسطة weta

الحل عندي بس ابعتيلي علي الخاص

مش فاهم
حتحل اية بالظبط يا سابق عصرك واوانك ؟
حترقيها ولا اية ؟؟؟؟
نرجو الرأفة بعقولنا الصغيرة وقلوبنا الضعيفة
والضغط والسكر والمرارة والقولون العصبى !!!!!!!!!!!!

وعليكم السلام ورحمة الله وبركاته


الف مبروك وربنا يكفيكِ شرها ويعطيكِ خيرها ..

المشاركة الأصلية كتبت بواسطة neenoz

سلام عليكم يا جماعة و رمضان كريم
اولا أنا جبت جين٢
اسمعوا حصلي ايه
اول يوم ترخيص
١- ميكروباص حكهالي :( و البويا بتعتو عل الباب :(


دي هتتشال بسهول .. قطنة وشوية اسيتون علي القطنة وامسيحها بيها وان شاء الله اللون هيتشال ,, واكيد عارف الاسيتون :)



٢-سفرت بيها الساحل (( عل الطريق بقا *العربية بتحدف يمين ،التاره معوجه :$

ظبط زوايا عند بريدجستون احسن مكان من رائي ..


٣- اول ماوصلت الساحل الكونش فرقع :( "" حكيت في الرصيف ""


قدر الله وما شاء فعل .. قضي اخف من فضي



٤-تأفيل الكبوت ملوح شمال

دي لازم تتراجع مع التوكيل ,, وماخديش بالك وانتي بستلميها !


٥-الشباك الاقدماني اليمين بردو في صعوبه و هو طالع

مع التوكيل برضوا ..


٦-وطبعا المرايات تجيب حول ولا كلو كوم و المراية الشمال فظيعه سو باد :(


ههههههه هتتعودي ..


٧-ال يو س بي باظ بعد ٤ايام :(


التوكيل !!


٨-صوت السنسور بيختفي :(

التوكيل برضوا !!


٩-المساحات اللي ورا باظت :(

باظت ازاي الموتور بتاعها مش شغال !!


١٠-الفتيس تقيل اوي و الفرامل واطيه جداً

اتو ولا عادي ,, ودي طبيعة الفرامل في الجين 2 .. مشوارها اطول سنة من عربيات تانية ..


١١-و أنا راجعه بقا من الساحل الكواتش نفسه فرقع تاني :( وكانت الصدمه بقا من الاستبن الفظيع و الكوريك الرهيب بجد
رجعت في ٧ ساعات :(

ههههههه الكوريك ده رميتة اول ما جبتة لانة باظ لوحدة ..


نيجي بقى لصيانه ١٠٠٠
طبعا طلعت روحي عشان اوصل لان مش في ولا يفطه تدل علي توكيل بروتون ولا حتى سهم المهم
خدت معاد ١٠:٣٠ كنت هناك ١٠:١٥ دخلت ١١:٣٠ بس عادي
المهم قالولي عشان خاطر التاره هتخديها ٦ لايمكن قبل كده .. قلت خلاص مش مشكله ""بس يعني ازاي ٧ساعات كده يسيبوا الواحد كده في الصحرا

المهم قلت مش مشكله رجعتلهم على ٦
ولا عملوا اي حاجه غير المساحات و الفرامل
صب ده اسمو كلام !!! طبعا مش سكت
المهم جالي المدير و بعد كلام رغي كتير مش ليه لازمه قالي طيب أنا هبعتلك ونش يشيل العربيه من الرحاب للتوكيل المهم حصل كده فعلا
بس الراجل كلمني بقي
يافندم إحنا خلصنا العربيه بس أنا كنت عايز اجربها بنفسي و كمان العربيه مطربه و كنت عايز اغسلها و اروقها ف الصبح انشاءالله هتكون عندك قلت مش مشكله ...
طبعا العربيه باتت بره بيتها :( في سبيل انها ترجع مفرفشه
استنى بقا العربيه الصبح ترجع عروره من عند الكوافير :(
لاقتها ياعيني راجعالي بتربها :(
و مخدوشه من الكبوت و الباب :(

مخدوشة من الكبوت والباب دي هما مسئولين عنها هما بصراحة مش بيهتموا في التوكيل وكذا مرة العربية تطلع مخدوشة من عندهم ,, ودي حاجة تنرفز المفروض بياخدوا الخدوش ويعلموا قبل ما العربية يستلموها ولما نستلم وفيها خربوش هما المسئوليين ..

بس بقا !!!!
""بس أنا حبيتها والله معني كنت عايزه أجيب فورد فيستا و خلاص كنت هخلص فيستا بس أصحابي نصحوني بي جين ٢

بس بأمانه أنا حبتها مس عارفه ليه
معني كنت بسوق عربيات اهلي و أخواتي
دودج و رانج روفر و و مازدا ٦
بس أنا حبت الجين ٢ :-)
بس صراحه هصبر عليها شويه !!

بصراحة لازم ترجعي للتوكيل ومش تسكتي علي المشاكل الاربعة الي هما السينسور والمساحات واليو اس بي ومكنة الازاز وحد يطلع يجرب معاكي الفتيس .. ويشوف حكاية الكبوت الملوح ده !!
خشي للمدير علطول ...