مشكله صغيره في نيسان صني الجديده

**moda_samy** · 23-07-2012 11:52 AM

السلام عليكم ورحمه الله وبركاته

معلش انا عندي مشكله في نيسان صني الجديده لسه مستلمها بقالي اسبوع

العربيه بعد 60 كيلو بحس انا فيها خبط صغير في الباب الامامي اللي جنب السائق وكمان في الباب الخلفي اللي ورا السائق زي مثلا ميكون طوبه صغيره بتخبط في الباب

لو حد قابل المشكله دي قبل كده ياريت يفيدنا لاني فعلا قلقان قوي ومش عارف ايه سبب الخبط دا

شكرا

**limo81** · 23-07-2012 12:14 PM

متااابع باهتماام

**khaloud71** · 23-07-2012 12:46 PM

ده غريب جدا الموضوغ ده انا متابع كل مواضيع و ريفيوهات النيسان الجديدة من ساعة ما نزلت لأنى بفكر اشتريها و ما جدش ذكر الموضوع ده قبل كدة انشاء الله يكون حاجة بسيطة . يا ترى ايه انطباعك عن العربية ككل و ايه العيوب اللى لاحظتها

**ahmad--ezzat** · 23-07-2012 02:18 PM

لا انت متسالش فى المنتدى

انت تطلع على التوكيل على طول قبل صيانه الالف طبعا

عشان لو فيه مشكله تتعالج على طول

ممكن يكون ظلط بيضرب فى الصاج وانت مش واخد بالك

او لاقدر الله حاجه فى العفشه

**kliken** · 23-07-2012 02:22 PM

عليك و على التوكيل و ان شاء الله تطلع حاجه بسيطه خالص

**engamin** · 23-07-2012 02:52 PM

ان بارود بلاقى حاجة بتخبط وخصوصا لو الطريق فى طوب صغيراو رملة بتحس انها بخبط من اسفل السيارة من الخلف بس بعد كدة الصوت بيروح بس فعلا بتحس انها مسمعة بطريقة غبية بس يمكن دا من عدم عزل الصوت بطريقة جيدة بس لو الصوت مستمر معاك روح التوكيل انا عندى باردو صوت تزيقية خفيفة

**د.هشام** · 23-07-2012 02:56 PM

المشاركة الأصلية كتبت بواسطة engamin

ان بارود بلاقى حاجة بتخبط وخصوصا لو الطريق فى طوب صغيراو رملة بتحس انها بخبط من اسفل السيارة من الخلف بس بعد كدة الصوت بيروح بس فعلا بتحس انها مسمعة بطريقة غبية بس يمكن دا من عدم عزل الصوت بطريقة جيدة

**medododo** · 23-07-2012 03:00 PM

ممكن يكون نوع الكاوتش بيلم الحصا الصغير ومع السرعة بيرجع يطرده فتسمع خبط

**Ahmed.TV** · 23-07-2012 06:59 PM

موضوع التزيق قولهم عليها .. بكون فى حاجات عايزها تتشحم
وموضوع خبط الزلط ده .. ده طبيعى .. التيدا معايا كدا .. لما بتمشى فى مكان فى طوب فى الارض وزلط بتسمعه بيخبط ورا
ولما تروح التوكيل قولهم على التزيق
بس لما ترجع تطمنا عليك .. وتعملنا تقرير فى الحل عشان نعرف
وكلنا تحت امرك فى المنتدى
تحياتى