بخصوص شبكة السقف في التيريوس

**م. تيمور** · 25-06-2008 12:27 PM

السلام عليكم ورحمة الله وبركاااااااته
انا ان شاااء الله مسافر الجمعه الجايه المصيف .. وعاوز اعرف ازاي استعمل شنطة السقف من الالف الى الياااااء .. يعني اشتري ايه واربط الشنط ازاي وكده :)
جزى الله كل من ساعدني الجنة .,,

**م. تيمور** · 26-06-2008 03:52 PM

معقول يا جماعه 20 واحد شافوا الموضوع ولا واحد قدر يفيدني ..
طيب الاعضاء مافيش عليهم عتاااااب .. يمكن محدش عنده فكره .. لكني اعتب على المشرفين الكرام لسببين .. الاول انها مش عوايدهم معايا او مع اي حد .. والتاني عشان انا كمان زميل ليهم .. في المنتدى اللي انا مشرف فيه لو حصل اي استفسار من اي عضو بكون مسئول عن توفير المساعده في ظرف ساعاااااات او حتى اقرب اليه الفكره .. او اضعف الايمااااان ادعي له بالتوفيق ..
عموما الاختلاف في لراي لا يفسد للود قضيه والموضوع مش مستاااااهل يعني
ومش حنسى افضال نايل موتورز ورجالها الاوفيااااء علي في المشاكل اللي قابلتني من شهرين .. ولكم كلكم والله صادق الدعوااااات بتوفيق الله والرزق الوفير ..

**معاذ الشرباصى** · 26-06-2008 03:55 PM

المشكلة ان ملاك التريوس مش نشطاء اوى هنا فى المنتدى

ده غير انى انا كمان بدور على حاجة لسقف العربية :)

فلو محدش رد, يبقى معندوش المعلومة و محبش يفتى, بس

ده غير ان المشرفين هنا دورهم تنظيمى و ليس تقنى

**م. تيمور** · 26-06-2008 03:59 PM

المشاركة الأصلية كتبت بواسطة معاذ الشرباصى

المشكلة ان ملاك التريوس مش نشطاء اوى هنا فى المنتدى

ده غير انى انا كمان بدور على حاجة لسقف العربية :)

فلو محدش رد, يبقى معندوش المعلومة و محبش يفتى, بس

ده غير ان المشرفين هنا دورهم تنظيمى و ليس تقنى

مرورك شرفني واثلج صدري معاذ بك
وعموما خيركم سابق والله .. وانا بقول ده في كل موضوع انزله
انا حنزل التوفيقيه الليله ان شاااء الله .. واوعدكم حكتب كل المعلومات اللي لاقيتها والخامات والاسعار هنا لما ارجع
وتقبلوا مني كل موده وحب في الله .. جمعنا الله واياااااكم في مستقر رحمته ..

**معاذ الشرباصى** · 26-06-2008 04:01 PM

المشاركة الأصلية كتبت بواسطة asdasdasd

مرورك شرفني واثلج صدري معاذ بك
وعموما خيركم سابق والله .. وانا بقول ده في كل موضوع انزله
انا حنزل التوفيقيه الليله ان شاااء الله .. واوعدكم حكتب كل المعلومات اللي لاقيتها والخامات والاسعار هنا لما ارجع
وتقبلوا مني كل موده وحب في الله .. جمعنا الله واياااااكم في مستقر رحمته ..

يا تيمور باشا احنا كلنا اخوات, اللى يقدر يساعد اخوه بحاجة مبيتأخرش

فميش موضوع خيركم سابق و الكلام ده

ربنا يوفقك فى مشوار التوفيقية, و يا ريت لو تسألى معاك على حاجات السقف للسريون

**م. تيمور** · 26-06-2008 04:04 PM

المشاركة الأصلية كتبت بواسطة معاذ الشرباصى

يا تيمور باشا احنا كلنا اخوات, اللى يقدر يساعد اخوه بحاجة مبيتأخرش

فميش موضوع خيركم سابق و الكلام ده

ربنا يوفقك فى مشوار التوفيقية, و يا ريت لو تسألى معاك على حاجات السقف للسريون

اوكي معاذ بك وده العشم برضوا
طيب عاوز حاجه تاني غير شبكة السقف للسيريون
ولو اي واحد ياشباب محتاج معلومه من التوفيقيه انا نازل من البيت بعد صلاة المغرب وحطلع على هناااااك .. اكتبوا اي سؤال وانا ارجع لكم بالاجاااابه ان شاااء الله

**معاذ الشرباصى** · 26-06-2008 04:06 PM

المشاركة الأصلية كتبت بواسطة asdasdasd

اوكي معاذ بك وده العشم برضوا
طيب عاوز حاجه تاني غير شبكة السقف للسيريون
ولو اي واحد ياشباب محتاج معلومه من التوفيقيه انا نازل من البيت بعد صلاة المغرب وحطلع على هناااااك .. اكتبوا اي سؤال وانا ارجع لكم بالاجاااابه ان شاااء الله

جزاك الله كل خير

هو بس شبكة السقف

ربنا يوفقك ان شاء الله

**MoToRiZeR** · 26-06-2008 04:49 PM

انا اسمع ان الحاجات دي متوفرة في شارع دمشق
بس معنديش معلومات اوي

و الشنط تربطها بخيط كدة عامل زي استك تخين اوي و بيتمط هو عشان ميبقاش حامي الشنط و يمسكها كويس .. انا كنت بشوفه بيتباع في كارفور و هيبر و سبينس و اكيد هتلاقيه في التوفيقية و مصيف سعيد يا باشا

بس ده شنطة التيريوس بحر ما شاء الله :) غريبة انك عايز تحط حاجات عالسقف
اصل بصراحة البارات دي شكلها مش بيبقي ولابد يعني
بس لو محتاجها فعلا يبقي احتياجك أهم من الشكل و توكل علي الله

**م. تيمور** · 27-06-2008 12:32 AM

المشاركة الأصلية كتبت بواسطة MoToRiZeR

انا اسمع ان الحاجات دي متوفرة في شارع دمشق
بس معنديش معلومات اوي

و الشنط تربطها بخيط كدة عامل زي استك تخين اوي و بيتمط هو عشان ميبقاش حامي الشنط و يمسكها كويس .. انا كنت بشوفه بيتباع في كارفور و هيبر و سبينس و اكيد هتلاقيه في التوفيقية و مصيف سعيد يا باشا

بس ده شنطة التيريوس بحر ما شاء الله :) غريبة انك عايز تحط حاجات عالسقف
اصل بصراحة البارات دي شكلها مش بيبقي ولابد يعني
بس لو محتاجها فعلا يبقي احتياجك أهم من الشكل و توكل علي الله

الله يبارك فيك ومرورك شرفني اخي الكريم
شوف ياسيدي .(CD) .. :)
اذا عرف السبب بطل العجب .. انا اشرتيت شبكة السقف عشان الشنطه ليها استعمال تاني حضرتك ..
وهو ان عيلتنا كبيره والحمد لله " 9 افراد " !!!!
فالترتيب كالتالي .. الكرسي الامامي اتنين .. الوراني 4 .. الشنطه عيلين 6 و 8 سنوات .. حطيتلهم مرتبه سفنج اشترتها مخصوص على قد الشنطه بالظبط .. وانا سايق نبقى تسعه بالتمام والكمال .. :)

**م. تيمور** · 27-06-2008 12:38 AM

المشاركة الأصلية كتبت بواسطة معاذ الشرباصى

جزاك الله كل خير

هو بس شبكة السقف

ربنا يوفقك ان شاء الله

معاذ بك انا لسه راجع من التوفيقيه ..
سالت كده عن اكثر من واحد .. لاقيت افضل سعر عند واحد اسمه مصطفى العدوي امام كشري ابو طارق على الناحية التانيه .. اللي جابني ليه كمان اني كل ما اروح عند ابو طارق الاقي تيريوس واقفه عنده بيعملها شيئ ما .. المهم
الشبكه شكلها جميل جدا جدا والحمد لله .. صناعة تايوانية .. الخامه حديد زهر .. الملمس زي الحاملين المحطوطيم على السقف بالظبط .. ححاول اصورها ان شاااء الله لما اوصل بكره واروق كده ..
السعر 425 جنيه .. الاحبال مطاط 10 جنيه و خمسه جنيه للولد اللي ركب يبقى المجموع 440 جنيه بالظبط
على فكره ممكن لو فاصلت معاه ينزل بس انا عمري ماكنت شاطر في الفصال
بالنسبه للسيريون لاقيت نوعين .. 380 و 325 .. واحد فضي والتاني اسود بس مش عند مصطفى .. هو اتصل بواحد وقاللي على الاسعار دي ..
واي خدمه ياباشاااااا :)

الموضوع: بخصوص شبكة السقف في التيريوس

LinkBack

أدوات الموضوع

عرض

-

-

-

-

المواضيع المتشابهه

حد ي يفهم في شبكة السقف او شنطة السقف

ركبت شبكة فوق السقف للماروتى

اى نوع شبكة السقف الى ترب على ال 205؟

السؤال عن شبكة السقف للشيرى A11

شبكة السقف اللي بالطول

الكلمات الدلالية لهذا الموضوع

المفضلات

المفضلات

ضوابط المشاركة