عاجل بخصوص لانوس اتوماتيك

**Rafek Orbit** · 23-07-2012 05:34 PM

السلام عليكم ورحمة الله وبركاته
رمضان كريم
............
النهارده الصبح حصلت معايا مشكلة فى عربيتى دايو لانوس اتوماتيك 99
غطا طبة زيت الاتوماتيك ( لونه احمر ) متوصل بيه خرطوم رفيع .. الخرطوم ده اتخلع من اخره وبقى ثابت بس فى غطا الطبة ومش عارف هو اصلا كان راكب فين .. ودورت فى كل كتالوجات الصيانة اللى عندى ما لقتيش خالص اى اثر للخرطوم ده .. كل الكتالوجات فيه غطا الطبة دى من غير خراطيم .. يا ريت لو حد معاه نفس موديل عربيتى يقولى هو الخرطوم ده كان راكب فين
ولكم جزيل الشكر

**hazemsabry** · 23-07-2012 05:59 PM

أ/ ستاذ رفيق أنا معايا لانوس اوتوماتيك موديل 2000 ماشوفتش عندى أى أثر للخرطوم الذى ذكرته أسف لعدم تمكنى من مساعدتك ولكن عندى سؤال لحضرتك ممكن أعرف الفتيس الأوتوماتيك بيأخذ كم كيلو زيت ولو عندى مشكلة مغلبانى فى الفتيس أروح لمن ولك جزيل الشكر

**Rafek Orbit** · 24-07-2012 01:18 PM

شكرا لاهتمامك .. مش عارف يمكن يكون فايدته بس دخول وخروج الهوا وعلشان كده فيه ناس بتشيله .. بالنسبة للزيت انا كنت سالت مهندس فى التوكيل وحذرنى من تغيير الزيت لانه حيبرجل الفتيس كله ونوع الزيت ده مش بيتغير ولو نقص بس بيتزود ولازم فى التوكيل علشان لازم نفس نوع الزيت والزيت ده غالى تقريبا التر ب 150 وعلشان كده هم لما بيعملوا صيانه للفتيس فى التوكيل بيشيلوا الزيت ويرجعوه تانى بعد الصيانه .. وعلى فكره ده مكتوب برضو فى كتالوج العربية

**hemanour** · 25-07-2012 09:56 AM

الخرطوم ده عندي مش واصل بحاجة وفي اعتقادي انه موجود علشان يخرج الزيادة و البخر الى الارض و الله اعلم و بعدين انا مغير الزيت بتاعوا وحاطط زيت من الرخيص كمان وماشي الحمد لله مفيش مشاكل