بسم الله الرحمن الرحيم

اولا كل سنة وانتم طيبين ورمضان كريم

عندي مشكلة في التيدا

العربية اوتوماتيك ماشية 85 الف كيلو

المشكلة بإختصار اني لما بكبس بنزين العربية بتقطع وبتقي مكتومة كده

فغيرت طرمبة بنزين بالفلتر وفلتر هواء وزيت المحرك ونضفت الإنجيكشن ولسا المشكلة موجودة

وانهارده بقى زادت اوي، دوست بنزين لقيت الأر بي ام على معايا عادي وعداد الكيلومتر واقف على 90 والعربية مش بتمشي خالص لمدة 4 ثواني مثلا وبعدين كده قعدت تنتش

مش عارف ايه الحل المشكلة ديه ! في ناس افتولي وقالولي ممكن يكون جير بوكس بس انا بقول لأ لإني بتعامل مع الجير بوكس بكل احترام وكنت لسا مغير زيت الفتيس في التوكيل
انا من رأيي انها بوجيهات ان شاء الله وكنت عايز اعرف لو هغير بوجيهات شغلانة ولا ايه لإني سمعت ان الموتور لازم نصه يتفك او حاجة زي كده

يا ريت تفيدوني