الموضوع: مشكلة في التيدا

المشاركة الأصلية كتبت بواسطة ahmed.tv

هى فى الغالب بوجيهات .. وان شاء الله تكون منها او من حاجة تانية اقل ومتدخلش فى اى متاهة
وان شاء الله خير
ودايما ايدك فى العربية .. ومتفوتش صيانة ان شاء الله لو كانت كل 5000 كيلو .. عشان تتطمن على العربية
واغلب المراكز فى نيسان بيشكيوا على كل حاجة وبيعطوك تقرير عن حالة العربية .. ممكن انت تستفاد بيه .. وتعمل اى حاجة بره التوكيل .. بس مش كل حاجة تتعمل بره

المهم شوارع بلدنا وجوها محتاج تروح كل فترة تشيك على العربية .. وربنا يستر طريقك

قولى بقا لقيت حد عنده فوانيس فيها عدسات ورنجات ولالا

للأسف ملقتش الفوانيس خالص بس ق يب هيبقى في مفآجأة

رحت عند واحد معرفة في الحرفيين عنده كشف بالكمبيوتر
كشفت طلعله ( موبينا ) فمسح الإيرور وعمل ريفريش مرجعتش تاني الحمد لله
المهم رحت جبت طقم بوجيهات من عند محمد جابر ب 500 جنيه وغيرتهم
وفي حاجة مهمة جدا البوجيهات القديمة طالعة محروقة ومتفحمة لحد نصها !
انا ماشي 85 الف كيلو بالعربية مش معقول تطلع كده وهي المفروض تقعد 100 الف
والحمد لله اني لحقتهم قبل ما الموبينة تبوظ
الموضوع كلفني 500 جنيه بوجيهات + 50 كشف كمبيوتر + 50 مصنعية تغيير بوجيهات
والحمد لله العربية رجعت فلة والسحب بقى قوى جدا
نصيحة لوجه الله .. اي حد معاه تيدا يغير البوجيهات على 60 الف لو بيحرق ولو مش بيحرق آخره 80 الف