الموضوع: بعض التجارب فى شراء السوبارو

سلام عليكم..

بالامس ذهبت للقاهرة مع ان الجو حرررررررر والدنيا صيام لكن فعلا القاهرة كانت فاضية والمرور سهل جدا من الصبح عشان اعياد ثورة يوليو


المهم انا بدور فى النت فى كذا موقع على سوبارو 2006 /2007 مانيوال وكنت بقع فى حاجات تانية برضه...


(لو حد عايز كل الاسعار للعربيات ومواصفتها يكتب هنا وحنشرها بنمر التليفونات..... ديه خلاصة بتاع اسبوعين تدوير ) :)

كلمت واحد بايع موديل 2006 مانيوال عاملة 150 الف كم طلعت إتباعت... سالته بظرف اذا كان ممكن يفيدنى بتمنها عشان بدور على واحدة قالى انه باعها بخمسين الف جنيه وشكله من كلامه مش تاجر...
اتصلت بواحد تانى كنت عارف من البحث انه تاجر طلع فعلا تاجر "تحس انك بتكلم جزار بالضبط" باع واحدة 2006 مانيوال رشة برة بالكامل "الله اعلم ليه " باعها ب 58 الف سوداء "لسة محطوطة فى دوبيزل" "وعلى فكرة العربيبين اللى اتباعوا اعلاناتهم قديمةةةةةةةةةة "


المهم الاتنين اللى رسيت عليهم ومتباعوش كانوا فى كونتكت جداد...

العربيية الاولى:
عاملة 78 الف سعرها 61 الف جنيه قابل للتفاوض "واعلانها لسة موجود" مانيوال موديل 2006
شفت العربية وباختصار العربية زى الفل من برة ورشة جانبين رش نضيف... وحالتها كانت عاجبانى جدا
بس المشلكة بقى اللى تخليك تشك اولا صاحبها بيحب ال Racing وهو لسةشاريها used وممشاش بيها اصلا وورانى العداد بتاعها وورانى تاريخ نقل الملكية...
لكن بيقولى بقى حاجة غريبة جدا!!!

بيقولى انا حاطط شكمان HKS حشيله منها والشكمان الاصلى بتاعها لسة فاكه لان العربية كان فيها مشكلة انسداد شكمان!!!! "ازاى شكمان يتسد الا لو فى انبعاثات او هباب من الموتور!!" وخصوصا العربية شبه جديدة ومش ماشية كتير!!!

وكمان انسداد الشكمان خلى الرادياتير يضرب!! هو قالهالى بصورة غريبة بس الخلاصة ان العربية سخنت جامد!!! فغير الرادياتير!!
طبعا قطع الغيار ديه مش مشلكة المشكلة فى الموتور وحالته وكمان هو مركب شكمان سبور دلوقتى فمبقتش احكم مبدئيا غلى الموتور لان الشكمان ده صوته مزعج جدا "بكرههم بصراحة" صوت الموتور مش باين خالص بوضوح
المهم عدا كدة العربية زى الفل ومرضاش ينزل عن 60 ونصف الف جنيه وكمان مغيرلها زيت وسيور الخ عشان هو لسة مشتريها!

موضوع الشكمان ده مريبب جدا وحاسس ان الموتور فيه حاجة غلط ولا ايه رايكم.؟؟؟؟؟؟



العربية التانية صاحبها اسمه د.مينا وشكله راجل محترم وده كان صادق جدا معايا ومواصفات العربية

2006 مانيوال سوداء "كاملة" عاملة 120 الف كم كراسى متغطية جلد... سعرها 59 الف المشكلة بقى غير قابل للتفاوض!

العرية من الاخر مفيهاش غير حاجتين .... سلك دبرياج عايز يتغير وهو حيغيره من التوكيل
والعربية عشان يحافظ عليها هوا بوية فبريكة حالتها نص كم... وعموما العربية من برة حالتها متبهدلة مش خبطات ولكن العربية عايزة دهان اول كامل مش مجرد رش..... وتحس الابواب شوية مستهلكة كدة.. مش عارف بس للاسف العربية مظهريا شكلها اسوأ بكتير من الأولى من برة..
انا عارف ان كل شغل الشنب والسمكرة والدهان والكارتيرى اللى متصلمة كل ده حيتلم بكام باكو بس العربية كدة حتخش معايا فى حوالى 63-64 الف....
المهم هو عرض يرش الاجزاء اللى عايزة رش ةيظبط الكارتيرة ويغير سلك الدبرياج بس انا كدة كدة عارف انى مينفعش اشتريها واسيبه يرش الاجزاء لان مفيش حد حيحافظ على حاجة ولا طبعا حيرشها بالكامل


عدا كدة هو عامل الصيانان الاساسية وتغيير الكاتينة فى التوكيل الا الفلاتر والكلام ده كان بيعمله برة....


ملحوظة هما الاتنين موافقين يرفعوها فى التوكيل عند الشراء.


تحياتى وفى انتظار ارائكم

اللى يرش عربيته باسبراى يبقى بيستخصر يعمل لعربيته حاجات كتير نصيحة ابعد عن الشباب اللى بيحرق على الغيار لأنه بيستهلك الموتور بدرى و ابعد عن البخيل على عربيته لأنه بيمشى بالعربية متلصمة و بيكون فيها شغل كتير
دور على حاجة تانية تكون فبريكة بالكامل و متغيرش حاجة فى معالمها او موتورها