المشاركة الأصلية كتبت بواسطة Mohamed Fawzy
موضوع جميل وكلام جميل بس انا ليا وجهة نظر في كلام حضراتكم وهي ان نفس عوامل التقييم دي بيكون فيها اختلاف من شخص لأخر حسب ميوله في العربية وطريقته في السواقة واستخدامه للعربية وهكذا يعني مثلا اللي بستخدم العربية كتير وبيسوق مسافات طويلة ممكن يغلب الرفاهية واستهلاك البنزين على قوة الموتور والتسارع واللي عنده اسرة كبيرة ممكن يغلب الاتساع الداخلي على الشكل الخارجي واللي بيحب الجري ممكن يغلب قوة الموتور والثبات على الاوبشن والفرامل وهكذا
عشان كده بقول قبل ما الواحد يفكر انه يقيم عربية لازم يشوف اولا هو عايز منها ايه وناوي يغيرها امتى وطبيعة الطرق اللي بيمشي فيها عاملة ازاي لأن كل ده بيفرق كتير جدا في تقييم العربية من شخص للتاني وشكرا مرة تانية للاستاذ هاني على الموضوع الجميل