النترا او لانسر او سوزوكىsx4 فى حدود من 105000 الى 110000

**AboMaro** · 12-07-2008 03:03 AM

سيبك من الانسر
قارن بين اللالنترا و السوزوكي
و ان كان السوزوكي اكيد افضل
انا مجربتهاش بس شوفتها كذا مرة
تديك احساس انها عربيه شيك و فخمه وقويه
وبعدين متنساش ياباني

**مدحت منيب** · 12-07-2008 03:13 AM

اختار السوزوكى sx4

ارشحها للانتشار على المدى القريب و المتوسط

**nour** · 30-07-2008 12:11 AM

السوزوكى sx4 لسه محدش جربها قوي ولم تنتشر بعد وشرائها الان مغامرة
اللانسر أحسن من الانترا في عوامل الأمان abs,air bags
لذلك أرشح لك اللانسر حتعيش أكتر وسعر اعادة بيع ممتاز وتوكيل معقول أكيد أحسن من غبور

**احمدعبدالعزيز** · 30-07-2008 08:51 AM

كلام نور باشا صح 100%

**farfora20082008** · 30-07-2008 09:11 AM

الانسر برضه يباني
ورغم اني مش بيعجبني انتشار الانسر اللي زياده عن الازم ورغم اعجاببي بشكل الالنترا انا برشحلك لانسر
بس ايه رأيك في مازدا وبرضه في حدود السعر اللي حضرتك بتكلم فيه وامكانيات اعلي ؟
لو بتفكر ادخل قسم مازدا

**محمد عز** · 30-07-2008 09:27 AM

الاختيارات كلها قريبه من بعض
انا شايف الفرق مش كبير ما بين ال 3 عربيات
واى حاجة هتجيبها اكيد ان شاء الله هتعجبك

وكراى شخصي انا ميال للانسر اكتر لقوة الاداء وعربيه يعتمد عليها

**haneena** · 30-07-2008 09:37 AM

المشاركة الأصلية كتبت بواسطة amrhos

ايه رايكم و ارجو الرد سريعا مع العلم انى شخص طويل و ملول من السيارات و نويت اشترى زيرو فعاوز عربيه ما ازهقش منها..

النترا 1600 كامله اتوماتيك تكييف بكر مش تاتش 108000
لانسر 1600 كامله مش رياضيه 110000
سوزوكى 1600 sx4 كامله مش رياضيه 108000

*المشكله فى السيراتو انها ضيقه شويه و شكلها مش ولابد بالنسبه لى
*المشكله فى النيسان الصنى التقفيل فعلا مش جيد و مش عاليه عن الارض

انا مستقر على الالنترا بنسبة 75% فلو حد عنده راى اخر يا ريت يفيدنى
انا صليت الاستخاره الحمد لله فربنا يهدينا للصح

حضرتك انا معايا SX4 وهى الحمد لله الى الان ممتازة جدا ومبسوطة منها قوى
بس هى معايا مش من كتير عشان ابقى حيادية انا عملت بيها قرب الـ600 كيلو بس
وبالنسبة للتوكيل حضرتك ماتقلقش منه ده توكيل ممتاز ولينا تعامل لمدة تلات سنين وهم ناس محترفة جدا ومحترمة جدا
وعموما كمان اللانسر عربية محترمة جدا جدا جدا
وانا ماارشحش الهيونداى بصراحة فيه فرق صدقنى بين الكورى واليابانى
ممكن عربية كورى يعجبك شكلها او كمالياتها لكن تعالى وقارنها باليابانى تلاقيها مش معمرة زيه
وانا كان معايا كورى قبل كده ولما ركبت اليابانى عرفت الفرق بينهم
وبالنسبة بقى للمقارنة بين اللانسر والSX4 لان الاتنين عندنا
الكماليات ------SX4 تكسب بمراحل
الشكل -------مااعرفش دى بقى اذواق
الثبات -------SX4 تكسب
الانتشار وسعر اعادة البيع ---------اللانسر تكسب بمراحل فى الوقت الراهن
العلو عن الارض وتفادى مطباتنا الجميلة ------ SX4 تكسب بمراحل على فكرة اللانسر الشكل القديم واطية وبتحك كتير مع التحميل طبعا
التوكيل -------الاتنين ممتازين وفى نفس المستوى تقريبا
الصاج -----SX4 تكسب
السحب وبذات مع التكييف ------SX4 تكسب
الباور ------الاتنين تقريبا واحد وممتازين
التكييف ------ الاتنين تلالالالالالاجة ماشاء الله

بس فى النهاية لو حضرتك بتغير العربيات كتير يبقى بلاش SX4 وهات لانسر لان لسة العربية ماانتشرتش قوى بس انت لو هاتقعد معاك العربية تلات اربع سنين يبقى هاتها لانى اتوقع باذن الله ان العربية دى هاتعمل انتشار
وربنا يوفقك لعربية تعجبك وتعمر معاك وطالما حضرتك صليت استخارة ودى اهم من سؤال كل البشر يبقى ان شاء الله ماتقلقش ونصيبك خير ان شاء الله

**حماده المصري** · 30-07-2008 12:28 PM

السوزوكي انا معرفش عنها حاجه خصوصا انها موديل جديد مش هتلاقي ناس كتير جربتها ومشيت بيها كتير

الانسر بصراحه من رايي ال 1600 العفشه الرياضيه عربيه مش حمل بهدله زي الالنترا

النترا الجديده عفشه احسن بكتير من الانسر ال 1600 وفي نظري كثبات هتكون احسن

قطع الغيار الانتين قطعهم نار من التوكيل والاتنين ليهم قطع غيار تجاري

في نظري النترا الجديده وكمان القديمه احسن من النسر الي عفشتها رياضيه