الموضوع: عايز الكت الجديده

المشاركة الأصلية كتبت بواسطة ahmed_rahem

السلام عليكم ورحمة الله وبركاتة

علشان الموضوع يبقى منسق كويس، خدوا النقط دى فى الاعتبار:
1- الطلبية على الاقل 20 فرد لحد 40 واحد، لان الطلبية بتكون جملة لتخفيض تكلفة الشحن وبالتالى ثمن الكيت.
2- عمل جدول بالناس الى عايزة وارقام تليفوناتهم واماكن الاقامة وطرق التسليم.
3- دفع عربون من 25 الى 50 جنية جدية حجز، منعاً للرجوع فى الكلام والاهم اهتمام الاعضاء الى دافعة - مهى فلوسهم فى الاخر.
4- تحديد شخص واحد مع مساعد لية لامساك الجدول والعربون.

اخر نقطة راجع كل موضوعات الكيت السابقة
http://www.nilemotors.net/nile/288998-a.html
http://www.nilemotors.net/nile/288742-18-5-a.html
http://www.nilemotors.net/nile/274489-a.html
http://www.nilemotors.net/nile/270581-a.html
http://www.nilemotors.net/nile/250978-a.html
http://www.nilemotors.net/nile/270412-a.html

دول بعض الموضوعات السابقة علشان تعرف كل حاجة عن الكيت والاهم مدى المجهود الى بيتعمل علشان يجى

والسلام ختام

والسلام ختام

كلام احمد سليم .. واحمد حاطط اغلب موضوعات الكيت اللى جبناه .. والطريقة والاسعار .. والاسلوب اللى بنتبعه .. وياريت تقراؤ الموضوعات بكل المشاركات اللى فيها اللى حط لينكاتها احمد

لان المسائلة مش مساالة كل عضو جديد يدخل يقول انا عايز ومعاكم .. لا طبعا .. سامحونا ياجماعة.. احنا اتعذبنا فى الموضوع ده قبل كدا .. لان كنت بجيب الحاجة على حسابى او على حساب اى متطوع .. وبنفضل نجمع الفلوس على مراحل .. وده حرام .. مع انى اخر مرة لميت عربون من ناس .. وكان فى ناس ناقصة كتير .. بس الحمد لله اتوزعوا بردوا .. لان الكيت ده عامل زى الجنيه الدهب .. بيتخطف .. بعد ما اتعرف قيمته

فا لحل ان كل واحد يدفع عربون فى حدود 30 جنيه مثلا .. وحيكون فاضل فى حدود من 40 الى 50 جنيه باقى على عدد من 20 الى 30 فرد

وكمان خالوا بالكم .. مش حنبعت على طول .. لان اكيد مش حنلحق نلم عدد 20 او 30 فرد .. لان ده حياخد وقت
عشان محدش يجى يستعجل ويقولنا انتوا فين مش بعتوا ليه

والحاجة عموما بمجرد ما يكتمل العدد بتيجى فى ظرف 10 ايام فقط

وكل التفاصيل فى اللينكات اللى موجودة .. واى لينك ممكن يكون زيادة موجودة الموضوعات بتاعت الكيت فى موضوع فهرس القسم المثبت فى اعلى القسم

ووقت ما تجمعوا بعض
ممكن الناس ترسلى العربون على مكتب بريد .. او فى اى مقابلة واحنا بنتجمع .. بس جمعوا الاول وشوفوا مين اللى عايز
لان فعلا لما جبناه كان بيتخطف .. وناس كانت بتاخد بالاتنين والتلاتة

تحياتى

مفيش مشكلة .. ظبطوا العدد وحد يجمع من الناس الفلوس .. زى ما عمل صديقنا محمود .. وبعد ما جمع الفلوس .. بعتلى الفلوس .. وروحت عملت امر للشركة وبعتولى الحاجة واتقابلنا ووزعنا الحاجة

وربنا يعينكم على تجميع الفلوس والناس .. لان بصراحة قصة متعبة جدا

وانا تحت امركم