يا وحوش - لانوس زيرو ولا؟؟؟؟

**mailo** · 30-07-2012 03:04 PM

المشاركة الأصلية كتبت بواسطة ahmedeg1

هوا الرد مش واضح من تعليقى

خلاص ياسيدى ما تزعلش نفسك
بلاش يا أخى تجيب لنفسك و جع الدماغ و تشترى شيفورليه لانوس و كفايه انها ضمان منصور
ها وضح كده الرد
كل سنه و انتا طيب

لأ متخافس مابزعلش
وبلنسبة للكلام لأ مش واضح إنت مقلتش أي حاجة مفيدة للراجل ولا حتى مقارنة ولا إيه العيوب في اللانوس ولا حتى مميزات اللوجان

يبقى فين الرد
إيه الفايدة اللي عادت على المجتمع من الرد ده. مفهمناش إنت جبت وبعت ليه ؟! عشان عيوب عربية ولا عشان مزاجك كده

المشاركة الأصلية كتبت بواسطة hossammars

انا جبت لانوس 2012 .........بس بجد وحشة اوى و كلها مشاكككل

مش ناقصاك هي كمان
اشرب جردل بريل كده وتعالالي بعضويتك الأصلية

المشاركة الأصلية كتبت بواسطة truetomy

كلها مشاكل كلها مشاكل زي أيه دي عربية زيرو لحقت تظهر ليها مشاكل معاك طمني الله يخليك أحسن أنا على وشك الدخول في مغامرة الانوس

ياعم إنت هاتصدق واحد جاي باول مشاركة ليه يرازينا بيها, وبعدين متقلقش فيه ناس جبانات كتير بيخافوا يتكلموا بالعضويات بتاعتهم

فيه هنا ناس كتير معانا جايبة 2011 و 2010 ومشتكوش منها
وجاري جايب 2012 واللي جالي البيت شافها واقفة تحت

صلي استخارة الاول وربنا يكرمك بيها أو بغيرها بس متسلمش دماغك لحد اللي إنت عايزها هاتها عشان ماتندمش فالاخر وعشان تبقى إنت متحمل مسئولية قرارك.

**ahmedeg1** · 01-08-2012 01:10 PM

[QUOTE=mailo;3874456540]لأ متخافس مابزعلش
وبلنسبة للكلام لأ مش واضح إنت مقلتش أي حاجة مفيدة للراجل ولا حتى مقارنة ولا إيه العيوب في اللانوس ولا حتى مميزات اللوجان

يبقى فين الرد
إيه الفايدة اللي عادت على المجتمع من الرد ده. مفهمناش إنت جبت وبعت ليه ؟! عشان عيوب عربية ولا عشان مزاجك كده

هو انا مش خايف و لا حاجه و أدام مابتزعلش يبقى برجاء قراءة التالى
من الواضح من كلامى ان فى فايده عادت على الراجل مش المجتمع و كلامى موحه لشخص بيسأل عن النصيحه فديته رأى و المفروض هو اللى يستفيد مش المجتمع و بعدين حضرتك اللى سألت أعتقد لأ يبقى متقيمش رأيى و تقول مافيهوش فايده و لا لأ لأن ممكن يكون صاحب السؤال فهم أو لأ
و مش معنى انى بعت لانوس و جبت لوجان يبقى اللانوس وحشه لكن يعنى ان اللوجان أفضل بمراحل كتيييييير
و ده من وجهة نظرى
و مش عاوززين نخرج من الموضوع و متنصبش نفسك قاضى و تحكم على أراء الناس
و كل سنه و انتا طيب

**mailo** · 01-08-2012 02:04 PM

من الواضح من كلامى ان فى فايده عادت على الراجل مش المجتمع و كلامى موحه لشخص بيسأل عن النصيحه فديته رأى و المفروض هو اللى يستفيد مش المجتمع و بعدين حضرتك اللى سألت أعتقد لأ يبقى متقيمش رأيى و تقول مافيهوش فايده و لا لأ لأن ممكن يكون صاحب السؤال فهم أو لأ

ارجع لردك الأول أو حتى التاني وحاول كده تطلع منه نصيحة أو فايدة واحدة
إنت بتقول جبت العربية زيرو وبعتها و مقلتش على سبب واحد بس حد يقدر يستفيد منه

الكلام اللي بيتكتب هنا بيبقى عام وموجة لكل الناس اللي بتشوفه سواء كانوا من المنتدى أو من بره
لو عايز تنصح حد بحاجة شخصية ابعتهاله pm

و مش معنى انى بعت لانوس و جبت لوجان يبقى اللانوس وحشه لكن يعنى ان اللوجان أفضل بمراحل كتيييييير
و ده من وجهة نظرى

كده بقى إنت ابتديت تتكلم
مع إن فيه كلام أنا مش مقتنع بيه بس كده ممكن يكون بداية نقاش أو افاده

و مش عاوززين نخرج من الموضوع و متنصبش نفسك قاضى و تحكم على أراء الناس

لحد دلوقتي مخرجناش بره الالموضوع قاضي مش قاضي بقى أنا ماحكمتش على ارائك
يافندم إنت مقلتش رأي أصلا عشان أحكم عليه

و كل سنه و انتا طيب

وأنت طيب

**ahmedeg1** · 01-08-2012 03:25 PM

المشاركة الأصلية كتبت بواسطة mailo

ارجع لردك الأول أو حتى التاني وحاول كده تطلع منه نصيحة أو فايدة واحدة
إنت بتقول جبت العربية زيرو وبعتها و مقلتش على سبب واحد بس حد يقدر يستفيد منه

لأ انا ممكن أقولك على اسباب كتيره جدا جدا بس انا حبيت ابدى رأى بإختصار

الكلام اللي بيتكتب هنا بيبقى عام وموجة لكل الناس اللي بتشوفه سواء كانوا من المنتدى أو من بره
لو عايز تنصح حد بحاجة شخصية ابعتهاله pm

فعلا الكلام موجه لكل الناس بس لما تسأل عن تفاصيل فى كلامى يكون بأسلوب غير ده

كده بقى إنت ابتديت تتكلم
مع إن فيه كلام أنا مش مقتنع بيه بس كده ممكن يكون بداية نقاش أو افاده

يا باشا عدم اقتناعك بكلامى مش هدف و انتا حر تقتنع أو ماتقتنعش انا مش هجبرك عليه

لحد دلوقتي مخرجناش بره الالموضوع قاضي مش قاضي بقى أنا ماحكمتش على ارائك
يافندم إنت مقلتش رأي أصلا عشان أحكم عليه

وجهة نظرك ان كلامى مش رأى و انا هحترمها و مش هنقضك بس هقول ان حضرتك مافهمتنيش

عاوز تعرف الإختلافات دور كده فى قسم المقارنات مش فى موضوع عادى زى ده

و برضه ماتحولش تكون قاضى و حاور الناس باسلوب النقاش و ليس الحكم
و دى نصيحه ليك و انتا حر تاخد بيها او ماتخدش بيها

و كل عام و انتم بخير جميعا

**fghahkj** · 02-08-2012 06:46 PM

المشاركة الأصلية كتبت بواسطة mailo

لأ متخافس مابزعلش
وبلنسبة للكلام لأ مش واضح إنت مقلتش أي حاجة مفيدة للراجل ولا حتى مقارنة ولا إيه العيوب في اللانوس ولا حتى مميزات اللوجان

يبقى فين الرد
إيه الفايدة اللي عادت على المجتمع من الرد ده. مفهمناش إنت جبت وبعت ليه ؟! عشان عيوب عربية ولا عشان مزاجك كده

مش ناقصاك هي كمان
اشرب جردل بريل كده وتعالالي بعضويتك الأصلية

ياعم إنت هاتصدق واحد جاي باول مشاركة ليه يرازينا بيها, وبعدين متقلقش فيه ناس جبانات كتير بيخافوا يتكلموا بالعضويات بتاعتهم

فيه هنا ناس كتير معانا جايبة 2011 و 2010 ومشتكوش منها
وجاري جايب 2012 واللي جالي البيت شافها واقفة تحت

صلي استخارة الاول وربنا يكرمك بيها أو بغيرها بس متسلمش دماغك لحد اللي إنت عايزها هاتها عشان ماتندمش فالاخر وعشان تبقى إنت متحمل مسئولية قرارك.

والله انت برنس وجبت من الاخر
انا عمرى مسمعت حد معاه لانوس واشتكى منها غير على المنتديان فقط :

**ahmedeg1** · 03-08-2012 12:58 PM

المشاركة الأصلية كتبت بواسطة fghahkj

والله انت برنس وجبت من الاخر
انا عمرى مسمعت حد معاه لانوس واشتكى منها غير على المنتديان فقط :

يا باشا احنا مش بنشتكى من اللانوس لكن الشيفورليه هيا اللى بنتكلم عليها بسبب ان منصور بدأ يسترخص بعض المكونات ده انا مكنتش مقتنع بيه لحد ما بدأت تحصل معايا مشاكل فى العربيه زى تغيير بكرة و شداد التكييف اكتر من مرتيين و كذلك سير الدينامو و غيير سرة عجله شمال و كل شويه ترصيص و عفشه خفت من 25000 كم ده غير كاوتش باب خلفى يمين و سماعات الابواب اللى كل صيانه اروح اعير واحده مع الصيانه لكن الدايو لانوس فعلا برقبتها
و مع كل المشاكل دى انا كنت حابيبها لحد ما ركبت اللوجان بعت العربيه فى ساعة زمن و خدت فلوسها و فى نفس اللحظه دفعتها فى لوجان 2012 من عند سمير ريان لكن مش معنى كده انها عربيه وحشه او فيه مشاكل تخلينى مشترهاش
هوا انا بتكلم عن مسالة ضمير لدى التوكيل لا أكثر