عرض للطباعة
يا جماعة حد يساعدني العربية سيينا 2002 معايا من 4 سنوات وماشية تمام لكن من اول الصيف ده و هي سخنة جدا علي طول صبح وليل روحت نضفت الرادتير وقللت دورة المياه وكشفت علي الشكمان وكمان كهربة العربية والمروحة وكله تمام روحت لغيت ترموستات الكوع مفيش فايدة واخر حاجة الميكانيكي قالي اني لازم اغير جوان وش سلندر بس انا قلقان لان ناس كتير قالتلي ان الموتور طالما اتفتح والعب فيه مش هيرجع زي الاول . ارجو الافاده اغير الجوان ده ولا اغير العربية كلها وارتاح
بيع العربية
اكبر غلط انك لغيت ترموستات الكوع
غيرها لكن ماتشلهاش عشان تحافظ ع الماتور
تاني حاجه اكشف علي طرمبه الميه
لو المروحه بتشتغل متأخر يبقى منها و ترموستات الكوعه بايظ غيره ماتلغيهوش
يعني لو المروحة بتشتفل متأخر يبقى العيب طرمبة مية ؟اقتباس:
المشاركة الأصلية كتبت بواسطة saadelden
طب اية الميكانيزم بتاع العملية؟
في صباع للحرارة ,,,, مره باظ عندي لما بدور العربية مؤشر الحرارة يعلى على طول ,,,,,,,, و كان هوا المشكلة ,,,, هوا شكل الصباع و بيبقى في سلوك و بيركب جنب ثرموستات الكوعة
عشان الطرمبه لو ضعيفه الميه مابترجعش الرادياتيراقتباس:
المشاركة الأصلية كتبت بواسطة donyo
ف تفضل الميه بارده ف الرادياتير و المروحه ماتشتغلش ف الماتور يسخن
ترموستات الكوعه فايدتها انها بتحفظ درجه حراره الماتور , لاتزيد ولا تقل
لو زادت او قلت يبقى الترموستات باظ و يتغير مش يتلغي
ليه بقى ؟
لان الماتور دا معدن , و ثبات درجه الحراره يعني معدل تمدد ثابت
لكن لو درجه حراره متغيره يبقى المعدن هايتمدد مع الحراره و ينكمش مع البروده
ف بيسرع من تأكل الماتور و يخليه يفتح بقه بدري
خالص شكرياقتباس:
المشاركة الأصلية كتبت بواسطة saadelden