الموضوع: سؤالين كدا فى السريع ..

المشاركة الأصلية كتبت بواسطة matrix_87

أنا كنت عامل المشاركة دى فى موضوع ..ســـــؤال وجـــــواب ...!
بس تقريبا مفيش حد بيدخل هناك..

المهم السؤالين..

1. عندى الفرامل كل ما اقف فى اشارة زحمة مثلا بضطر كل شوية ادوس فرامل واشيل رجلى وهكذا..
ألاقى صوت كدا صعب شوية كل ما ارفع رجلى زى (تررررررررررررررررر)
ولما ادوس جامد الصوت دا يختفى ولما اشيل رجلى يرجع تانى لكن لو ماشى بسرعة وفرملت فجأة مش بيظهر خالص
رغم انى لسه مغير التيل قريب..


2. عندى صوت كدا زى رجة خفيفة لما بكون ماشى بسرعة خاصة على سفر تقريبا جاى من العجلة اللى ورا
فا ياترى دا من البلية بتاعة العجلة ولا ايه بالظبط
ولو البلية السبب أجيب واحدة جديدة منين ؟

وشكراااااااااااااااااا

يا باشا نعتزر عن الخطأ اللى حصل ده

اولا بلنسبه للفرامل هتروح تاخدلها هوا للاربع عجلات و تتأكد ان السرفو بتاع الفرامل بتاعك كويس

يعنى خد هوا الاول و اطلع جرب الصوت منع يبقى تمام ممنعش يبقى السرفو بتاعك وحش

ثانيا بلنسبه للبليه

لازم تتأكد الاول انها بليه عجل

هترفع العربيه من ورا و تهز كل عجله لجوه و لبره

لو لقيتها ثابته يبقى مش بليه

و لو لقيتها بتتحرك يبقى البليه بايظه

هتجيبها منين لما تتأكد الاول و تقول موديل العربيه بتاعك

تحياتى

^_^

المشاركة الأصلية كتبت بواسطة matrix_87

عادى ياباشا ولا يهمك بس ياريت متكررهاش تانى



معلش ياباشا اعذرنى على جهلى.. بس ايه السرفو دا

السرفو ده اللى بيتركب فيه الماستر بتاع الفرامل

افتح كبوت العربيه و دور على خزنه الباكم بتاعت الفرامل هتلاقيها متثبته على ماستر

و هتلاقى ورا الماستر ده بتاعه كبيره كده مدوره هو ده السرفو

انا فعلا جربت الف العجل ولقيت صوت بيجى مع العجلة اللى ورا شمال

بتلف العجل حاجه

و تحرك العجله جوه و بره حاجه تانيه (و دى لازم تحصل علشان تعرف البليه بايظه ولا لاء )

+ انك لو بتلف العجل و بتسمع صوت حشرجه من الصره يبقى كده البليه فركت مكانها و مش هينفع تمشى بيها




ونوع العربية civic 94 ex



ومتشكر جدا ياباشا على زوقك وسرعة الرد:s_thum1[1]:

العفو يا باشا و تحت امرك فى اى وقت
^_^

المشاركة الأصلية كتبت بواسطة matrix_87

أحمد باشا انا رحت للعفشجى وقالى العيب من البلية فعلا اللى فى العجلة اللى ورا شمال
وقالى لازم اجيب بلية نفس المقاس
او يستحسن اغير السرة كلها

ياترى ممكن اجيب البلية دى منين او السرة كلها..عشان كل ما اروح لحد يقولى هات القديمة عشان اجيبلك نفس المقاس !!

هتروح للميكانيكى بتاعك يفك السره

و يطلعلك البليه لوحدها علشان لازم القديمه

و تروح شارع شمبليون هناك ملوك البللى و فى انواع كتير اوى و اصلى اى محل بتاع بللى فى شامبليون

و فى بقا حاجه اظرف من دى شركه البطل بتاعت واحده اسمه جوزيف

ده رقمه اهو 01007101060 او 01060700000 او 26971355

جوزيف ده بقا بيعمل حركه ظريفه اوى

بتمليه الرقم اللى على البليه و هو بيجيبلك زيها لحد باب البيت

بس لو قالك لازم البليه قوله انا همليك الرقم و توصفهاله

و هو هيبعتهالك على العنوان و مكانه اصلا فى الحرفيين

1 ش يوسف صبرى ( شارع المرسيدس ) من شارع جمال عبد الناصر - الحرفيين

بس المهم انها تبقى زى بتاعتك و تبقى نفس المقاس

انا لسه عامل حوار البللى ده من يومين

و بعد كده هترجع للميكانيكى تاخد السره و تروح تكبسها هى و البلى الجديد

و شكرا على كده

يستحسن تكشف على البليه التانيه

علشان لو نص نص يبقى بلمره تغيرها

تحياتى

^_^