اللهم بلغت اللهم فاشهد

**Astra Lovers** · 26-07-2012 11:41 AM

من اكثر من اسبوعين مضت تم تغيير زيت العربيه من شلل نصف تخليقي اوروبي إلي الزيت الجبار فالفولين وبعد ما قطعت مسافه لا تزيد عن ال ١٢٠٠ كم مع العلم بان النوع الجديد اي الفالفولين نصف تخليقي ايضا لوحظ الاتي امبير الحراره فتغيير مستمر اي غير متوافق مع طبيعه السياره مع الزيت السالف مع التكييف الحراره تزداد فالارتفاع وتم اختبار السياره بالكامل وليس بها اي عيب سوي تغير الزيت. صوت الموتور مرتفع وبشكل ملحوظ. وعند السير مسافات طويله وعلي سرعه لا تتعدي ال ١٢٠ كم فالساعه يظهر صوت الكوستبانات معلنا وجوده وبشده. بعد تغيير الزيت لوحظ تغير شديد فحركة الموتور فوضع السلانسيه

اختفت كل هذه الاعراض بعد تغيير الزيت لشلل وعادت الحياه افضل كما كانت وربنا يستر ميكن فالفولين بوظلي الموتور
سيتم مقاضاة الشركه بالطرق المشروعه وبعد اختبار فاقد الزيت وزيت العبوبه وسترفع باذن الله دعوه قضائيه علي وكيل المنتج لمعرفه ما ان كان الزيت مغشوش ام انها نصبه من الاساس

اللهم بلغت وارجوا ان نحتاط جميعا من الانسياق وراء الاعلانات التي قد تاتي بنتائج عكسيه
والله الزيت دا زي الزفت ولايمكن اصدق اي حد يقولي انه زيت اصلا
العربيه موتورها زي الفل واستخدامها راق جدا ولو ان هناك شك بان السسب هو الموتور لما نشرت هذا الموضوع وتاكدت بنفسي من ان هذا المنتج القذر بالفعل لا يساوي ولا ينمكن ان يقارن حتي بموبل

فحذاري من استخدام هذا المنتج

**MohammedAladel** · 26-07-2012 12:56 PM

تجربة شخصية مينفعش تعميمها

**ahmedeihab** · 26-07-2012 01:38 PM

متــــــــابع

^_^

**Karim Ibiza** · 26-07-2012 01:44 PM

دى تانى شكوى اسمعها عن الزيت ده

**Astra Lovers** · 26-07-2012 02:16 PM

مفيش حاجه اسمها تجربه شخصيه الموضوع حصل مع ناس كتير تفتكر حاله شخصيه برده

**akmm** · 26-07-2012 02:19 PM

ايه الحكايه وانا اعرف ان الإعلان عن الزيت ده كان موجود على صفحه المنتدى والوكيل المصرى للزيت ده عارف تماما اهميه المنتدى وكثافه التردد من الأعضاء المحترمين وإلا ماكنش اعلن عن منتجه وتركه فعال لمده شهور طويله --- وبكده لازم يرد على المشكله دى لآهميتها ولآنها ايضا تمس سمعه المنتج الخاص به وان لم يرد الوكيل يكون فيه كلام تانى وتعتبر مش تجربه فرديه .... وايضا القائمين على المنتدى من الأهميه ولازم من التواصل مع الوكيل لإيضاح المشكله وخاصه ان المنتج اعلن عنه بالمنتدى لفتره طويله والمنتدى مسؤل ادبيا عن حمايه اعضائه من زييف اوفساد او حتى عدم صحه منتج ما؟ تم الإعلان عنه بالمنتدى اللذى نعتز به وكل عام واتم بخيير ورمضان كريم .

**Astra Lovers** · 26-07-2012 02:46 PM

كلامك زي الفل وصح ١٠٠ فال١٠٠ المشكله ان الوكيل مش هيرد ،لا هتفرق معاه حاجه حتي لو تدخل السيد كريم منير بصفته مالك المنتدي الفكره كلها انه بيسوق منتج من السهل التلاعب فيه ودا هيبان بالتحليل وممكن كمان تعبئته بشكل او باخر باي نوع من انواع الزيوت الرخيصه والله اعلم انما تكون في شكوي مستمره والله اكترمن تجربه لاكتر مش شخص والنتيجه زي ما حصل معايا بالظبط المهم اننا نبطل نمشي ورا الدعايع السخيفه المغرضه لان كل الهدف منها المكسب السريع عن طريق الغش

**tananybasha** · 26-07-2012 11:34 PM

دى تانى شكوى توصلنى من الزيت ده
الأولى كانت فى بى ام 320 اى 2007 بتاعت واحد زميل زميلنا
و كان جايب الزيت من فرع مدينة نصر
اللى انا معتقده انه مش ده الوكيل
الوكيل بيجى لغاية عندك
و كان اسمه ماكس لايف تقريباً
نفس المشكله بلا ادنى تغيير
و معتقدشى انها مشكله خاصه
دى بقت عامه