السيراتو كانت هتتسرق

**islam_mohamed** · 26-07-2012 07:06 PM

المشاركة الأصلية كتبت بواسطة yasserelsayad

لا مش موضوع عايزها تتاخد
بس منطقيا ان لما حرامى زى دا يدخل عربية ويدورها مش هيقف قدامه كلابش يعنى
وحتى لو سمع حد معدى هو الراجل لا سمح الله بيسرق دا معاه مفتاح وكله تمام ولا كاسر ازاز ولا حاجة

والله يا استاذ ياسر هو ده الي حصل يمكن مكنش مستعد او كان ناوي يفوره سمع رجل و لا حاجه وفوق كل ده ربك بييسلم

المشاركة الأصلية كتبت بواسطة land_cruiser

هو بس اللى محيرنى لو كان حرامى معاه مفتاح ايه اللى هيخليه يضيع وقته و يفتح الزجاج؟ و بعدين لو سمع صوت حد جاى و خاف هيجرى مش هيقعد يغطيها . انا شاكك ان حضرتك تكون نسيت الزجاج مفتوح و خاصه ان مفيش وحدات رفع. حضرتك ركب وحدات رفع و ممكن للاحتياط تغير الكوالين و تركب مفتاح فصل و كلابش للعجل

ده مش موضوع زجاج مفتوح ده مقفول على الغطا يعني طرف الغطا الي تحت متعلق فوق في الزجاج و مقفول عليه.... ازاي انا هقفل على الغطا من من بره و انا معنديش وحدات رفع

وغير كل الي شفته التوكيل وراني ان في 3 مفاتيح ريموت متعرفين على العربيه و هيه بتنزل من كوريا باتنين بس

**el3osemy** · 26-07-2012 07:34 PM

المشاركة الأصلية كتبت بواسطة islam_mohamed

العربيه ممكن تقبل اربع مفاتيح بس بتنزل باتنين بس
و انا شفت بنفسي ان السوفتوير بتاع العربيه عليه 3 مفاتيح فعلا
و الغطا متحشرش ده الشباك مقفول عليه فعلا
و هعمل ايه بالمحضر و هقولهم ايه كانت هتتسرق و ربنا ستر هيقولي احمد ربنا

هتعمل محضر عادى تقول فيه اللى انت قلته ده ودى شروع فى سرقه كامله جريمه يعنى والمحضر هيتحفظ مجهول علشان انت مش بتتهم حد بس هو ليه لزمه لو عرفت مين الحرامى هتروح تزود اقوال فى المحضر تقول على المتهم وساعتها المحضر هيطلع من الحفظ ويتحددله جلسه والمتهم يتحاسب بس انت تبقى عملت محضر واثبت حسن نيتك وعلشان تاريخ ما حصل الموضوع ده متجيش لما تعرف الحرامى تعمل المحضر بعدها بكذا شهر علشان تبان حسن نيتك وميبقاش فيه كيديه يبقى الموضوع منطقى يعنى وربنا يعينك والحمد لله على كل شئ

**tarek_rcc** · 26-07-2012 09:30 PM

المشاركة الأصلية كتبت بواسطة moha4tec

لا مش شرط
بس احتمال
ممكن انه جاب رقم الشاسيه من العربيه و هى ركنه من الزجاج الخلفى الشمال او من زجاج البربريز او من ورا المرايه فى النصف .
و دخل على موقع على النت و جاب تشفير المفتاح و عمل نسخه ,
لحد كده و عادى جدا .
اللى مش عادى خالص .ان العربيه تقبل 3 مفاتيح مشفره اصلا ..........
لانها مبتقبلش غير 2 فقط لا غير .
يبقى ازاى العربيه قبلت 3
.

معلش يا ابو مصطفى انا عارف بس الرقم اللى على البربريز ....
اية موضوع الرقم اللى على الزجاج الخلفى الشمال ....او ورا مراية النصف دى....
ولو فيه صور الله يجزاك خير

**bishoo33** · 26-07-2012 10:59 PM

الحمد لله ان ربنا ستر
أنا شايف انك انت تحطها فى جراج

**د.هشام** · 27-07-2012 12:54 AM

المشاركة الأصلية كتبت بواسطة islam_mohamed

ا
العربيه متعرف عليها 3 مفاتيح ريموت سنتر و هيه نازله باتنين بس يعني في حد دخل كميوتر العربيه و عمل اضافه لمفتاح جديد و المفتاح ده معا

لازم يكون فيه تفسير منطقي للكلام ده. هل ممكن يكون فيه حرمية دلوقتي بيسرقوا العربيات بتكنولوجية متقدمة؟

**islam_mohamed** · 27-07-2012 02:51 AM

المشاركة الأصلية كتبت بواسطة bishoo33

الحمد لله ان ربنا ستر
أنا شايف انك انت تحطها فى جراج

ان شاء الله
بس انت ايه رايك في الي حصل ؟؟؟

**Land_Cruiser** · 27-07-2012 03:05 AM

المشاركة الأصلية كتبت بواسطة د.هشام

لازم يكون فيه تفسير منطقي للكلام ده. هل ممكن يكون فيه حرمية دلوقتي بيسرقوا العربيات بتكنولوجية متقدمة؟

انا لا استبعد ان يكون فى حراميه عربيات من دول تانيه زى اوروبا الشرقيه او امريكا اللاتينيه و جم مصر يسرقوا مستغلين حاله الانفلات الامنى و كمان انتشار الانترنت مع الاسف بيسهل الحصول على المعلومات دى حتى للحراميه المحليين و لذلك يجب زياده الحرص و تأمين السياره بعده وسائل زى تغيير جهاز الانذار بنوع تانى غير اللى بتنزل به و عمل مفتاح الفصل و كلابش العجل بحيث تصعب محاوله سرقه العربيه

**AHMED1718** · 27-07-2012 04:51 AM

معلش بس هوا اشمعنا المواضيع دى بتبقا من اعضاء جداد؟؟

عمتن انا محتاج حضرتك تقولى اسم المهندس اللى عملك الحوار ده ف التوكيل ؟وده كان في فرع ايه العامرية ؟

وياسيدى لو اعزرنى لو كلامى فيه تشكيك لحضرتك بس لازم تعزرنا

**AHMED1718** · 27-07-2012 06:00 AM

المشاركة الأصلية كتبت بواسطة islam_mohamed

والله العظيم الموضوع ده حقيقي
و انا مش هستفاد حاجه اني اخترع قصه وهميه
و المهندس كان في توكيل سموحه هو شريف العطار كان محترم جدا و شرحلي ايه الي حصل في العربيه وكان متعاون لاقصى درجه

ان شاء الله تكون صادق وانا ان شاء الله يوم الاحد هتأكد من الكلام ده

الموضوع: السيراتو كانت هتتسرق

LinkBack

أدوات الموضوع

عرض

-

-

-

-

المواضيع المتشابهه

الماروتى كانت هتتسرق :(

عربيتي كانت هتتسرق

الحمد لله العربيه كانت هتتسرق وربنا ستر

العربية كانت هتتسرق في عز الظهر

عربيتي كانت هتتسرق

الكلمات الدلالية لهذا الموضوع

المفضلات

المفضلات

ضوابط المشاركة