الموضوع: ارقام تليفونات ميكانيكية وموردى قطع غيار

الحمد لله جربت هشام اللى فى الضاهر فى صيانة العربية اللى فاتت و دى كانت اول مرة اجرب حد برة التوكيل بعد تجربتى المريرة مع عايد (وحش جدا عايد ده)

المهندس هشام راجل عنده ضمير و مش حرامى و فاهم فى العربية و عندو قطع غيار استيراد و دى ميزة, انا الحمد لله سعيد بالتعامل مع الناس دى و فرق الفلوس مابينو و بين التوكيل فرق السما من الارض

السؤال هنا بما انى انا و العربية شباب توتى فروتى من بتوع التوكيل و من اللى بيكعو كتير انا مش متأكد ايه اللى المفروض اعملو فى كل صيانة دورية عند هشام , و مشكلة هشام انو مش هيعمل صيانة زى التوكيل لازم انت تقولو اعمل كذا و كذا و كذا

انا هقول على اللى عملتو المرة اللى فاتت و يا ريت لو تقولولى لو فى حاجة ناقصة:

1. غيرت زيت و فلتر زيت فى البنزينة
2. ربط عاقشة العربية
3. رجلشت الفرامل العادية و فرامل اليد
4. فك الكاوتش و شيك على التيل و نضف مكانو قدام و ورا
5. نضفت الانجكشن
6. نضفت فلتر الهواء
7. نضفت فلتر التكييف
8. عايز اغير فلتر البنزين بس لسه هروح اشترية من شارع دمشق ان شاء الله

بس كده , يا ريت بقى تقولولى ناقص اية مع العلم ان العربية عاملة 110 الف كم موديل 2007