New honda system technology

**SAMEH_FOUAD** · 26-07-2012 09:26 PM

اعلنت شركة هوندا عن نزول نظام جديد فى فئتها يسمى ب HONDA Lane Departure Warning System او نظام تحديد الطريق و اضافة لة تنبية العوائق الموجودة فى الطريق وذلك عن طريق كاميرا مثبتة فى اعلى منتصف الزجاج الامامى ويتم التحذير سمعيا وبصريا عن طريق شاشة البيانات الموجود فى منتصف ال DASHBOARD

وطبعا هذا النظام يتم تفعيلة او اطفاءة على حسب الرغبة , وهيو يقوم على اكتشاف العوائق وتحريك السيارة للابتعاد عن العائق

2013 Honda Accord Lane Departure Warning System - YouTube

وهذا النظام سيكون موجود فى كل سيارات هوندا من موديلات 2013 واول ظهور لية سيكون فى الهوندا اكورد الكوبية والسيدان الجديدة

ودة فيديو عن الساحرة HONDA ACCORD 2013 COUPE

http://www.youtube.com/watch?feature...&v=urMRSNUa-V4

**SAMEH_FOUAD** · 26-07-2012 10:45 PM

المشاركة الأصلية كتبت بواسطة ahmed metwaly

اظن الجهاز دا لو نزل مصر هيفضل شغال مش هيسكت

ههههههههههه , هيلاقى بدل الانظار اللى بيشتغل هيلاقى النظام بيقولة ارحم اهلى انا صوتى اتنبح من كتر التصفير

**shaddadfalcon1** · 27-07-2012 12:17 AM

اسم النظام بيتهيالي مش زي ماحضرتك ذكرت لكن ده بينبهك لو طلعت بره الحاره بتاعتك وده حاجه قديمه عاملاها انفينتي ووادي وبي ام ومرسيدس من زمان وفي كمان لو حبيت تنقل من حاره لحاره من غير ماتدي اشاره العربيه ترجعك تاني
طبعا غير كاميرا الرؤيا الليليه واللي بتقدر ترصد اشارات السرعات وتبهك لو انت عديت السرعه المقرره وتقدر تتعرف علي الأشياء او الأشخاص الموجودين علي جانب الطريق وتقيس المسافه بينك وبين العربيات اللي حواليك وتوقف لوحدها لو انت مفرملتش وكنت داخل علي حاجه قدامك

**SAMEH_FOUAD** · 27-07-2012 12:31 AM

المشاركة الأصلية كتبت بواسطة shaddadfalcon1

اسم النظام بيتهيالي مش زي ماحضرتك ذكرت لكن ده بينبهك لو طلعت بره الحاره بتاعتك وده حاجه قديمه عاملاها انفينتي ووادي وبي ام ومرسيدس من زمان وفي كمان لو حبيت تنقل من حاره لحاره من غير ماتدي اشاره العربيه ترجعك تاني
طبعا غير كاميرا الرؤيا الليليه واللي بتقدر ترصد اشارات السرعات وتبهك لو انت عديت السرعه المقرره وتقدر تتعرف علي الأشياء او الأشخاص الموجودين علي جانب الطريق وتقيس المسافه بينك وبين العربيات اللي حواليك وتوقف لوحدها لو انت مفرملتش وكنت داخل علي حاجه قدامك

حضرتك دة كمان من خصائص النظام وهو فعلا بيحافظ سير المركبة فى خط مستقيم بس اللى جديد بقى اللى هو تفادى العوائق ,

والنظام التانى دة اصلا موجود فى الاكورد اللى هو دة ودة طبعا احنا عارفين انة نازل من الاول فى السيارات الالمانية الفاخرة

http://www.youtube.com/watch?v=r_3UrVZ9LH4

**khalid_adel** · 27-07-2012 12:50 AM

معلش عشان مش فاهم
ايه التكنولوجي الجديده الخاصة بهوندا في الموضوع لاني لحد دلوقتي مش شايف حاجه جديده اول مره يعني ؟

**SAMEH_FOUAD** · 27-07-2012 03:00 AM

المشاركة الأصلية كتبت بواسطة khalid_adel

معلش عشان مش فاهم
ايه التكنولوجي الجديده الخاصة بهوندا في الموضوع لاني لحد دلوقتي مش شايف حاجه جديده اول مره يعني ؟

هو مش الجديد انة يظبط السيارة على الحارة اللى انت ماشى فيها وهو بيدعم دة عادى وطبعا احنا عارفين ان النظام دة زى مانا قولت قبل كدة فوق موجود فى السيارات الالمانية ومعظم الاوروبية

لكن الزيادة اللى اتعملت انة بيشوف العوائق وبينبهك وبيبعد عنها