الموضوع: مشكله في البويه -اوبترا برجاء المساعده

لما استلمت عربيتي من المعرض العيال اللي هناك غسلوها بمزيل الشمع (بيجي مع العربيه) علشان يشيل طبقه الشمع اللي جايه بيها وده بيحصل في كل الأوبترا والأفيو ...جه حظي انا بقه انهم مشلوش كل طبقه الشمع وانا استلمتها ومخدتش بالي سعتها لكن بعد كده لقيت فيها اجزاء لسه عليها الطبقه دي فطبعا شكلها ينرفز جدا ...المهم كلمت المعرض قمه الأستهبال دي مخلاص باعوا العربيه ملهمش دعوه ..اخدتها بنزينه وغسلتها بالجاز زي ما احد الأخوه نصحني وغسلتها بالصابون مرتين بعد كده وبمدفع العربيه بعد كده ونشفنا ولا الهوا ولا حته واحده طلعت لدرجه اني شكيت ان ده يكون عيب في البوهيه نفسها ...طلعت البنزينه اللي في الطيران جنب توكيل منصور (ودخلت التوكيل برده اطلب علبه مزيل تانيه للعربيه قالوا لي كل عربيه بيجي معاها علبه واحده بس لكن طبعا ده كلام فارغ اكيد عندهم علب اضافيه)
وشرحت الموضوع لبتوع الصيانه دلوني علي واحد اسمه احمد بوليش عندهم وقابلته وشاف العربيه قال لي هعملها لك بوليش بالكامل يشيل كل ده وهتتكلف 80 جنيه...انا قلقان الصراحه معقول عربيه زيرو اعملها بوليش من الأول كده ؟؟؟
تفتكروا اروح اعملها ولا استني في ميعاد الصيانه بتاعتي اروح اوتوماستر واشرح لهم المشكله هناك يمكن يكون عندهم حل احسن علي اساس انهم وكيل معتمد ...

خليك فى التوكيل وبلاش تعمل حاجة برة وهما هناك هايعملوها ان شاء الله