128 موديل ٩٠ فابريكة ب ١٠٥٠٠ !!!!!

**Ahmadhamza84** · 27-07-2012 04:54 AM

السلام عليكم
أثناء بحثي عن سيارة بسعر زهيد ...وعلى أحد أشهر مواقع بيع السيارات ...لقيت دي !!!! هل هذا طبيعي ...!!!!! أنا مش عاوز أقول اسم الموقع لحسن يكون فيه مخالفة لقوانين المنتدى أرجو الرد السريع علشان أنفذ بمشيئة الله ....لو واحد قال لي.... ياعم خد ميكانيكي وعاين ...هقول أنا مش حاطط الموضوع عشان كدة ...اللقط في الموقع ده كتير بشكل مريب ....يعني سوبر فيورا فابريكة رقم كارتيرة مو ٨٧ ب ١٢٥٠٠ !!!!!! هل دي أسعار طبيعية ؟!!!! أكيد مش هاخد ميكانيكي كل يوم وأقعد ألف على الناس :))))) أفيدونا أفادكم الله

**sif.elislam** · 27-07-2012 03:08 PM

ومين قال انها لقطة

دا الرينج بتاعها

**prisoner** · 27-07-2012 03:11 PM

المشاركة الأصلية كتبت بواسطة sif.elislam

ومين قال انها لقطة

دا الرينج بتاعها

للاسف عربية زي دي لوحالتها كويسة بجد بيطلب فيها 16 الف مش عارف ليه مع انها عربية محترمة بس مش فقكده ربنا يرحمنا

**i_Am_Legend** · 27-07-2012 04:52 PM

سوق العربيات واااااااقع اليومين دول...ومافيش بيع ولا شرااا...

**Ahmadhamza84** · 27-07-2012 05:18 PM

يعني الكلام منطقي ؟!!! آخد ميكانيكي وأروح أعاين ولو لقيتها كويسة أشيل ؟!!!
ولا ممكن يكون في الأمور أمور ... دلوني يا جدعان

**amrelsaqqa** · 27-07-2012 05:27 PM

سيبك من حالة السوق

انا مش عارف احدد حالة السوق ايه بالنسبة للى بيقول الاسعار واقعة ، اه مفيش بيع ولا شرا بس الناس بتستهبل
خش موقع كونتاكت وشوف الهبل لما الفيرنا واللانوس يوصلوا 55 الف ... وموديلات مش عالية ...

الله اعلم الموضوع بيخلص على ايه ، بس اللى عنده عربية دلوقتى بيطلب فيها اسعار غريبة مع انه ممكن يخلص بأقل من كدة بكتير ..

ف الاعلان اللى انت شفته ، كونه يطلب 10 ونص بس في الموديل ده يبقى في حاجة

بيطلب 17 و 16 وفي الاخر البيعة بتخلص على 11 12 ماشى
انما يطلب من الاول 10 ونص في الموديل ده يبقى اكيد هتلاقى حاجة سواء قبل الكشف او بعد الكشف

روح شوفها لوحدك الاول ولو استريحت ليها اكشف عليها ، انما ما تاخدش ميكانيكى وسمكرى من الاول عشان كدة مش هتخلص ، وممكن بعد ما تاخدهم تلاقى العربية اصلا مش عاجباك انت او يبانلك انت عيوبها بكل سهولة ..

وخلى بالك الاهم من حالة العربية تتأكد من ورقها كويس

**Ahmadhamza84** · 27-07-2012 06:03 PM

معلش ياباشا ...يعني ايه أتأكد من ورقها ؟!!!!

**ahmdmagdy** · 27-07-2012 07:16 PM

المشاركة الأصلية كتبت بواسطة ahmadhamza84

معلش ياباشا ...يعني ايه أتأكد من ورقها ؟!!!!

يعني يبقي معا رخصه العربيه و تكون ساريه و لو الرخصه مش بأسمه بيكون معاه توكيل و طبعا لو نويت تشتريها اسأل عنها قبل ما تدفع مليم فيها في المرور التابع ليها

**amrelsaqqa** · 28-07-2012 02:03 AM

زي ما قال احمد مجدي ، لانك ممكن تشترى عربية مسروقة

وخلى بالك لو فيها توكيلات لازم تسلسل التوكيلات يبقى مظبوط
يعنى الاسم اللى في الرخصة عامل توكيل للاسم اللى في التوكيل الاول
والاسم اللى في التوكيل الاول عامل للى في التوكيل التانى وهكذا .. ولازم تكون التوكيلات بالبيع للنفس والغير

وطبعا يستحسن تبقى العربية بدون توكيلات

وتاخد التوكيلات وتروح بيهم الشهر االعقارى وتاخد عليهم صحة وسريان ، لان دلوقتى ممكن واحد يجيلك بتوكيل مضروب

المهم بعد ما تتأكد من كل حاجة تاخد العربية بعقد مسجل عشان تشترى دماغك وابعد عن حوار التوكيل يعنى ما تشتريش انت بتوكيل ، خلص العربية من كل توكيلاتها وانقلها باسمك وانقل ملكية في المرور ولو كان فيها رخصة مش مهم تضيع المدة وترخص من جديد بس تبقى العربية بقت بتاعتك ، وطبعا تاخد شهادة مخالفات حديثة من صاحب العربية عشان ما تلبسش انت مخالفاتها

**misoalex** · 28-07-2012 06:50 AM

شكله الموقع اللى فى دماغى ومتصدقهوش ده كدب فى كدب
كانو عارضين فيرنا ب 32 لف واتصلت قاللى اتباعت
عربيتى كنت عارضها على نفس الموقع ده وفوجئت بعد ما مسحت الاعلان ان فيه حد حط الاعلان تانى وحط رقم تليفونى !!!!! والناس فضلت تتصل بيا وبعتت اكتر من رساله لاداره الموقع
ونفس الموضوع ده اتكرر مع ناس تانيه تلاقى عربيه سعرها لقطه تتصل بصاحبها يقولك اتباعت من 6 شهور تقوله ازاى ياعم ده تاريخ الاعلان انهارده تلاقى صاحب العربيه استغرب

الموقع ده تقريبا اصحابه هما اللى بيعملو كده عشان يجرو رجل اكبر عدد من الزوار ويحسسوهم ان عندهم عربيا لقطه
وهو موقع زباله 80 % من العربيات المعروضه وهميه

الموضوع: 128 موديل ٩٠ فابريكة ب ١٠٥٠٠ !!!!!

LinkBack

أدوات الموضوع

عرض

-

-

-

-

المواضيع المتشابهه

رينو 9 موديل 85 مانيوال فابريكة دواخل

كيا سيفيا موديل 2000 فابريكة بالكامل

عااااااااجل : فيات 131 موديل 76 فابريكة دواخل

بونتو موديل 2002 فابريكة تعمل كام

خروف فابريكة موديل 2008

الكلمات الدلالية لهذا الموضوع

المفضلات

المفضلات

ضوابط المشاركة