فيات سينا لما بتسخن بتتخنق فى السحب

الى جميع اعضاء المنتدى الموقر تحية طيبة و بعد....,,,
سيارتى سينا 1600 موديل 2001 العربية الحمد لله بعد التدوير بتمشى كويس و لما بضغط دواسة البنزين بتستجيب و تسحب كويس ، لكن بعد حوالى ربع ساعة و هى ماشية تبدا سرعة الاستجابة مع الظغط على دواسة البنزين تقل جدا (بتتخنق ) و لو ضغطت جامد على الدواسة تبدا تنتش و تستجيب واحدة و احدة ببطء.
المهم انى غيرت فلتر الهواء و كمان حساس الشكمان بس للاسف ما زالت المشكلة مستمرة
و كان تحليلى للمشكلة انه بيحصل نقص فى الهواء او الوقود الى داخل دورة الحريق. برجاء المساعدة ممن له خبرة او تعرض لنفس المشكلة و لكم جزيل الشكر.

لازم تحط العربيه على جهاز كشف الاعطال وهو حيقولك المشكله فين عشان متتعبش نفسك كتير

...
..........
لو مغير سير كتينه قريب ,,, شك في التقسيمة

...

شوف طرمبة البنزين ممكن تكون السبب

اقتباس:

---

المشاركة الأصلية كتبت بواسطة komostrano

الى جميع اعضاء المنتدى الموقر تحية طيبة و بعد....,,,
سيارتى سينا 1600 موديل 2001 العربية الحمد لله بعد التدوير بتمشى كويس و لما بضغط دواسة البنزين بتستجيب و تسحب كويس ، لكن بعد حوالى ربع ساعة و هى ماشية تبدا سرعة الاستجابة مع الظغط على دواسة البنزين تقل جدا (بتتخنق ) و لو ضغطت جامد على الدواسة تبدا تنتش و تستجيب واحدة و احدة ببطء.
المهم انى غيرت فلتر الهواء و كمان حساس الشكمان بس للاسف ما زالت المشكلة مستمرة
و كان تحليلى للمشكلة انه بيحصل نقص فى الهواء او الوقود الى داخل دورة الحريق. برجاء المساعدة ممن له خبرة او تعرض لنفس المشكلة و لكم جزيل الشكر.

---

انا عندي نفس المشكلة بالظبط.....سمعت ان العيب دة محتاج تغيير كونترول العربية.....ودة غالي جدا وتركيبةحساس جدا....يا ريت يا ريت لو لقيت الحل تقوله وانشاء الله يطلع حاجة بسيطة

ان آسف على التاخير جدا
و شكرا لرايكم الى ان شاء الله هو كلام كله بيقربنا من منطقة الخلل ‘ اولا العيب ده بيظهر بعد فترة يعنى دى مش حاجة بايظة على طول دى بيحصل حاجة فيها فجاة.فاولا انا ناوى زى ما Misoalex قال حا حطها على الجهاز بس لو سمحت تعرف حد فى القاهرة كويس ممكن اروحله.
-و بالنسبة لرد ENG.Ghazalyانا بالفعل مغير سير كاتينة قريب وعلى فكرة انا اللى بغيره دايما و متاكد من ضبطه على علامات المصنع بتاعته .و لو فرضنا ان فى سنة فى تروس الكامات قدام او وره سنه هلى ممكن بعد ما تسخن العربية تتخنق كده.
-بالنسبة لى Mohamed صراحة انا ميال لرايك جامد لان العربية انجيكشن بتعتمد على ضغط الوقود فى دورة الحقن فاذ كانت طرمبة البنزين بعد فترة بيقا ضغطها لخلل بها ده هيقلل الضغط و تبقى كمية البنزيناللى داخله غرفة الحريق اقل من الازم و بالتالى سرعة التعجيل بتاعة العربية تقل.
-الزميل menamalak استبع ان ه يكون الكنترول لانه دائرة الكترونية يا يظهر العطل من بداية التشغيل متهيالى مش بعد فترة خاصة ان العلربية بتمشى كويس و تسحب فى البداية.

طيب ما تشوف الموبينة .. ممكن تكون لما بتسخن بتطلع كهربا أقل .. فيقلل الحرق.

انا حصلتلى قبل كده الخنفه دى و بتبقى بعد السخونه و الجو الحر لأن الطرمبه بتسخن فادائها بيقل .... قعدت شويه كده و بعدين قطعت خالص (بعد كذا شهر)
الجهاز هيبينها بس خلى بالك ان العربيه تكون سخنه يعنى تسيبها دايره فى الشس شويه قبل ما تحطها على الجهاز

شكرا ل karim و mohamed ان شاء الله انا هغير طرمبة البنزين و اقول لكم النتيجة .لانى صرحة مقتنع انها الطرمبة.

انا كمان عندي الموضوع دا في السيينا ال 1600
ياريت اعرف الحل للموضوع دا

احتمال جامد تكون العربية سخنة وفيه هوا في دورة المياة


نصيحة شيك علي دورة التبريد وخد هوا كويس جدا قبل ما المشكلة تتفاقم

حصلتلي قبل كده ولما حطيتها عالجهاز طلع حاجه اسمها knock sensor غيرته والموضوع متكررش تاني

اقتباس:

---

المشاركة الأصلية كتبت بواسطة newcastle

حصلتلي قبل كده ولما حطيتها عالجهاز طلع حاجه اسمها knock sensor غيرته والموضوع متكررش تاني

---

أنا حاسس أن دة الرأى والحل الصح

ايه ال knock snesor ده و بيعمل ايه و موجود فين؟

السادة الزملاء انا غيرت Fuel pump و بعدها العربية اتحسنت شوية بس لسه فى مشكلة ,يعنى سحبها فرق شوية للاحسن و ان شاء الله هكمل المسيرة لغاية ما اتوصل للخلل فين بالضبط.

و بالنسبة للـ knock snesor ده بيبقى راكب فى جنب البلوك بتاع الموتور و ده بيحس باداء البساتم يعنى بالتردد بتاعها و بناء عليه بيدى فولت لوحدة التحكم ECU علشان تقوم بتعديل التوقيت الخاص بالحقن من الرشاشات و توقيت خروج الشرارة المسئولة عن الحيق داخل المحرك، يعنى السينسور ده هو الى بيحس بعدم انتظام اداء المحرك من خلال احساسه بحركة البساتم و يعطى الاشارة لوحدة التحكم علشان تضبط الموتور.
و عندى فى عربيتى لما بتمشى شوية و تسخن بتتخنق و تنتش لو ضغطت دواسة البنزين اكيد لان السينسور ده مش بيحس ان الموتور مبرجل لانه عطلان كلام منطقى جدا. ان شاء الله هشوفه و اغيره و ارد عليكم ،مفيش تعليم ببلاش .

طيب هو لوا المشكله دى حصلتلى كانت لمبة الانجكشن بتنور و مع الطرمبه فى حساس اتغير بس مش عارف مين .. الكلام ده ييجى من 8 سنين ولا حاجه !

اقتباس:

---

المشاركة الأصلية كتبت بواسطة mohamed_selim

طيب هو لوا المشكله دى حصلتلى كانت لمبة الانجكشن بتنور و مع الطرمبه فى حساس اتغير بس مش عارف مين .. الكلام ده ييجى من 8 سنين ولا حاجه !

---

هي حصلت معايا برضه كان اللمبه تنور مع برجله شديده في الموتور وسحب ضعيف جدا غيرت الموبينه ساعتها

اقتباس:

---

المشاركة الأصلية كتبت بواسطة komostrano

و بالنسبة للـ knock snesor ده بيبقى راكب فى جنب البلوك بتاع الموتور و ده بيحس باداء البساتم يعنى بالتردد بتاعها و بناء عليه بيدى فولت لوحدة التحكم ecu علشان تقوم بتعديل التوقيت الخاص بالحقن من الرشاشات و توقيت خروج الشرارة المسئولة عن الحيق داخل المحرك، يعنى السينسور ده هو الى بيحس بعدم انتظام اداء المحرك من خلال احساسه بحركة البساتم و يعطى الاشارة لوحدة التحكم علشان تضبط الموتور.
و عندى فى عربيتى لما بتمشى شوية و تسخن بتتخنق و تنتش لو ضغطت دواسة البنزين اكيد لان السينسور ده مش بيحس ان الموتور مبرجل لانه عطلان كلام منطقى جدا. ان شاء الله هشوفه و اغيره و ارد عليكم ،مفيش تعليم ببلاش .

---

هو لما حصلت معايا كان نفس الوصف بتاعك بالضبط كان مفيش استجابه للبنزين وبعد كده تنتيش وبعد كده تسحب عادي بعد 3000 لفه مثلا انما تحت كده مستحيل وكنت برضه مغير الطرمبه قبلها بس مش للسبب ده

السلام عليكم و رحمة الله و بركاته
انا عندى نفس المشكله بس انا لاحظت حاجة
لما بحك بنزين 80 الحركة دى بتقل و تقريبا بتختفى المشكلة
لما بحط 92 بلاقيها تظهر معايا
و اى خدمة و السلام عليكم

السادة الزملاء تحياتى لكم انا جبت الـknock Sensor و غيرته و الحمد لله المشكلة اتحلت و كمان استهلاك البنزين رجع تمام زى ما كان ،لان العربية مع العيب ده كانت بتستهلك بنزين كتير،
و بالفعل انا مرة حطيت بنزين 80 لقيت ان العربية ممكن تتخنق شوية فى السحب لما تسخن لكن مش بتنتش مع البنزين 80و طبعا كان السينسور ده به خلل .
و السينسور ده موجود فوق فلتر الزيت مباشرة و انا جبته من عند الكيلانى ب 240 جنيه و ركبته.
و شكر خاص للزميل newcastel. و لو فى حد محتاج اى تفاصيل يتفضل يسال .

أنا معايا باليو 1.2 و لما امشي فترة في زحمة و بعد كده السكة تفتح العربية بتموت، اللي هو ادوس على الدواسة 20% زي ما ادوس 100%
روحت كشفت لقيت مافيش أي error غير حساس الشكمان فا غيرت الO2 sensor و لسه برده نفس المشكلة بس مافيش تنتيش ولا تقطيع و الكلام ده خالص و مافيش أي لمبة بتنور ، أنا متأقلم عليه عادي يعني بس برده بيضايق ساعات... حد عنده فكرة؟

اقتباس:

---

المشاركة الأصلية كتبت بواسطة komostrano

السادة الزملاء تحياتى لكم انا جبت الـknock sensor و غيرته و الحمد لله المشكلة اتحلت و كمان استهلاك البنزين رجع تمام زى ما كان ،لان العربية مع العيب ده كانت بتستهلك بنزين كتير،
و بالفعل انا مرة حطيت بنزين 80 لقيت ان العربية ممكن تتخنق شوية فى السحب لما تسخن لكن مش بتنتش مع البنزين 80و طبعا كان السينسور ده به خلل .
و السينسور ده موجود فوق فلتر الزيت مباشرة و انا جبته من عند الكيلانى ب 240 جنيه و ركبته.
و شكر خاص للزميل newcastel. و لو فى حد محتاج اى تفاصيل يتفضل يسال .

---

الف مبروك وربنا يجعلها أخر الأحزان :)

اقتباس:

---

المشاركة الأصلية كتبت بواسطة karimalaa

أنا معايا باليو 1.2 و لما امشي فترة في زحمة و بعد كده السكة تفتح العربية بتموت، اللي هو ادوس على الدواسة 20% زي ما ادوس 100%
روحت كشفت لقيت مافيش أي error غير حساس الشكمان فا غيرت الo2 sensor و لسه برده نفس المشكلة بس مافيش تنتيش ولا تقطيع و الكلام ده خالص و مافيش أي لمبة بتنور ، أنا متأقلم عليه عادي يعني بس برده بيضايق ساعات... حد عنده فكرة؟

---

أنا كنت بفكر اغير وأجيب باليو
أنت كدة هتخلينى أبعد عنها :(

اقتباس:

---

المشاركة الأصلية كتبت بواسطة amur1010

أنا كنت بفكر اغير وأجيب باليو
أنت كدة هتخلينى أبعد عنها :(

---

فين التغير يا عم حرام عليك مهى هى السيينا

طب قول اغير واجيب جراند بونتو او جراند بونتو تيربو :)

اقتباس:

---

المشاركة الأصلية كتبت بواسطة komostrano

السادة الزملاء تحياتى لكم انا جبت الـknock sensor و غيرته و الحمد لله المشكلة اتحلت و كمان استهلاك البنزين رجع تمام زى ما كان ،لان العربية مع العيب ده كانت بتستهلك بنزين كتير،
و بالفعل انا مرة حطيت بنزين 80 لقيت ان العربية ممكن تتخنق شوية فى السحب لما تسخن لكن مش بتنتش مع البنزين 80و طبعا كان السينسور ده به خلل .
و السينسور ده موجود فوق فلتر الزيت مباشرة و انا جبته من عند الكيلانى ب 240 جنيه و ركبته.
و شكر خاص للزميل newcastel. و لو فى حد محتاج اى تفاصيل يتفضل يسال .

---

لا شكر على واجب احنا هنا عشان نستفيد من بعضنا وربنا يجعلها اخر الاحزان

اقتباس:

---

المشاركة الأصلية كتبت بواسطة amur1010

أنا كنت بفكر اغير وأجيب باليو
أنت كدة هتخلينى أبعد عنها :(

---

خلاص لقيت العيب و طلع ضعف في طرمبة البنزين بسبب البنزين المغشوش و الشوائب و على الطول الكشف يقرأ حساس شكمان عشان البنزين الزفت
و العربية جميلة جداً في السحب رهيبة ولا سيينا ولا غيره و السيينا 1600 ماتطلعش من الباليو ال1200 لحد ال100 أو 120 كمان و ك interior مختلفة تمااااااماً عن السيينا... البترا هي هي الباليو ال1000 سي سي مش السيينا
و أي استفسار أنا تحت أمرك