الموضوع: ارجوكم افيدونى خايف من التيدا

المشاركة الأصلية كتبت بواسطة elmatboly

يا ريت لو عندك فكرة هن اسعارها وخصوصا الهاى لاين . معلش على الازعاج

المشاركة الأصلية كتبت بواسطة elmatboly

جزاك الله خيرا اللى مقلق الواحد الصنى التقفيل المصرى بتاعها الناس بتشتكى منه فكنت خايف من موضوع المكسيكى ده

دى حاجة ودى حاجة .. وزى ما قالولك الاعضاء .. مصنع المكسيك بيودى على امريكا

المهم
عاوز اقولك على نصيحة
اغلب الناس اللى كانت خايفة .. ومترددة بخوف وبوسوسة .. لما استملوا حصل معاهم مشاكل
سواء فى الاستيلام .. او العربية لما اخدوها اتخبطت .. وهكذا

فسلم امرك لله .. انا عارف انك بتسال .. وكلنا بنسال .. لكن فى نبرة صوتك الخوف والقلق
فارمى توكالك على المولى عز وجل .. وان شاء الله خير

على فكرة
الصنى القديمة التقفيل المصرى .. عليها اقبال وانتشار بالهبل
والصنى الجديدة كمان عليها اقباللللللل كتير جدا فى الحجز .. وحتغرق السوق اكتر من القديمة كمان

يعنى المصريين مش هبل عشان يغامروا بفلسوهم ويجيبوا حاجة تعبانة .. فما بالك التقفيل المصرى

اقولك على حاجة
يريت حد ياخد عربيتى التيدا اليابانى ويعطينى مكانها عربية نيسان بلوبيرد التقفيل الصينى كمان !
شوفت لدرجة ايه

تقفيل محترم البلوبيرد وفى الصين وانظف من التيدا اليابانى .. واغلى منها كمان

متقلقش يا باشا

والاسعار
اسال فيها موزع معتمد لان الاسعار بتتغير كل فترة بسبب نقصان العربية

عندك اوتو ايجيبت وعندك السبع .. وعندك يوناتيتد جروب
وافضلهم اوتو ايجيبت

ولو عايز ممكن احاول اساعدك

والمعارض الخاصة عندك سمير ريان .. والاحمدى

بس خالى بالك لما تاخد معلومة من اى معرض خاص .. متركز مع المندوب فى كلامه .. لان ممكن العربية صعب يجبهالك .. فحيقولك اى كلام عنها .. عشان يخليك تصرف نظر عنها

اصل ده سوق .. والتجارة شطارة
وربنا يوفقك باذن الله

وكلنا تحت امرك

والف مبروك مقدما