بسم الله الرحمن الرحيم
رمضان كريم
امبارح اول مره انزل بالعربيه بالليل الساعه 12 ونص كده اشترى حاجات من منطقه الجامعه فى المنصورة ادام كليات الجامعه والمستشفيات
لفت انتباهى منظر مقزز هو موجود بقاله مده بس دلوقتى بقى مرعب
شباب واقف بعربياته فى عند كليه علوم عربيات بالهبل الى واقف بالطول والى واقف بالعرض والى واقف فى نص الشارع وواقفين يتفرجوا على الى رايح والى جاى
انا عايز اسأل كل واحد واقف الوقفه دى هو حضرتك بتستفاد ايه من الوقفه دى وانت واقف تبص على الى رايح والى جاى ومبوظ منظر مدخل مهم للمنصورة
انا مش عايز اقول تحليلى الى بيقفوا الوقفه دى لانه ناس كتير هتزعل من الكلام الى هقوله !
تمشى قدام شويه اقسم بالله الناس كانت راكنه صف رابع و حاره الطريق الى بتاخد 5 عربيات يادوب بتعدى عربيه واحده لا وراكنين بالطول
سؤال كمان الناس الى بتنزل تلف بالعربيات وطالع نازل على المشايه بتستفاد ايه من اللف بتغير جو ؟ طيب هو حضرتك ماخدتش بالك من الزحمه الى انت ممكن تكون سبب فيها ؟ حضرتك ماخدتش بالك انه على بعد خطوتين مستشفى الطوارىء يعنى لو حالة بتموت او تعبانه ممكن تضيع بسببك ؟
تخيل لو انت ماشى فى زحمه زى دى و بطنك وجعتك ومزنوق جدااا بيبقى احساسك ايه ساعتها وانت مخنوق من الزحمة ؟
لا والى مشغلك اغانى وماشى فرحان بنقسه باعلى صوت واحنا فى رمضان ده برضه عينه جديده او بلاش برضه اعلق عشان ماجرحش حد
احلى لقطه الونش و الظابظ عمالين بيتمشوا مع الناس
والله الواحد تعب وكرهت الكلام
رمضان كريم
المفضلات