الموضوع: السعودية عملت عربيه بس مسروقة !!!؟ بس أحنا معملناش أى حاجة برضة

و الله أنا كمان شايف إن موضوع وطن نظيف مينفعش يكون يوم و اتنين و بعدين نرجع تاني للزبالة في كل حتة
لازم تكون خطة دولة و مؤسسات, بس يمكن نخرج منها بثقافة عامة بين الناس بأهمية النظافة و التعود عليها...
متنسوش إن المخلوع و نظامه و صلنا لدرجة تكاد نقترب فيها من الانسلاخ لانتمائنا لبلدنا و وطنا يدوبك بعد الثورة الواحد بدأ يحس تاني إن دي بلده و لازم يخاف عليها و يفكر فيها بعد ما كنت أقسم بالله حاسس أني ضيف في البلد دي و مش بتاعتي و ماليش حاجة فيها!!
أما موضوع غزة فلو كان كلام الأخ بتاع الكهربا و الميا و مش عارف أيه كمان صحيح فدي أقل حاجة نعملها لناس محاصرين من أعدائنا الصهاينة و لا عاوزنا نفضل زي ما كان المخلوع مقضيها حبايبه قوي الصهاينة و يكره العما و لا يشوف حد من حماس " مبارك فضل خمس سنين في مباحثات بين فتح و حماس و مفيش فايدة أول ما اتخلع تاني اتصالحوا و حسبنا الله و نعم الوكيل"
فمن المعروف أن مصر لها دور فعلا ريادي في المنطقة العربية و العالم كله بس كنا مدفونين بسبب نظام المفسدين.
آسف للأطالة و لكن للحديث شجون.

أحوال الشارع المصري - نايل موتورز - NileMotors.net

بعتذر عن الخروج عن هدف الموضوع مكنتش اعرف انه مش ف احوال الشارع المصري :)

القذافى كان عامل برضه عربيه زى النوبيرا مسميها بساط الريح باين بيبسى مسميها سعاده و فيليبس قاريونس. اهى اى بدايه و خلاص احسن من مفيش ثم ان الصين برضه كانت و لاتزال بتقلد عربيات و علامات الماركات كمان كبدايه و بعد كده تطور فيها. حتى و ان كان ده برضه مش بدايه جامده الا انها محاوله و على الاقل احسن مننا اللى مش عارفين نبدأ فى اى حاجه عدله

انا اسف جدا عن الخروج بس بجد الواحد خلاص هيفرقع نفسي قبل ما اموت اشوف حاجه صنع في مصر