الموضوع: ليه بنقارن الكوري بالياباني وهو بيكسب الألماني

المشاركة الأصلية كتبت بواسطة SE_coralsea

كويس أوي ... منين كنت بتقول في مشاركات سابقة أن العربية مابتجريش و أن المحرك غير مناسب لوزن العربية و أن القدرة الزيادة للمحركات راحت في وزن العربية ؟؟

انا قولت ان العربية مابتجريش لأ الهيونداى بتجرى بس قوة الجرى بتاعها مش 130 حصان معلش مابشوفهمش نهائى , ومعلش يعنى 1220 كيلو مش وزن يعنى يخلى عربية قوتها 130 حصان تجيب من صفر الى 100 فى 10.5 ثانية

نقطة متفقين فيها

والله هقولك اللى ليها واللى عليها لانى مش مستفيد حاجة انى اطلاعها وحشة او حلوة

معايا الجيتز موديل 2007 و لو أن مافيش مجال برضه للمقارنة

حضرتك جايب اسوء عربية ثبات وفرامل وبتقارنها طيب ازاى يعنى

طيب أيه رايك أني بامشي من 120 الي 140 علي طرق السفر و اقري اول تقرير عملته عن العربية في طريق السخنة هتلاقي اني كاتب اني واخد ملفات علي سرعة 140 كم/ساعة
و علي الكباري و الفواصل لم أواجه مشاكل و ماشوفتش التنطيط اللي أنت بتقول عليه ده
أما موضوع العفشة الناشفة ده مش عارف أنت جبته منين ؟؟ بأقولك عفشة الألنترا الجديدة تحديدا زي الكورولا و بشهادة سبعاوي نفسه اللي ركب العربية و جربها
عاجباني و بالمناسبة شوف السيتي الجديدة عملوا ايه في الخامات

مش حضرتك اللى قولت قبل كدة انها بتحدف فى الفواصل من الخلف وتحس بعومان من الخلف , مش حضرتك قولت كدة , ومين اللى قال العربية مش بتتنطط معلش ياباشا سيبك منى انا , شوف كدة اى النترا ماشية فى الشارع وخليها تاخد مطب هواء على سرعة عالية شوية هتلاقيها طالعة ونازلة بتاع خمس ست مرات , عفشة الالنترا بتحسسك بكل تفصيلات الطريق , السيتى معاك ان خامتها بلاستيك يعنى هو حضرتك فاكر اننا فرحانين بحاجة زى دية ؟؟؟؟؟؟؟



أقرأ تقريري عن تكييف العربية
و بالمناسبة أنا اقدر أقولك و بمنتهي الثقة أن التكييف اللي مش عاجبك ده أفضل من تكييف الباسات و الجيتا اللي كنا مشغلينه في نفس الظروف علي 3 و ماكانش عامل حاجة

شوف ياباشا معلش خلى واحد يركب عربيتك ويركب عربية النترا 2010 او فيرنا ويقولك التكييف قل ولا لأ , انا واثق تماما من النقطة دية لانى جربت الالنترا وجربت الrb وجربت الفيرنا والالنترا 2010

يبقي أنت ماشوفتش قطع الغيار لأنها مختلفة و أصبحت معمرة أكثر من الموديلات السابقة

معلش ياباشا انا بشوف عربيات النترا موجودة عند الميكانيكية , وشوفت ال rb يبقى فين بقت اعتمادية ,وكلهم بدون خبطات او حاجة بس غالبا بيستغلوا التوكيل وبيصلحوا برة
والله عشان بس ماكونش غلطان كنت صورتهم بس طبعا فية مخالفة لحق الغير انى اصور عربيتة

ايه دليلك أنها أنخفضت ؟

والله مطب عبيط جدا وكانت عربيتين النترا 2012 وواحدة فيرنا فيها ناس اكتر من اللى كانوا فى الالنترا وكانوا معدين قدامى الالنترا حكت بطريقة بشعة لدرجة انى قولت العربية هتتقسم نصين , والفيرنا عدت من علية ولا الهواء , وعلى فكرة انا بعدى من المطب دة كتير جدا والحمد لله مابلمسوش اصلا يبقى وطيت ولا لأ , الالنترا كانت فيها اتنين ورا واتنين قدام , والفيرنا كانت مليانة على الاخر
نفس اصورلك منظر اللالترا وهية ماشية ومحملة اربعة هتلاقى العربية بتمسح الارض مع اى مطب هواء واكترهم على الدائرى

غريبة مع أنك لسه قايل فوق في البند رقم (2) ان العزل أتحسن

انا اقصد عزل صوت المحرك عن الكابينة , وهدوء المقصورة من الضوضاء الخارجية

طبيعي يغلي لأن العربية أختلفت و أتطورت كمحرك و فتيس و كنترول

محرك متطور زاد 9 حصان وهميييييييين , فتيس 6 سرعات قلل اداء السيارة

و أيه رأيك في مبيعات هيونداي في مصر و أمريكا و دول الخليج (اللي كانوا مؤمنين بالياباني) , مش ده دليل علي التقدم و لا مش دليل ؟
و بالمناسبة فين تقدم هوندا ؟ ماشوفناش حاجة جديدة منهم و لما عملوا حاجة طلعت خايبة

مالفيرنا بايعة بالعبيط هل كدة تبقى عربية ممتازة , اكيد لأ طبعا , وهاتلى كدة اى حد يقول ان الهيونداى بتنتشر فى الخليج انا كل الردود بتقول عكس كدة وناس قاعدة هناك
وهاقولك حاجة انا صاحبى كان لسة فى الامارات ورجع بيقولى مابشوفش غير السيارات الفارهة , والهيونداى قليلة جدا , والهوندا اكورد كتيييييييير , والسيفيك مش كتير , والغريبة بقى انة شاف هناك سيفيك SiR ماشية الجيل الخامس اكتر من واحدة
وعندهم المرسيدس والبى ام تاكسى , وطبعا الفيرارى والبورش واللامبورجينى والبوجاتى كتييييير جدا دية الامارات , ونفس الكلام فى قطر , والسعودية اسأل يوكو هيقولك عايز مين تانى