الموضوع: ليه بنقارن الكوري بالياباني وهو بيكسب الألماني

المشاركة الأصلية كتبت بواسطة semsem kane

انا بسأل لانى مش شايف اللى انتوا بتقولوة دة , يمكن فى الخارج راضيين عن هيونداى عشان الاوبشن اللى بتنزل بيها برة , لكن بردة فى الخارج عارفين حدودها وعمرها ماهيقولوا الكلام اللى انت بتقولوة دة , لانهم عارفين اخرها اية , ياريت انتوا كمان تعرفوا اخرها اية ولحد مين

طيب ما الفيديوهات دي معمولة بره و الله مش هنا في مصر و لا بمعرفة هيونداي تيم (و لو اننا بنحاول فعلا) يعني ناس بره هما اللي بيقارنوا و هما اللي بيقولوا

و عمونا الكبير أوي رئيس شركة فولكس فاجن بذات نفسيته قارن ما بين ال أي 30 و الجولف
و الالمان أعترفوا أن هيونداي سبقتهم في جزئية معينة و بتكلفة أقل

يبقي هيونداي بتتقدم و لا لأ

المشاركة الأصلية كتبت بواسطة semsem kane

انا قولت ان العربية مابتجريش لأ الهيونداى بتجرى بس قوة الجرى بتاعها مش 130 حصان معلش مابشوفهمش نهائى , ومعلش يعنى 1220 كيلو مش وزن يعنى يخلى عربية قوتها 130 حصان تجيب من صفر الى 100 فى 10.5 ثانية

انا شايفها كويسة
ماتيجي نحط ريفرانس ؟
عربيتك 170 حصان وبتجيب ال 100 في 7.5 ثانية وال200 في 24 ثانية علي ما أفتكر ووزنها 1138 ومانيوال
عربيتي 143 حصان وبتجيب ال 100 في 8 ثواني وال 200 في 25 ثانية ووزنها 1144 ومانيوال
يبقي لما عربية 130 حصان ووزن 1220 بفتيس أوتو 6 سرعات تجيب ال 100 في 10.5 يبقي وحش ؟

المشاركة الأصلية كتبت بواسطة eng.geo

عربيتي 143 حصان وبتجيب ال 100 في 8 ثواني وال 200 في 25 ثانية ووزنها 1144 ومانيوال

سيبك انت :).....الله ينور و الف مبروك.

المشاركة الأصلية كتبت بواسطة semsem kane

ياباشا ازاى بس يعنى حضرتك عايز تفهمنى ان واحد راكب الفئة الثالثة 320 وراح ركب هيونداى النترا او rb هيقول ينهااااااااااااااااااار ابيض دة فيها بلاستيك مش موجود فى البى ام وفيها دركسيون خفيف جدا عملوة ازاى دة , اية ياباشا مانتكلم شوية صح بقى
الفئة الثالثة اللى واخدة احسن سيارة فى العالم فى فئتها , والفئة الخامسة اللى واخدة احسن عربية فى فئتها فى العالم , والمرسيدس s class , 7 series الاتنين من كتر قوتهم وفخامتهم محدش فيهم تفوق على التانى , x5, x6 و ml500 , وطبعا الوحش m3 اللى افضل سيارة كوبية رياضية فى العالم , m5 و m6 وحوش السيدان والكوبية كل دة يروح فين الكورى واليابانى منهم , مش هقولك الكورى بس , بس فعلا انتوا متحيزين جدا للعلامة ولكنة تحيز فى الخطأ وغير لة مبرر لان فعلا , كل واحد راكب عربية نفسة فى يوم فى الايام يكون معاة عربية من اللى انا قولتهم دول و ويبقى بيكدب على نفسة اللى يقول مش عايز دة , انا ركبت الفئة السابعة بجد سفينة مركبة فضائية لما بركب بعديها اى عربية كأنى راكب توكتوك , وتقولى كورى ياباشا صلى على النبى خلى الطابق مستور

انا مش شايف تعليقك عالفيديو وبتهرب من الرد وبتتوه وبتدخل في مواضيع تانية

المشاركة الأصلية كتبت بواسطة semsem kane

معلش اكبر مصنعى العالم فى اية ( جودة - اعتمادية - قوة - ثبات ) لا فى المبيعات ودة شىء طبيعى لان اسعارها رخيصة

اسعارها رخيصة ! هو كلام محفوظ وخلاص ؟ الالنترا اغلى من السيفيك برة على فكرة

المشاركة الأصلية كتبت بواسطة semsem kane

انا بسأل لانى مش شايف اللى انتوا بتقولوة دة , يمكن فى الخارج راضيين عن هيونداى عشان الاوبشن اللى بتنزل بيها برة , لكن بردة فى الخارج عارفين حدودها وعمرها ماهيقولوا الكلام اللى انت بتقولوة دة , لانهم عارفين اخرها اية , ياريت انتوا كمان تعرفوا اخرها اية ولحد مين

تعالى كدة راكب واحد امريكى النترا اول فئة , هيقولك اية العربية دية وهيديها تقييم صفر خصوصا فى شوراعنا الجميلة و كل حاجة هتتكشف على حقيقتها , لانهم اكيد معندهمش الطرق زى عندنا

وبعدين انا عايز اعرف حاجة انتوا دايما بتقللوا من شأن الشاب المصرى كل حاجة شوفوا الناس برة شوفوا الناس برة , واحنا اية مالناش كلمة يعنى , يعنى ولا بنصنع ولا كمان بنفهم و معلش ياجماعة ياريت تعلوا شوية من شأن الشاب المصرى لانة فعلا يمكن امهر سائقين العالم هما الموجودين فى مصر بسبب الزحاااااام الرهيب وكل واحد فينا بيعمل غرز ورايح جاى والحمد لله وطبعا بعد ستر ربنا اولا واخيرا بيرجع بالعربية من غير خدش
كفاية بقى تنزيل من شأن المواطن المصرى

يا راجل ؟ المهارة بقت بالغرز ؟