الموضوع: ليه بنقارن الكوري بالياباني وهو بيكسب الألماني

المشاركة الأصلية كتبت بواسطة eng.geo

انا شايفها كويسة
ماتيجي نحط ريفرانس ؟
عربيتك 170 حصان وبتجيب ال 100 في 7.5 ثانية وال200 في 24 ثانية علي ما أفتكر ووزنها 1138 ومانيوال
عربيتي 143 حصان وبتجيب ال 100 في 8 ثواني وال 200 في 25 ثانية ووزنها 1144 ومانيوال
يبقي لما عربية 130 حصان ووزن 1220 بفتيس أوتو 6 سرعات تجيب ال 100 في 10.5 يبقي وحش ؟

انا عربيتى بتجيب ال100 فى 7 ثوانى + ان وزنها 1175 كم ( على العموم دة مش موضوعنا ) عشان بس مانخرجش عن سياق الموضوع

هو حضرتك بس عربيتك اية عشان نبقى عارفين ؟؟؟

طيب عربية 130 حصان وبتجيب من صفر ل100 فى 10.5 ثانية ووزنها 1220

وتلاقى السيفيك ماتورها 123 حصان وبتجيب من صفر ل100 فى 10.2 ثانية ووزنها 1267 كجم , وفتيسها 5 سرعات وعزمها 15.7 مقابل 15.9 لللالنترا
دة تسمية اية ؟؟؟؟؟؟؟؟؟؟؟؟؟

المشاركة الأصلية كتبت بواسطة mody3on

اولا الالنترا وزنها 1,210–1,305 كيلو مش 1220 ولا حاجة
والسيفيك زي ما انت بتقول 1267 يعني اخف منها
والسيفيك فيها vtec مش موجود في الالنترا

شوف بقى سيبك بقى من كل اللى فات

وخليك فى نقطة ال vtec عشان كدة عيب يامان لما تبقى بدافع عن عربية وفى الاخر تيجى تقول عشان ال i-vtec
طيب ياباشا عشان يبقى حضرتك عارف ان نظام ال i-vtec فى الهوندا

المفروض بيقابلة نظام ال dvvt فى محركات الالنترا والمفروض ان اداءة يكون زى اداء الvtec بس طبعا شتااااااااااااااااااان مابين التكنولوجيا والتكنولوجيا اللى لسة بردة بدرى على هيونداى انها تعملها او تعرفها

عشان بس يبقى حضرتك عارف لان النظام موجود فى هيونداى ومع الاسف والحقيقة المرة ( زى عدمة )

صوت السيفيك بيتحول بعد 4200 لفة وبيبقى صوت رائع مميز

صوت الالنترا بيبقى صوت عالى مزعج تكرة سماعة

المشاركة الأصلية كتبت بواسطة mody3on

ده كان الالنترا والسيفيك ، وادي السوناتا والاكورد
2011 Hyundai Sonata GLS vs. 2010 Honda Accord vs. 2010 Mazda 6 i Touring Comparison Test

2012 Volkswagen Passat 3.6 SEL vs. 2011 Honda Accord EX-L V6, 2012 Hyundai Sonata 2.0T Limited - Comparison Test - Car and Driver

سبحان الله فى نفس الموقع اللى انت جايبة السوناتا واخدة المركز الثالث والاكورد الثانى والباسات الثالث

المشاركة الأصلية كتبت بواسطة mody3on

crv vs tucson
Honda CR-V Vs. Hyundai Tucson: Compare Cars

عموما انا شايف ان نقاط اللى خليتها تتفوق ( البنزين - السعر - استهلاك البنزين ) غير كدة كل حاجة فى صالح الهوندا ماعدا خامات ال crv عشان مش حلوة
وبالرغم من كل دة هتلاقى الفرق قليل جدا 7.8 للهوندا و 8 للهيونداى , يعنى بردة هيكون القوة والتحكم والقيادة والنعومة والتعليق لصالح الهوندا

وواضح ان فية مشكلة فعلا فى خامات الهوندا فى الجيل دة والسعر غالى

المشاركة الأصلية كتبت بواسطة mody3on

ايه ده ما الهوندا بتتقارن بالهيونداي اهي وبتخسر كمان ، اكيد دول ناس كوريين
2012 Honda Civic vs. 2011 Chevrolet Cruze vs. 2011 Hyundai Elantra Comparison Test
Honda nailed the ride quality and steering, but weak brakes and a cheapened cabin with digital overload diminish the Civic's appeal.
قالك فرامل قوية هاهاهاااااااا

ياباشا ماحنا جيبنالك الفرامل بقى على الطبيعة وهتلاقى بردة نفس الاسباب اللى الهيونداى بتكسب بسببها ( السعر - الخامات - الشكل - التصميم الداخلى )

المشاركة الأصلية كتبت بواسطة mody3on

وهنا الالنترا برضه تتفوق عالسيفيك
2013 Hyundai Elantra Reviews, Pictures and Prices | U.S. News Best Cars

سبحان الله والسيفيك واخدة نفس الجايزة ومتفوقة على الالنترا

المشاركة الأصلية كتبت بواسطة mody3on

السوناتا برضه تتفوق عالاكورد
2010 Honda Accord EX vs. 2011 Hyundai Sonata SE, 2010 Subaru Legacy 2.5i Comparison Tests - Page 4 - Car and Driver

خلاص بقى مانا جيبتلك فوق اللينك

المشاركة الأصلية كتبت بواسطة Eng.Geo

علي فرض ان أرقام الوزن صح في الأتنين
الفتيس ال 5 في صالح الهوندا
بس سبحان الله شوف فرق الهورس باور قد أيه وفروق التسارع قد ايه وحضرتك حسيت الهوندا بتجري والهيونداي مابتجريش !
في فرق 0.3 ثانية .... بحسدك الصراحة علي الأحساس ده :b4_444:
الا صحيح هوندا ليه حطت موتور تعبان كدا ؟
ده كانت سنة 92 عاملة موتور 1600 بيخرج 130 حصان !!

طيب كويس يعنى مش عيب فى الهوندا انها نازلة ب5 سرعات بقى

على فكرة انا لسة ماجريتش بالهوندا الجديدة عشان احددلك وكمان ماجريتش drag مع حد بالالنترا يعنى مش هقدر افيدك بالنقطة دية اوى فى التسارع بس هناخد دلوقتى بالارقام مؤقتا لحد لما ان شاء الله نختبر دة بنفسنا

تعبان فى اية ياباشا , عشان بقى 123 حصان , شوف نفس الماتور دة هو ماتور الجيل الثامن , والحمد لله مبهدل كل عربيات الارض بيها طبعا فى فئتها

بس بردة ماقولتليش عربيتك اية اللى بتخرج 143 وبتجيب من صفر ل 100 فى 8 ثوانى

المشاركة الأصلية كتبت بواسطة mody3on

هوندا مش فاضية يا عم بتحضر لل nsx اللي نازلة في 2018

فاضية ياباشا وان شاء الله nsx نازلة 2014 انت بس اكيد غلطت

المشاركة الأصلية كتبت بواسطة Eng.Geo

انا ماقولتش عيب !
انا باتكلم عالسيفيك 2010
الموتور بقي تعبان طبعا !
الأرقام بتقول كدة .... الا لو هوندا بتكدم زي ما قالوا زمان بقي !!!!
عربيتي يا باشا نوبيرا 1 2000 cc
ال 8 ثواني دول بفتيس ال 1500 وشكمان ال1500 اللي هو أصغر من الطبيعي ببوصة الا ربع

جيو الكبير

اولا مبروك على الماتور يا معلم وربنا يباركلك فيه ولازم الطلعة اللى هتطلعها مع احمد عبد الهادي تجربه في طريق السخنة اكون معاكم يابرنس اوعى تنساني ازعل منك

عربيتك يا كبير تطلعها من المقارنة لانها مسقطة واحنا بنتكلم على العربيات الاستوك

ومعروف ان العربيات المسقطة بتبقى اقوى لان بيخدمها نقطة ال Power : weight ratio !! ماتور المفروض يركب على عربية داخلة في ال 1400 كيلو وركب على عربية 1150 كيلو !! ؟ لازم تلاقي فرق جامد في الاداء

---

ماتور السيفيك لا تعبان ولا اي حاجة بالعكس ده قوي جدا مقارنة بالفئة بتاعتها !!

ماينفعش تقييم ماتور معين من مجرد تسارع من الصفر ل 100 لان التسارع مش بيجي عند ال 100 ويقف !! ومع ذلك انا هوضحلك حاجة يمكن انت مش واخد بالك منها

السيفيك 122 حصان ومن 0:100 في 10.2 وفيها نظام Drive By wire !! يعني طلعتها بطيئة تقدر تقول كدة ان السيفيك بضيعلها مش اقل من ثانية ونص / ثانيتين لحد ما ال vtec يفتح !!

الالنترا 130 حصان ومن 0:100 في 10.5 !! مع انها مافيش اي طلعة بطيئة ولا اي حاجة بتأخرها في التسارع ومعروف عربيات هيونداي بتطلع زي الصاروخ !!

يعني بإختصار كدة لو جبت سيفيك والنترا وخلتهم يجرو جمب بعض بداية من ال 40 هتلاقي السيفيك نفخت الالنترا !!

وتعالى على السرعات العالية هتلاقي فرق محترم !!

ده معناه ايه ان عربية 122 حصان تعلم على عربية 130 حصان !! ؟؟

بإختصار العربيات الكوري احنا بنسمع ارقام عالية في عدد الاحصنة لكن مش بنشوفها على الطريق مانا جريت معااها الالنترا الجديدة قبل كدة ولا حسيت انها 130 حصان !! عربية جريها عادي جدا

----------

العربيات الكوري عموما كويسة احنا مش بنقول انها وحشة

عربية بتديلك اوبشنز بالعبيط وكماليات وشكل داخلي وخارجي - تصميم مميز ومحركات نقدر نقول انها معقولة استهلاك بنزين كويس وسعر معقول

فلازم تنجح ويبقى ليها مبيعات !!

لكنها لسه ماوصلتش لمستوى جودة العربيات الياباني في الجودة والاعتمادية وقلة الاعطال وتحمل اعباء الشغل ودي حاجة للاسف ملاك العربيات الكوري مش عايزين يعترفو بيها !!

كفايا ان العربيات الكوري هي العربيات الوحيدة اللى بتفضل الاوبشنز على وسائل الامان !! ؟ ومحدش يقول غبور لان الشركة الام والمراقبة المفروض بتبقى حاطة Standersفي مواصفات الامان ماتقلش عنها !!

يعني بالله عليك في حاجة اسمها عربية تنزل ب Airbag واحد !! ؟ يعني السواق يعيش واللى جمبه يغور في ستين داهية ؟؟؟ ايه التخلف ده

انا الياريس اللى معايا فيها 2Airbags + ABS + EBD وفي المقابل !! كاسيت معفن شرايط + ازجاج اوكر + مافيش سنتر لوك !! ؟

يعني تويوتا رفضت تشيل وسائل الامان وشالت الاوبشنز في مقابل انك تاخد عربية فيها وسائل امان وده اللى مش بنشوفه في العربيات الكوري !!!!!

احنا بنعترف ان كوريا تفوقت في التصميم والعربيات الكوري بدات تطور فعلا عن الاول

بس لسه ماوصلتش لمستوى جودة العربيات الياباني لا في الاعتمادية وقلة الاعطال ولا في الاداء !! لسه العربيات الياباني ادائها على الطريق كفرامل وثببات وهانلندج ومواتير افضل من العربيات الكوري

وردا على الباشمهندس سمير بخصوص العربيات الياباني اللى ركبها :: ان حضرتك يا باشمهندس راكب عربية موديل 2012 لسه موديل السنة ربنا يباركلك فيها يارب

فطبيعي انك ماتحسش ان فيها مشاكل ولا تزعجك فيها اي حاجة ده العربية لسه بورقها !! ؟ لكن اللى احنا بنتكلم فيه على المدى البعيد بعد 4 / 5 سنين شغل

ربنا يدينا ويديك طولة العمر وبياركلك في عربيتك ونسمع منك تقييمك للعربية بعد 5 سنين او بعد اول 100 الف كيلو !!

بالنسبة للياريس اللى كانت مع حضرتك موديل 2008 1.3 !! طبعا فئة اقل من الالنترا فلازم تحس ان الالنترا افضل مافيش كلام ونفس الشئ مع الانسر ال 1.3 يعني دول طلعهم برة المقارنة

بالنسبة للكورولا 2008 الجنوب افريقي MMT فهي كماتور واداء وثبات على الطريق افضل من الالنترا الجديدة والعربية دي مخصوص بعيدا عن مشاكل الفتيس فهي عربية اداءها يشهد بيه وغني عن التعريف

الى غير طبعا انها متفوقة في الفرامل نظرا لل ABS+EBD وكذلك وسائل الامان اللى مش موجودين الا في اعلى فئات الالنترا !!

واما الانسر ال 1.6 فهي سابقة الالنترا والعربيات الكوري عموما بكتيييييييييييييير اوي في الثبات والهاندلنج واعقتد انه لسه بدري شوية على هيونداي لحد ماتعرف تنزل عربية في ثبات البومة !!

والمفروض ان حتى كمان تبقى كماتور اقوى لانها مانويل !!

يعني شوف بنقارن عربيات ياباني موديل 2008 بعربية كوري 2012 ومع ذلك العربيات الياباني متفوقة في الاداء والفرامل والهاندلنج ووسائل الامان !!!! ؟؟