واحد صاحبى معاة دايو
عايز يجنط عربيتة
اية المقاس المناسب
واية اخبار التكاليف
مع تغيير الاربع كاوتشات طبعا
عرض للطباعة
واحد صاحبى معاة دايو
عايز يجنط عربيتة
اية المقاس المناسب
واية اخبار التكاليف
مع تغيير الاربع كاوتشات طبعا
دايو ايه؟؟؟
لو lanos
ممكن يجيب جنط 13 زي اللي فيها مع نفس المقاس 13-70-175
وممكن يجيب 14 سبور بحوالي 1600 ومقاس 14-60-185 من 350 لحد 450
وممكن يجيب 15 سبور بحوالي 2200 / 2600 ومقاس 15-55-195 من 515
شكرا ياباشا
لكنى النهاردة سمعت ان تكبير الجونط يوثر على العفشة ويخللى اللعربية غير مستقرة
لو سمحت عايز المقاس االلى ميعملش كدة
صحيح الكلام دة
المقاسات السابقة كلها لاتؤثر علي ارتفاع السيارة عن الارض ولكن مع زيادة عرض الكوتش بيزيد الثبات مع ملاحظة زيادة استهلاك البنزين زيادة طفيفة وكل الجنط مكبر بياثر علي الشعور بالمطبات داخل المقصورة فقط
لأ مش فقط لاغير
الجنط الكبير شخصيا ملوش دعوة بالثبات عرض الكاوتش هو اللي ليه عشان نقاط تلامس العربية مع الأرض بتبقى اكبر وبالتالي الثبات هيزيد علي سرعات وفي غرز وملفات ومسافة الفرامل هتقل
لو جبت جنط سبور هيبرد الفرامل أسرع
ولو كان أصلي أصلي وزنه هيبقى اخف من الحديد اللي نازل فيها وهيزود تسارع وهيوفر بنزين
وكده كده أصلا شركات الكاوتش كلها بتنزل الكاوتش نفسه موديلات محترمة كل ماالقطر كبر
يعني ال 13 قليل لما تلاقي منه فردة نضيفة زي ماتلاقي في 14 و 15
كل ماالقطر بيزيد كل ما الخيارات والجودة بتزيد
يعني أنا لما ركبت 14 مبقتش باسمع صوت الكاوتش على الأرض ودي حاجة ملهاش علاقة بالعرض والطول ده المفروض الاعرض يعمل دوشة أكتر
لو جبت كاوتش نوع نضيف مش هتحس بفرق الدبدبة عشان الكاوتش الأنضف بيكون اطري وأحسن وبالتالي فرق البروفيل عوضته خامة الكاوتش وده اللي حصل معايا
+ تحكم افضل فى الملفات
و بعدين انت عايز اية تانى زيادة على الحاجات دى؟؟؟ :grinder:
يعنى انت بقى عندك ثبات و تحكم اعلى على سرعة عالية فى خط مستقيم
و بقى عندك قدرة اكبر فى التحكم و توجية العربية فى الملفات
و بقى عندك قدرة اكبر على التوقف و تحسن فى اداء الفرامل
مفاضلش غير ان يبقى عندك ثبات و تحكم اكبر و العربية واقفة
MMamdouh
طب هل وزن الجنط الحديد ال 14 اكبر بكتتير من ال 13
اصل انا بصراحه مش عاوز اركب الاسبور
انا هدور على الموضوع بتاعك في التعليمي
ممتاز
بس في زميل قال انه بيزود استهلاك البنزين شويه
ممكن سؤال
ينفع يبقى الجنوط اللي قدام 14 و اللي ورا و الاستبن 13
ولا غلط على العربيه
لا الفرق مش كبير
لو بنتكلم من 13 الى 14 يبقى الفرق اصغر من انك تحس بيه اساسااقتباس:
بس في زميل قال انه بيزود استهلاك البنزين شويه
هو غلط عليك انت مش العربية... كدة وش العربية هيبقى ماسك جامد فى الارض و ورا ماسك بشكل اقل... ممكن العربية تلف منك فى ملف جامداقتباس:
ينفع يبقى الجنوط اللي قدام 14 و اللي ورا و الاستبن 13
ولا غلط على العربيه
MMamdouh
الف شكر يا استاذ ممدوح
جزاك الله كل خير
اللانوس اصلا كانت بتنزل بره بجنوط 14 اورجنال
وكانت معانا واحدة استيراد بجنط 14 اورجنال الومنيوم
وده فعلا كان مدي العلربية ثبات افضل
الكاوتش goodyear duragrip 14
بس بصراحة لحد دلوقتي فردة محترمة أنا قربت بيها على 500 كيلو بس كنت عايز اجربها شوية كمان
ثبات أحسن كتير من اللي كان عندي دلوقتي الدركسيون في ايدي على 130/140 زي مكان 110 قبل كده وامبارح ركبت عربية ميدو حسيب بفرق الثبـات
بالنسبة للرزع بتاع البروفيل الاقل الفرده أصلا طرية واللي كان عندي قبل كده ناشف فمحستش بيفرق فالمطبات
صوت العجلة على الأرض مفيش
الفرامل أحسن كتير من الاول وبتقف على الرملة ودي لوحدها ملبساني 3 حوادث بالكوتش القديم
الجنوط 14 حديد نوبيرا نفس الأوفست بتاعنا
مبروك عليك يا معلم... عقبال الفرامل
MMamdouh
الله يبارك فيك يا صديقي, ادعيلي
هو نفس السعر المتوقع من 300 ل 400 اللي أنا اتكلمت عليهم دول كانوا ناس بيخرفو
ياراجل ده أنا فيه واحد قال لي 180 الجنط الواحد
طبعا عملتلوا حاجات كتير ساعتها
ال اسبور غالي والميزانية لا تسمح حاليا ده غير إني كنت عايز سبور 15 أصلا مش 14 بس لقيت العملية هتوسع قوي
انا فى النوبيرا مركب 16 نوع bbs المانى ...والكاوتش ناشف شويه عندى
كان الاول عندى جنوط حديد 14 وزهقت منها لانها ضعيفه جدا وكل شويه استعدل فيهم وطلعوا عينى
اول ماركبت ال 16 حسيت بنشوفيه مع النقر بس...المهم جريت شويه خت غرزه على 80 مصدقتش نفسى وكنت هنزل من العربيه وهي ماشيه من الفرحه :))))
الجنوط بتفرق جامد مع العربيه
بس دايما حاسس انى جبت جنوط كبيره على العربيه لان الكتالوج مش جايب سيره عن ال 16 فى النوبيرا....ومش عارف هل العفشه متحمله الجنوط اللى عندى دى ولا لا ...والشك بيزيد يوم ورا التانى ::))))
ربنا يسترها علينا