اخبار اسعار البورا ايه يا رجاله الفولكس واخبار قطع الغيار ايه
ولو فى حد قدامه عربيه نظيفه اوتوماتيك
عرض للطباعة
اخبار اسعار البورا ايه يا رجاله الفولكس واخبار قطع الغيار ايه
ولو فى حد قدامه عربيه نظيفه اوتوماتيك
اشمعنى اخترت البورا يا عصام وسيبت الباسات موديل 2002 اعتقد نفس الفئة السعرية وعربية لا غبار عليها .
تسلم يا باشا على المشاركه انا بحترم الانسر بس حابب البورا اكتر
انا كنت حابب البى ام بس شكلى صرفت نظر لرايكو والموديل والمصاريف
وبشوف بورا دلوقتى
[/quote]
والله وانا كمان حابب البورا اكتر من الانسر بس للاسف صعب انك تلاقي حاجه فعلا يتقال عليها نضيفه
وكل ما بنزل بورسعيد برجع متعقد من هناك بسبب كميه العربيات البورا اللي هناك اللي الواحد ممكن يقول عليها فعلا كسر زيرو بس للاسف معلقه نمر منطقه حره
أرشح لك البورا، بسسسسسسسسسسسسس!!!!
الحالة أهم شيء تكون زي الفل، والموديل مش قبل 2002، وياريت لو الكيلومتر يكون في المعدلات الطبيعي ولو قليل يكون أحسن، العربية تمام التمام من نواحي الكفاءة والقوة، وقطع غيار زي الفل ومعظم حاجة الأوكتافيا a4 بتركب فيها.
للاسف انا جالى احباط شديد مش من هنا وبس ولا من عربيه بحد ذاتها
وانما من التفكير الى الغالبيه بيفكروا فيه
الواحد مش فاهم بيركب العربيه ليه عشان يصلحها ولا عشان يبعها ولا عشان ايه
الواحد المفروض بيشترى العربيه الى تريجوا نفسيا ديه اولا
وثانيا عربيه يتمتع بيها
لكن كل مسئل حد يقولى ي اعم خليك فى الانسر ديه عامله زى موبيل النوكيا بيتباع هوا !!!
والى يقولى خليك فى الانسر عشان قطع الغيار
واى حد بيشتغل فيها
طب بالنسبه للجرى والقوه والفرامل والامان !!! وغيره
اسأل مجرب ولا تسأل طبيب
انا عن نفسى سوقت البورا 2001 اوتوماتيك 1600 وسوقتها لما صاحبها غيرلها موتورها بواحد 1800 سى سى 20 صباب ب 4500 جنيه على نفس الفتيس وغير معاه الشكمان بس وركبت جنبه كتير وروحنا الساحل بيها مع بعض 180 و 190 ولا حاسس بأى حاجة ولما يدوس فرامل بتلم بسرعة وغرز زى مانتا عايز على طريق البحر فى اسكندرية
وسوقت اللانسر 2006 1600 سبورت اوتوماتيك وجنوط وفتحة سقف تجميعها قبل ال 100 احسن من البورا بس بعد كده البورا تسحبها وراها وبصراحة كنت خايف وانا بجرى بيها لأن ثباتها وفراملها اقل من البورا بكتييير بس برده مقدرش اقول عليها عربية وحشة لانها يابانى واليابان مش بتعرف تعمل حاجة وحشة بس برده الالمان عندهم مقاييس مختلفة عن اى صناعة تانية
وبالنسبة للصيانة وقطع الغيار مفيش فرق كبير بين الاتنين لان الاتنين منتشرين جامد والفولكس عموما انتشاره اكتر من الميتسوبيشى
بالنسبة لأعادة سعر البيع ده بيكون على حسب اذا كنت من الناس اللى بتقلب العربيات بسرعة ولا ركييب لانك لو بتقلب بسرعة يبقى عايز حاجة متصرفش عليها عشان لما تيجى تبيعها بعد كام شهر متخسرش فيها يبقى خليك فى الانسر لكن لو انت راجل ركييب والعربية بتعمر معاك بالسنين زى حالاتى يبقى ساعتها مش هتفرق معاك جبتها بكام وبعتها بكام وصرفت عليها كام لانك بتركب بيهم وبتتمتع بيهم وفى الحالة دى يبقى البورا هى اللى لازم تجيبها لانك هتتمتع وهتتكيف وهتبقى راكب حاجة فخمة
السلام عليكم
انا معايا بورا 2002
هكلمك ف المشاكل قبل المميزات
1-الكنبه الى ورا ضيقه والى بيركب معايا بيعانى من كدا خصوصا انى طويل
2-قطع غيار غاليه مقارنه باى عربيه مش المانى
3- فى صوت تزييق تقريبا ف كل البورا من التابلوه والابواب بس بيبقا ليها حلول كتير
المميزات
1- العربيه ثابته ما شاء الله وبتجرى
2-شكلها بالنسبالى عاجبنى جدا
3-مستوى الامان فيها عالى مقارنه بالميتسوبيشى
4- العربيه فخمه من الداخل جدا بردوا مقارنه بالميتسوبيشى
5- صاج العربيه ما شاء الله قوى ودا عن تجربه
بص الاتنين ف نفس السعر تقريبا . استخير ربنا والله المستعان ولو عاوز تعرف اسعار قطع الغيار الاصلى عندك الشهابى ف شارع دمشق
العربيه مش اى حد بيشتغل فيها لازم يكون حد فاهم اوى
اللى يخليك تفكر فى البورا لا هات الباسات احسن عشان اوسع و افخم و نفس الموتور و العفشه و الفتيس للبورا و نفس الفئه السعريه و اشهر و اسرع فى البيع من البورا .... و الباسات منزله موديلات من 2006 ل 2012 و اسمها متداول فى السوق اكتر سواء فى الزيرو او المستعمل ... يعنى هتعرف تبيع اسرع