عملت حادثه بالاسكورت خبطت عربيه لانسر بالجنب اليمين قدام و الخساير عباره عن :
عربيتي : فانوس امامي يمين ، رفرق يمين ، غطا الكبوت ، كرتيره الرفرف اليمين باظت ، البار اللي في صدر العربيه فوق الرادياتير اتعوج شويه من الجنب اليمين .
اللانسر : فانوس خلفي شمال ، اكصدام خلفي ، الخبطه بهدلت الشنطه من الجنب الشمال و لوحت الشاسيه لتحت بشكل وحش .

الإصلاح : لما رحت للسمكري قاللي يا تجيب غطا كبوت جديد يا تجيب رفرف جديد و هو بيفضل نجيب رفرف جديد (ارخص)و لما قلتله ممكن نعدل الاتنين فاللي عربيتك عمرها ما هترجع سليمه زي الاول غير لما تجيب رفرف عشان يبقي دليل ليا في السمكره ، و قال انه هيعدل العربيه علي البارد و مش هيرش الا بار اللي في صدر العربيه الجنب اليمين و هيداري الرش و قاللي العربيه هترجع سليمه زي الاول بالظبط و قاللي هياخد مصنعيه 900 جنيه و فاصلت لحد ما خليتها 700 جنيه و هو بيقول الرفرف من عزبه شلبي تمنه حوالي 250 جنيه و الفانوس جديد بردو في الحدود دي . و قال كمان هيخلي ميكانيكي يفك شوية حاجات في الجنب اليمين عشان يعرف يسحب و يعمل شدات للعربيه .

افيدوني اعمل ايه يا رجاله انا اول مره اخبط العربيه و حاسس ان روحي هتطلع مش متعود حاجه زي دي تحصللي بس الحمد لله علي كل حال و ان شاء الله هحط صور للعربيه النهارده عشان الاخوه المتخصصين في المجال ده يعرفوا يقولولي مشكورين اعمل ايه .