الموضوع: الحقوووووووووووني عملت حادثه

متشكر جدا ، بس من كلامه هو عارف ان الامريكاني و الالماني صاج و شاسيه تقيل جدا جدا و هو كان بيأكد ده قاللي الميتسوبيشي ممكن ارد الرفرف بإيدي هو علي كلامه قال عايز رفرف و قال انه موجود في عزبة شلبي و انه ارخص من الحرفيين انا عارف انك خبير في فورد مين في الحرفيين عنده رفارف بسعر كويس ، و هل اشتري فانوس جديد و لا استيراد احسن ، اعمل ايه انا فعلا محتار و معنديش خبره في الموضوع و هل مصنعيته كده معقوله

ايه المشكلة ياجماعة؟
أنا لسة من كام يوم عامل حادثة بالمونديو والسمكري ردها زي الفل رغم اني كنت داخل في شيفروليه الدبابة النص نقل والرفرف كان منيل بنيلة بس الحمدلله رجع زي الاول
الراجل أخد مني 450 دوكو ورش الرفرف والكبوت والاكصدام الامامي وجبت فانوس جديد (بس جامد جدا ) ب 250 و أخد 150

يا رجاله فعلا كلام العضو المحترم AyaBooy صح مفيش للفورد اي حاجه في عزبة شلبي خااااااااالص و لما رحنا الحرفيين (انا و السمكري) ملاقيناش رفرف استيراد اطلاقا و اي محل يقولك هو انا هبوظ النص كله عشان رفرف لا طبعا ، المهم مكانش قدامنا غير الجديد (الاسود التايواني) كان عامل 180 جنيه مش عارف ليه حاسس ان الرفرف ده خفيف او ان سمك الصاج بتاعه اقل من الاصلي لكن السمكري قاللي لسه لما يمسك في جسم العربيه هيبقي اشد لانه دلوقتي سايب و ممكن يلب عادي زيه زي اي صاج و جبت فانوس يمين ديبو تايواني و كان عامل 170 جنيه من عند ابو الفتوح (01277510095) و مكانش عايز ينزل جنيه ، انا مش عارف اذا كانت الاسعار دي كويسه و لا لأ المهم دفعت للسمكري 300 جنيه من حسابه (700 جنيه) ، و هو لسه متصل بيا دلوقتي و قاللي انه عمل شويه شغل في العربيه و فك الرفرف القديم و الظاهر عايز يعمل عليا شغل و بيقولي ان تحت الرفرف ده كان في بارومه و مستني رأيي يعملها و لا ميعملهاش و انه مش هيقدر يركب الرفرف الجديد إلا إذا صلح البارومه دي و دهنها بتومين و الظاهر عايز يعملها بحساب جديد مش عارف اعمل معاه ايه ... الراجل ده بدأت مطمنش له مع ان واحد صاحبي دايما بيصلح عنده و هو اللي معرفني عليه و كان حاضر الاتفاق كمان ... السمكري ده كان عايز الميكانيكي يفك اي اجزاء من العربيه زي (الدينامو - مجموعة السيور - الرادياتير ) و عايزني احاسبه او هو يبقي يقولي حسابه كام لانه علي كلامه ان العمليه هيبقي فيها فك و تركيب كتير (أصلا الميكانيكي ده جاره الورشه جنب الورشه يعني) بس الشهاده لله الواد الميكانيكي طلع امين و قال الخبطه في الصدر و الرفرف اليمين انت مش محتاج اني افك لك حاجه اصلا و لا حتي الرادياتير هو كل اللي الميكانيكي فكه قربه مية الرادياتير و الاكصدام و الفوانيس الاماميه بس كنوع من المساعده للسمكري و مخدش و لا مليم ، هو فاللي الخبطه خلت البنط اللي بين الرفرف اليمين و الجزء اللي فيه بطاحة المساعد اتفكت شويه و ممكن لنا يبقي ييجي يشتغل فيها يبقي يفك المساعد مثلا عشان السمكري يعرف يدق براحته و لو لاقي المكان واسع و مش محتاج يفك مش هيفك حاجه عشان التكلفه ............. يا جماعه انا مليش خبره في موضوع السمكره ده عشان كده بحكي كل حاجه بالتفصيل عشان الناس اللي عندها خبره تقدر تفيدني عشان ميتعملش عليا شغل و اسف علي الاطاله

معلش انا نسيت احط الصور و هرفعها النهارده ان شاء الله عشان تعرفوا تقيموا الموضوع

هو السمكري عمل البارومه فعلا خلاص و ركب الرفرف و الفوانيس و الاكصدام و لحم قربة مياه الرادياتير و ظبط الدنيا بس يا جماعهع انا مش عارف ارفع الصور خالص حد يقولي احط الصور ازاي