فابيا

**hosam4000** · 28-07-2012 01:54 PM

إخوتى الأعزاء
كل عام وانتم بخير بمناسبه شهر رمضان
محتاج رأيكم فانا اريد شراء فابيا موديل بعد ٢٠٠٩
فهل هناك نصائح عند الشراء او رأيكم فى السيارة وهل تساوى القيمه التى ستدفع فيها حوالي٩٠ الف
وأخبار قطع الغيار ايه وتوافر الصيانه وخلافه
ارجو الافاده

**Amr_Azab** · 28-07-2012 02:27 PM

الفابيا عموما عربية قيمة جدا بس يعيبها حاجتين في رأي :-
1- غلو قطع الغيار شوية كسائر الالماني (بس بتبقي معمرة جدا جدا بصراحة)
2- العربية وزنها كبير وبالتالي بيبقي سحبها ضعيف بس في المقابل بتاخد ثبات اكتر من ممتاز علي الطريق
فلو حضرتك عايز العربية عشان تشد بيها والكلام ده يبقي بلاش فابيا يا اما تجيب الفابيا الـr.s دي تشد بيها مع اي حاجة من 0 لـ 100كم في 7 ثواني
لكن لو عايز عربية قيمة وسواقة ممتعة علي الطريق يبقي انصحك بالفابيا طبعا

**khaledelsakaty** · 28-07-2012 11:44 PM

السلام عليكم،
هي سواقة العربية دي متعة حقيقية ده غير إن شكلها أنا بحبه جداً (و لكن دي مسألة أذواق).
زي ما الأستاذ عمر قال قطع غيارها غالية شوية (بعض قطع الغيار اغلي من ال a5).
و أخيرا أعتقد إن 90 ألف جنية كتير لأن أنا معايا واحدة 2009 بردو و ناوي أعرضها إن شاء الله علي 75.
و الله الموفق

**usama_ra** · 29-07-2012 03:14 PM

المشاركة الأصلية كتبت بواسطة khaledelsakaty

السلام عليكم،
هي سواقة العربية دي متعة حقيقية ده غير إن شكلها أنا بحبه جداً (و لكن دي مسألة أذواق).
زي ما الأستاذ عمر قال قطع غيارها غالية شوية (بعض قطع الغيار اغلي من ال a5).
و أخيرا أعتقد إن 90 ألف جنية كتير لأن أنا معايا واحدة 2009 بردو و ناوي أعرضها إن شاء الله علي 75.
و الله الموفق

استاذ خالد هيه عربيه حضرتك منيول والا اوتوماتيك وانهي فئه لأني بفكر اشتري فابيا موديل من 2008 الي 2010

شكرا

**khaledelsakaty** · 30-07-2012 08:32 AM

السلام عليكم، أنا عربيتي مانيوال حالتها حالة المصنع فابريكة بالكامل ، عاملة أقل من 48 ألف كيلو .
جميع صياناتها بالتوكيل (بالورق و الفواتير)، و الإستبن لم يستخدم (زي ما بيقولو مع إن ده لا يدل علي أي شيء :) و الكاوتش لسه متغير (من حوالي 5 ألاف كيلو) .
لونها أبيض و بها فرش جلد أسود و طبعا جميع الكماليات المعتادة (ريموت كونترول، 2 إير باج، 4 زجاج كهرباء تاتش، إيه بي إس، تي سي إس (مانع تفويت العجل) .
و الله المستعان .

**HAITHAM1985** · 30-07-2012 09:04 AM

إشتريها ومش هاتندم ....... ومتسمعش كلام حد عن موضوع قطع الغيار ....... كل حاجة موجودة بس محلات محددة

السعر كتيير حبتين بس ممكن تكون حالة العربية تستاهل

موفق إن شاء الله

**HAITHAM1985** · 30-07-2012 09:16 AM

بالنسبه لقطع الغير الجديده موجوده عن الهاشميه بجانب مستشفى القوات الجويه في العباسيه بالكامل من اصغر حاجه لاكبر حاجه وموجوده في الحرفيين

وبالنسبه لقطع الغيار الاستعمل او الاستيراد موجوده في الحرفين عند مجدي البيومي وعند ابو الدهب وطيره
بالنسبه للسعار انا شايفها ممتازه ومش غاليه

سير ال 1400 مقاسه 1750 ب 120 جنيه
جلبة المقص الواحده ب 75 جنيه الاصليه
فانوس امامي بين 300 الى 350 جنيه
فانوس خلفي بين 200 الى 250 جنيه
حساس البور 750 جنيه
حساس شكمان 1100 جنيه
حساس الجو 125 جنيه
كبالن كامله استيراد حالتها ممتازه ب 700 جنيه
شبكه اماميه 250 جنيه
فلتر زيت اصلي 40 جنيه
فلتر التكيف ب 70 جنيه
كباس استيراد ب 700 الى 1000 جنيه
قلب طرمبة البنزين البوش الصيني ب 175 جنيه
الطرمبه كامله 1200 جنيه
العوامه 350 جنيه
ماتور 1400 كامل بالضفيره والفتيس استيراد ب 5500 جنيه حاله ممتازه
شكمان كامل جديد ب 1350 جنيه استيراد ارخص بكتير

متقلقش قطع الغيار موجوده ومتوفره وفي بديل عندك ماتورها زي البولو عيون هما الثنين واحد وفي معظم حاجات الجولف 4

الحاجه الوحيده الي ممكن تلاقيها بصعوبه قاعدة الكباس والدينمو

بص الفلاتر واحده بالنسبه للفابيا والاكتافيا

بالنسبه للديسك والاسطوانه بيختلف طقم دبرياج كامل ب 700 جنيه الفايو الاسباني والساكس ب 900 جنيه بيقولوا الماني بس مضروب
البوجيهات ممكن تركب من 1 شمعه الى 3 شمعه اكتروني