أستفسار عن فلتر تكييف نيسان ؟؟؟؟

**Elsebily** · 29-07-2012 12:18 AM

أولا طبعا كل سنه وانتم طيبين
ثانيا كنت من فتره سمعت عن موضوع فلتر التكييف اللي نزل لنيسان واني مكانه موجود في العربيه فيعني حبيت اني استفسر من اعضاء المنتدي عن الفلتر وده خصوصا اني قريت في موضوع قبل كده اني فيه كتير مركبينه المهم كنت عاوز اعرف هل فعلا بعد تركيبه هحس بالفرق وياريت لو امكن اعرف سعره كام وهل لازم اشتريه من التوكيل ولا هلاقيه في اي محل قطع غيار ياباني وخلاص ؟؟؟؟

**Abdm** · 29-07-2012 04:15 PM

حضرتك هو موجود بالتوكيل وسعرة حوالى 180 جنية الآصلى وموجود أيضا خارج التوكيل فى محلات قطع الغيار وأرخص من كدة لكن مش نفس المستوى ولا نفس الآداء وبالتأكيد مش الآصلى .

ويا ريت حضرتك تقرأ المواضيع اللى فى الينكات اللى جاية دية .

http://www.nilemotors.net/Nile/278648-a.html

http://www.nilemotors.net/Nile/228012-a.html

http://www.nilemotors.net/Nile/230287-a.html

http://www.nilemotors.net/Nile/254950-a.html

وأيضا الموضوع الشامل والعام لكل المشاكل والآعطال والصيانات

http://www.nilemotors.net/Nile/163656-a.html

والله الموفق والمستعان

**Elsebily** · 29-07-2012 06:35 PM

ألف شكر علي التوضيح وبعد ما قريت المواضيع اللي حضرتك حاطط اللينك بتاعها حسيت اني الموضوع ملوش لازمه وبالذات لان أستاذ </B>night_whisper قال اني الرائحه رجعت تاني

**Youssef.Awad** · 30-07-2012 02:14 AM

هو طبعا له لازمة فى تنقية الهواء الداخل لثلاجة التكييف والخارج للركاب عبر الفتحات
وبعد فترة من الاستعمال والتنظيف بيكون محتاج للتغيير بالكامل
بالنسبة للروائح مالهاش علاقة بالفلتر قد ما ليها علاقة بتنظيف دورة التكييف او الفتحات وممرات الهواء
وعن نفسى جربت فكرة رش الديتول الاسبراى اللى كان طرحها العضو البارز بيشوى peaceman من فترة وعجبتنى الا ان الريحة رجعت تانى على خفيف
سعره فى التوكيل 180ج فعلا وفى ارخص برة بس مش هتلاقيه يابانى هايكون اما بولندى او رومانى او اى صناعة تانية واكيد ارخص
انا جبت لنفسى واحد يابانى اصلى من السعودية عامل 100ج تقريبا وباذن الله لما انزل اجربه واقولكم ايه الاخبار بعد تغيير القديم اللى كنت واخده فى حملة مجانية من سنة ونص تبع نيسان ومش اصلى لأنه خفيف ومش مالى فراغ الدرج بالكامل !!!