معايا من 70 الف الى 80 الف اشترى مستعمل ولا جديد

أنا كنت جبت لانسر بومه 2008 مستعمله و فضلت معايا 3 شهور بس بعتها لانها بهدلتنى لان كان ملعوب فيها و ملغى فيها نظام الإمبوليزر و ملغى الاير باج و انا بصراحة بحب احافظ على حاجتى قوى
و كنت مخنوق بسبب ان كل شوية اكتشف فيها حاجة غلط او مش مضبوطة



المهم علشان مصدعكوش أنا عاوز اجيب عربية من رينج 70 ألف إلى 80 ألف بحد أقصى

فإيه رأيكم أجيب زيرو زى شيفورليه لانوس
فيرنا
أفيو


ولا أجيب يابانى زى لانسر بومه و أكشف عليها فى التوكيل - علشان مغلطش غلطة الأولى
ولا أجيب تويوتا 2003 الى 2005
ولا أجيب سوبارو
و لا أدور على شارك 2008

و لو فى إقتراح تانى يا ريت تردوا عليا

بصراحة حاسس ان الزيرو مهما كان لا يعلى عليه بس اللى مضايقنى انى كنت راكب لانسر بومه و اروح اركب دايو

منتظر أرائكم يا إخواتى و ياريت كل شخص يحدد السبب مع الرأى