الله يباركلك ويبارك فيك
بس القسم ماشاء الله منور بأصحابه اللي هما لوحدهم كفاية لسنوات عديدة قدام بإذن الله
موضوع البرشور ده .. سبق واتكلمنا فيه قبل كدا .. وقولنا ان ده بسبب غلطة منهم وهما بيطبعوا البرشور ..
وكتبوا الهورس باور الفعلى بتعها اللى هو 99 حصان .. وكان مفروض يكتبوا ال108 فقط
والاتنين صح .. بس ده فى حالة .. وده فى حالة
99 حصان ده الصافى .. قوة اداء العربية وهو راكب فيها الماتور والعفشة والصاج وكل حاجة .. بيسموها بره قياس net
وال108 حصان .. ده قوة اداء الماتور لوحده .. مش لراكب عليه حاجة .. وبيمسوه gross
اللى كان حيتكتب هو الجروس .. زى ما بيتكتب على العربيات الكورى وعربيات كتير فى السوق .. ماعدا الالمانى .. لان اللى اعرفه ان الالمانى بيقيسوا وبيكتبوا علىا لبرشور الnet
المهم بقا مش 99 ومش 108 المهم عندى اداء الجيربوكس .. وهل فى فقد كبير ولالا .. لو لو اداء الجير بوكس مع الماتور قليل او كبير .. مش موزون ومظبوط .. حيعمل فقد كتير .. وحتلاقى العربية بقت بطة بلدى
اما بقا بخصوص المعارض الخاصة .. المعارض .. بتشترى العربيات من الموزع .. وبتتشرى بكمية .. وطبعا اى موزع لما بيلاقى فى ملايين مدفوعة قدامه عشان ياخد العربية .. بيضطر يجى على حساب العميل اللى عنده .. وهنا الغلط .. بس تتحل ازاى .. وهو عايز يكسب بردوا !
بصراحة هى قضية ملخبطة وحلها الوحيد .. فى ان الناس تصبرررررررر عشان منشجعش الموضوع ده
بس اللى اعرفه ان اى موزع معتمد حيبيع باوفر برايس .. محدش يشترى منه يوقدم شكوى على طول .. لان السعر لسه مش زاد رسمى
..
وتحية وتقدير لصحاب الموضوع على رده المحترم وتقييمه المحترم من وجهة نظر سليمة وعاقلة
ونتمنى انك تتواصل معانا دايما
وانا سعيد بانضمامك مش عشان الكلام اللى انت كاتبه .. عشان وجودك معانا واحساسك بالناس وانك بطمنهم .. وكمان عملت موضوع جديد على استهلاك البنزين .. فده اسعدنى .. ودل على انك بتقدر الاعضاء وقسم نيسان .. وعايز تفيده
والانسان اللى زيك انسان محترم .. مش بياخد المعلومة والافادة ويهرب .. ومش بنشوفه .. بالعكس
موضوعاتك ووجوك معانا دليل على انك انسانة بتعرف معنى التقدير
ونتمنى اننا نشوفك ونتعرف عليك فى اقرب فرصة وتنضم لينا فى اسرة القسم
تحياتى
اخوك فى الله
احمد مصطفى
كل شركات العالم بتعلن أرقام مواتير مش أرقام عجل و لا ألماني و لا غيره .
أي بروشور في الدنيا بيقول رقم قوة الموتور .
أولا العربية فيه منها مانوال و فيه منها أوتوماتيك .
لو هاتقيس على العجل ....... القوة هاتختلف من المانوال للأوتوماتيك .
كل شركات العالم بتقيس الموتور و تعلن رقمه من عند الحدافة .
أي أرقام تانية عايز تعرفها لازم تحط العربية نفسها على جهاز القياس علشان تعرف العربية بتطلع كام .
نسبة الفاقد من 10 إلى 15 % و دي بترجع لشوية عووامل
كفاءة الات الحركة و كيفية توزيع الفاقد عليها .
(الات الحركة دي تشمل الفتيس و الات الجر )
بالمناسبة كمان
Gross
بيبقى قوة الموتور بدون أي شئ عليه .
Net
قوة الموتور بعد تركيب كل شئ لغاية الحدافة أو flywheel
علشان بس مفيش حاجة أسمها الألمان بيقيسوا بطريقة و بقية العالم بيقيس بطريقة .
كل بيقيس بطريقة واحدة
المتر المصري زي المتر الفرنسي زي المتر الياباني ....... كله متر و كله 100 سم
مع تحياتي
ليتهم جميعا يعلمون وبالصبر يتحلون ..
لا اسمحلى .. هنا فى مصر .. مفيش الكلام ده .. اوما ليه العربيات الكورى كلها وعربيات تانية كتير .. بيكون مكتوب على البرشور .. ارقام جروس .. لان اداء مواتيرها بيكون اقل طبعا من 124 حصان !
ما التيدا عندى البرشور بتعها 118 .. وبره والمعروف عنها انها بتخرج 109
وبعدين الالمانى فعلا .. واغلب عربياته .. اغلب اللى مكتوب بيكون صحيح .. على قياسات النت مش الجروس
وبعدين كمان محدش قال عجل ولا الكلام ده .. وقولنا الجيربوكس والعفشة .. هى العفشة مش الات الجر ! ولو كان كلامى كان غلط صححلى ..
محدش جاب سيرة العجل خالص
ولو حضرتك قريت كلامى كويس .. حتلاقينى متفق معاك .. بس انا شارح بالبلدى شوية
والالمان بيقيسوا بالاتنين .. بس بيكتبوا وبيعلنوا دايما النت
وكمان انا موضح زيك الفرق بين النت والجروس .. ولو فى حاجة فى كلامى غلط اكدلى باقتباس وخط علىا لكلام عشان اعرف .. واعرف الصح فين .. يمكن اكون غلط فى شرحى واتلخبط
والدنيا صيام
رمضان كريم
اقتباس:
لا اسمحلى .. هنا فى مصر .. مفيش الكلام ده .. اوما ليه العربيات الكورى كلها وعربيات تانية كتير .. بيكون مكتوب على البرشور .. ارقام جروس .. لان اداء مواتيرها بيكون اقل طبعا من 124 حصان !
أنا مليش دعوة بالأداء يا أستاذ أحمد أنا بتكلم عن طريقة القياس نفسها .
ما التيدا عندى البرشور بتعها 118 .. وبره والمعروف عنها انها بتخرج 109
برضه معنديش معلومات بخصوص التيدا و مكتوب في الملصق الأعلاني بتاعها أيه .
وبعدين الالمانى فعلا .. واغلب عربياته .. اغلب اللى مكتوب بيكون صحيح .. على قياسات النت مش الجروس
و حضرتك عرفت ازاي أن قياسات الألمان صحيحة و بقية خلق الله غير صحيحة ؟
وبعدين كمان محدش قال عجل ولا الكلام ده .. وقولنا الجيربوكس والعفشة .. هى العفشة مش الات الجر ! ولو كان كلامى كان غلط صححلى ..
لا يا فندم العفشة مش الات جر ........ العفشة هي نظام التعليق و ليس له أي علاقة بالسحب و قوة الموتور .
العفشة لها علاقة بالثبات ...... الراحة ....... أمتصاص المطبات
محدش جاب سيرة العجل خالص
حضرتك قلت فوق بعد تركيب الصاج و العفشة و أنا مقتبس كلامك فوق .
و مش ده معنى النت اللي حضرتك شرحته .
لأن النت بطريقة شرحك هي قياس العجل مش قياس نت الموتور .
ولو حضرتك قريت كلامى كويس .. حتلاقينى متفق معاك .. بس انا شارح بالبلدى شوية
يا فندم مفيش أي مشكلة ..... أقرأ كلامك مرة تاني اللي أنا أقتبسته فوق و قولي رأيك أيه .
والالمان بيقيسوا بالاتنين .. بس بيكتبوا وبيعلنوا دايما النت
اللي أعرفه أن كله بيعلن النت ........ و اللي بيعلن جروس ...... ده الوكيل النصاب
وكمان انا موضح زيك الفرق بين النت والجروس .. ولو فى حاجة فى كلامى غلط اكدلى باقتباس وخط علىا لكلام عشان اعرف .. واعرف الصح فين .. يمكن اكون غلط فى شرحى واتلخبط
والدنيا صيام
رمضان كريم
ممكن حضرتك تبص على الأقتباس فوق من كلامك بالنسبة للفرق بين النت و الجروس .
خليني بس أعلق على حتة صغيرة و توضيح أكتر .
لو قلنا أن موتور مثلا كيا سيراتو هو هو موتور الكارنز
تفتكر أن أداءه مع السيراتو هايكون زي الكارنز ؟؟؟؟
مع أختلاف الوزن ....... الفتيس ..... نسب الفتيس علشان تناسب عربية زي الكارنز و تناسب الشد مش الجري ......
علشان كدا مينفعش أصلا شركة تقيس إلا الموتور بس .
و أدخل على موقع أي شركة .......... هاتلاقيهم معلنيين عن النت مش الجروس
استاذ احمد مصطفى ممكن مقدرتش اوضح راى كويس بس ممكن التعليق السابق يكون افضل منى فى الايضاح.
وبرضة هقول مينفعش شركة محترمه يخرج منها برشور من ورقتين المفروض متراجع عليها كويس قبل اعلان الناس بيها والا تكون مصيبة انه يغلطوا فى الورق وهما اتنين امال لما يجوا يجمعوا عربية هيغلطوا فى اية .
وبالرغم من ذلك انا بالنسبة ليا ميفرقش كتير الهورس باور علشان انا مش بتاع شد وجرى انا بشترى عربية عائلية علشان كدة اخترت الصنى وكان ممكن اجيب اكسنت او ريو علشان الجرى والسحب بس انسى وسائل الامان الى هتبقى موجودة فى الفئة السعرية ديه .
وحبيت اشكرك على موضوعك الخاص بالنيسان صنى الجديدة وهوا الى حببنى فى العربية ..... بس بدات افكر تانى فى الريو او البرسونا وشكرا واسف على الاطاله ..
انت معاك حق انا اتلخبطت فى الكتابة على موضوع العفشة هى الات الجر .. لانى فعلا كنت اقصد نظام التعليق
والقياس اللى اعرفه وسمعته من مهندسين مكيانيكا .. ان الصح لما بيركب الحاجات المهمة اللى بتسحب وبتاثر وبتفقد من عزم وقوةا لماتور عشان ناخد الناتج .. زى الجير بوكس وبودى العربية .. ولعفشة .. وان موضوع ان فى شركات بتقيس الماتور بس .. ايوة فعلا فى
انا مش حتكلم بقا على شركات منافسة عشان مدخلش فى قصة السمع .. لان على السمع سمعت كتير جداااا .. ان اداء الكورى مش ادائها ال126 حصان ومش 140 حصان .. وده كله مش الصافى
انا حتكلم على العربية اللى راكبها .. مكتوب على البرشور 118 حصان .. وهو مش 118 وهو 108 وده الصافى ليها
وفى شركات زى ما قولتلك المانى اغللبها بتكتب الهورس باور النت بتعها
وهل تقنعنى ان اداء السيراتو 126 حصان واعلى من التيدا ! .. حتى لو كان اعلى .. هل اعلى ب8 او 9 حصان .. اشك !
وحتى لو قولنا ان الماتور قياسه صحيح .. وفعلا 126 اومال ليه الكارنز اتقل من السيراتو فى السحب .. وانا ركبتها وسقتها بنفسى .. العربية تقيلة جدا فى طلعتها .. فاكيد وزن العربية بياثر
ولو بياثر يبقا اكيد الماتور بيتاثر وبيفقد .. مع الاتنين زى بعض .. يبقا جسم العربية واداء الجيربوكس بياثر ومهم .. وهنا فى مصر مش بيقولوا الصافى .. واغلب اللى موجود فى مصر مش الصافى
وانا متاكد مليون فى المائة ان عربيتى زى ما وضحتلك مش صافى 118 اللى مكتوب فى البرشور .. وصافيها 108 109 .. يبقا الحل ايه اروح ارفع قضية على نيسان !
ياريت لو تبقى مضمونة واكسب مليون جنية .. ايدى على كتفك .. ويبقا طلعنا بمصلحة هههههههههه
والله هنا فى مصر بنشوف العجب .. ومفيش اى احترام لعقل العميل ابدا
فعلا احنا او انا بالذات مش بيفرق معايا السرعة لان مش بحبها .. احب اجرى واحرق لغاية ال120 او 130 فقط
وموضوع طباعة البرشور .. اكيد ممكن وارد يغلطوا .. مش عيب .. لان مش معقول يكتبوا قياسين اتنين .. ولو كانوا قصدين يبقا كان مفروض يوضحوا الفرق
وتسلم على تقديرك الغالى .. وربنا يوفقك للافضل يارب .. ولو بتقارن بين البرسونا والريو يبقا خاليك فى الريو .. تحياتى ليك