اقتباس المشاركة الأصلية كتبت بواسطة sa3dizer مشاهدة المشاركة
معلش يا باشا الحمد لله انها جت سليمة
انا حصلي نفس اللي بتقول عليه ده بالظبط اول ما جبتها والله
ممكن تقول ايه المشكلة اللي عندك يمكن نعرف حلها ايه ؟
الحمد لله يا معلم هو عندنا فى مصر لازم اول ما تجيب حاجه جديده تاخد نصيبها خصوصا انى نازل من 25
هى المشاكل بدات من ساعه الخبطه
انا دخل فيا اتوبيس من ورا على كوبرى الجامعه والعربيه طلعت ع الرصيف وعدت الناحيه التانيه
بعد ما عدلنا العربيه وجربت ادور مش راضيه تدور وكان فى واحد كهربائى معدى بالصدفه فحب يجامل
انا كان مغمى عليا فمكنتش مركز معاه هو بيعمل ايه بس هوا لعب فى علبه الفيوزات اللى فى الكبوت قدام واللى جوا فى العربيه وفى طرمبه البنزين تحت الكنبه
المهم انه معرفش يدورها وبعد ما مشى لاقيت فيوزات كتير مرميه فى الأرض
وبعدين قطرناها لغايه الكهربائى بتاعى
المهم انه دورها
ومن بعدها فى لمبه على شكل دريكسيون منوره احمر فى التابلوه
وبعدين اجى وانا ماشى بالعربيه الاقى الكهربا بتفصل تماما وتقوم العربيه مبطله وبعدين ترجع تدور تانى لوحدها وتفضل تعمل كده كتير
وطبعا لما الكهربا تفصل كل العدادات بتتصفر ولازم ادخل كود الكاسيت
واوقات تقف خالص ومترضاش تدور
اقوم نازل اقعد اخبط ع البطاريه وعلبه الفيوزات بس من غير فايده ولما هى يجيلها مزاج تقوم دايره
ومحدش عارف يعمل فيها حاجه
معلش بقى يا معلم طولت عليك وشكرا على اهتمامك