shark vs cruze vs sunny

**Land_Cruiser** · 30-07-2012 08:23 PM

هو حضرتك اكيد هتحس بفرق واضح لو اشتريت اى واحده من التلاته لان فى فرق تكنولوجيا حوالى ٣٠ سنه فطبيعى جداً انك هتحس بالتغيير الجامد و النقله التكنولوجيا بالاضافه الى ان العربيه هتكون زيرو و عليها ضمان ٣ سنين. انا بصراحه انصحك بالشارك كموتور و فتيس و كماليات ووسع داخلى و رفاهيه و ماركه محترمه و خاصه انها بقت ١٦٠٠ سى سى و عليها عرض اليومين دول و تأتى الصنى فى المرتبة التانيه و تتميز بالأمان و الوسع الداخلى و العفشه و استهلاك بنزين معقول و سعرها برضه المنافس جداً لان مفيش حاجه بامكانياتها بالسعر ده و لا حتى قريب منه و كمان توكيلها ممتاز و ان كان يعيبها شكلها و ان كان ده اذواق و عدم فخامه مكوناتها الداخليه و فى المرتبة التالته الكروز و ده لأن موتورها ضعيف و توكيلها مش إد كده و تعتبر غاليه على امكانياتها اذا قارنتها بالصنى مثلا يعنى بالترتيب من الاحسن للأسوأ

١- شارك
٢- صنى
٣- كروز

**Egyp** · 31-07-2012 05:38 AM

شاكر جدا لردود حضراتكم وجزاكم الله خيرا
ان شاء الله انا بنسبة كبيرة استقريت علي الشارك والصني و لسه هركب كل واحدة فيهم واشوف ربنا هيهديني لاي واحدة منهم

بس في سؤال من خبرة حضراتكم هل في عربيات تانية كويسة في نفس الفئة السعرية دي ويكون اختيارها افضل و احسن ولا دول افضل عربيات في الفئة دي

ولكم جزيل الشكر

**Al-Farooq** · 02-08-2012 09:33 AM

ممكن تشوف بروتون جين2 او برسونا.

**sha2e** · 02-08-2012 05:18 PM

لو قولنا ان معاك 132 نرشح لحضرتك الصني للاسباب التاليه :
1- فيها كل متطلباتك الى طلبتها
2- اقوي صاج فى التالته
3- استهلاك البنزين الزياده شويه مش هتحس بيه " لانك كان معاك غول بنزين"
4- قطع الغيار تعتبر ارخصهم
5- كأستخدام قاصى "بهدله" تعتبر افضل التلاته
6- فرق السعر 30 الف انت اولى بيه

حاول بس وانت بتشوف الصني بعد ما تظبط الكرسي بتاعك انزل واركب ورا وشوف الكانبه مناسبه لاقي افراد اسرتك ولا لأ

**bero0o0o0** · 02-08-2012 06:31 PM

لو هتقارن التلاتة بدون النظر للاسعار الشارك طبعا تكسب و بفارق ملحوظ
لو هتحط الفلوس بند في المقارنة الصني اكيد هاتكسب لانها بامكانياتها(حتى لو مش زي الكروز و الشارك) تعتبر رخيصة جدا كده
فشوف انت بقى عايز توفر و تركب عربية معقولة ولا عايز تركب عربية حلوة و تدفع شوية زيادة

**mstool** · 02-08-2012 08:14 PM

اللانسر افضل عربية فيهم من غير كلام ميتسوبيشى يعنى بعد التويوتا عالطول الصنى حلوة جدا بس حضرتك طلعت لفئة اعلى من الصنى من وجهة نظرى طبعا بيبقى فية فرق كبير فى الصاج و الخامات و الثبات و الحاجات اللى تحسسك انك فعلا دفعت الفلوس فى مكان صح و كل دة هيصب لصالح الشارك غير انك هتاخدها باقل من تمنها منزلنها من 140 الى 124 غير الموتور المايفك دة قصة تانية خالص الكروز حلوة جدا يبها استهلاك البنزين بطة شوية موتورها بيخف بمعنى الكلمة انا شفت ناس كتير بتسقط مواتير فى كروز ههههههه و هيا لسة مكملتش تلات سنين و طبعا توكيلها منصور مش زى توكيل ميتسوبيشى و بعدين بعداذن حضرتك لا مقارنة بين كورى و يابانى من حيث الاعتمادية و الثبات و الخامات
لانسر شارك
صنى اعلى فئة
كروز
لو فرق السعر يفرق مع حضرتك
تطلع الصنى لرقم واحد و الشارك رقم اتنين برضة عشان الغالى تمنة فية

**szaalouk** · 02-08-2012 10:46 PM

المشاركة الأصلية كتبت بواسطة mstool

اللانسر افضل عربية فيهم من غير كلام ميتسوبيشى يعنى بعد التويوتا عالطول الصنى حلوة جدا بس حضرتك طلعت لفئة اعلى من الصنى من وجهة نظرى طبعا بيبقى فية فرق كبير فى الصاج و الخامات و الثبات و الحاجات اللى تحسسك انك فعلا دفعت الفلوس فى مكان صح و كل دة هيصب لصالح الشارك غير انك هتاخدها باقل من تمنها منزلنها من 140 الى 124 غير الموتور المايفك دة قصة تانية خالص الكروز حلوة جدا يبها استهلاك البنزين بطة شوية موتورها بيخف بمعنى الكلمة انا شفت ناس كتير بتسقط مواتير فى كروز ههههههه و هيا لسة مكملتش تلات سنين و طبعا توكيلها منصور مش زى توكيل ميتسوبيشى و بعدين بعداذن حضرتك لا مقارنة بين كورى و يابانى من حيث الاعتمادية و الثبات و الخامات
لانسر شارك
صنى اعلى فئة
كروز
لو فرق السعر يفرق مع حضرتك
تطلع الصنى لرقم واحد و الشارك رقم اتنين برضة عشان الغالى تمنة فية

:b4_388::b4_388::b4_388::b4_388::b4_388::b4_388:

**Mohamed Fawzy** · 02-08-2012 11:01 PM

الشارك طبعا افضلهم خصوصا بالموتور الجديد ولو بتفكر في حاجة تانية ممكن تشوف الفلوانس عربية كويسة جدا وفيها كل اللي انت محتاجه واكتر ربنا يوفقك للخير ان شاء الله

**M.Alaa92** · 02-08-2012 11:47 PM

صنى و وفر البااقى توكيل محترم و وسائل اماان و اعادة بيع ( للموديل صنى عموما كويسة جداا) و تستحمل اللى انت عاوزو .

و شووف الفلواانس برضو عربية تحفة
و متنساش الاستخاارة :)

**Dawns_Mist** · 03-08-2012 05:37 PM

قوة الموتور و السحب :
شارك - صني - كروز

ثبات و أمان :
( كروز - شارك ) الاتنين زي بعض تقريبا ، بعدهم تيجي الصني

كماليات :
شارك - كروز - صني

مساحة داخلية :
شارك - كروز - صني

نعومة في القيادة و راحة داخلية :
كروز - شارك - صني

قطع غيار و توكيل :
صني - شارك - كروز

الصاج و الدهان :
صني - كروز - شارك

عفشة رياضية تستحمل البهدلة :
شارك - صني - كروز

شكل خارجي ، و شكل تابلوه :
شارك - كروز - صني ( هنا الكروز و الشارك في نفس المستوى لكن الموضوع أذواق )

قوة التكييف :
شارك - صني - كروز

* بص يا أفندم ... الشارك و الكروز فئة واحده ، لكن الشارك في رأيي تتفوق على الكروز بمراحل و مافيش أي ميزة تخليني أفكر في الكروز عن الشارك ، بالتالي لو هتقارن بين الشارك و الصني يبقى هتظلم الصني لإن دي فئة و دي فئة تانية ... بس أنا لو مكانك و شايف إن إمكانيات الصني يادوب على قدي على طول هشد على الصني و هوفر فلوسي .. لكن لو عايز كماليات أكتر و عايز موتور أقوى و بتحب تجري على سرعات عالية و محتاج أمان أكتر و هكذا يبقى على الشارك على طول .