فعلا ليه التزنيق ده مالدنيا واسعه ..
عرض للطباعة
فعلا ليه التزنيق ده مالدنيا واسعه ..
هي احسن فكرة كوريك تمساح من الناحية المعشقه (لو امامي يبقي ادام ولو خلفي يبقى ورا) وتزقو واحده واحده
وانا مش مع تنفيس الكاوتش ده (ممعرفتس هي عملت ايه لما شافت الكاوتش مهوي كده ولا اتصرفت ازاي)
وايه صحيح زيت الباكم ده بيتعمل بيه وايه وازاي ولا بيعمل ايه ؟؟؟
بالنسبة للصوره هو انت كنت راكن في حته بتاعت سايس لان هما اللي بيعمل الحركه الوسخه دي
يظبط العربيه وينزل ويزقها لورا عشان يستغل اكتر مساحة والعربيه تبقي مزنوقه من الناحيتين ولما تيجي يزقها من ورا تقوم فاتح وتدخل
انا كنت بركن عند حد كده بس من كتر الحك في كل حته في العربيه بطلت وقولت الله الغني اركب مواصلات ارحم من كل يوم انزل الاقي العربيه مخدوشه في حته شكل بسبب البهايم دول ولا كمان بدفع 10 جنية عشان تتنيل كده وبتبقى مردومه تراب (كل ده عند النايل سيتي والكورنيش والحتت دي )ساعات بيبقى عندي شركات هناك بنزلها بالاسبوعين
زى ما تقول إننا اليومين دول محتاجين نقرب من بعض أكتر شوية وأنا أحيى الراجل دا اللى لزق جمب حضرتك باحترافية من غير ما يخبطك كان فارق بينك وبينه كام مللى بس هو أستااااااااااااااااااااذ
هو انا بحمد ربنا انه محكش السيارة بس لا يوجد سايس ولا حاجه الشارع هو الوحده العربيه وانا مش بحبه بس لازم اروحه ما باليد حيلة وكل مره بحاول اركنها تبع ناس المره دى ركنتها مع نفسى وربنا ستر
للأسف الزحام بيعملنا حالة من الهياج وبيغير أخلاقنا كلنا
لازم يكون فيه حل
لازم ننتشر بقى على مساحات مصر الشاسعه يمين وشمال
كفاية بقى تزنيق فى بعض
لو الحال فضل كده
كمان 10 سنين هتدور العربية وتفضل فى الجراج مش هنعرف نطلع منه !!!!
لا لا لا حرام اوي موضوع زيت الباكم ده اذي جامد اوي يعني تخيل حد يدلقه على عربيه ويبوظ لونها
ده انا بقول حرام موضوع تهويه الكاوتش مع ان ضرره حيبقى معنوي (تكديره) من غير اذي مادي ومع ذلك ارفضه
هو الحل بعد السؤال ومفيش فايده كوريك تمساح وواحده واحده وتتزق وممكن اسيب ورقه اهزءه على المساحه لو نرفزني اوي
معاك حق
الظلم ظلمات يوم القيامة
بلاش أذيه الله يكرمكم
مش معقولة نبلطج على بعض
لو هنعمل فى بعضنا كده يابتوع الملاكى
يبقى اللى بيعمله اصحاب المحلات فينا حلال بقى
!!!!
سيبنا ايه لبتوع التوكتوك والميكروباص !!!!
هتستفاد ايه من انك تفسى الكاوتش
أو تبوظ دهان العربية
!!!!!
وكما تدين تدان
المستفيد الوحيد الصنايعية وبتوع الدوكو والسمكرة